Tingtoeng 118
1 Amah kah sitlohnah he kumhal duela a then dongah BOEIPA te uem uh lah.
여호와께 감사하라! 저는 선하시며 그 인자하심이 영원함이로다
2 A sitlohnah he kumhal due ham ni tila Israel loh thui laeh saeh.
이제 이스라엘은 말하기를 그 인자하심이 영원하다 할지로다
3 A sitlohnah he kumhal due ham ni tila Aron imkhui loh thui uh laeh saeh.
이제 아론의 집은 말하기를 그 인자하심이 영원하다 할지로다
4 A sitlohnah he kumhal due ham ni tila BOEIPA aka rhih rhoek loh thui uh laeh saeh.
이제 여호와를 경외하는 자는 말하기를 그 인자하심이 영원하다 할지로다
5 Longcaek ah khaw BOEIPA ka khue tih BOEIPA loh a hoengpoeknah la kai n'doo.
내가 고통 중에 여호와께 부르짖었더니 여호와께서 답하시고 나를 광활한 곳에 세우셨도다
6 BOEIPA he kai taengah a om dongah ka rhih mahpawh. Hlang loh kai taengah balae a saii thai eh?
여호와는 내 편이시라 내게 두려움이 없나니 내게 어찌할꼬
7 BOEIPA tah kai taengah kai aka bom la a om dongah kai loh ka lunguet rhoek te ka sawt pueng ni.
여호와께서 내 편이 되사 나를 돕는 자 중에 계시니 그러므로 나를 미워하는 자에게 보응하시는 것을 내가 보리로다
8 Hlang dongah pangtung lakah BOEIPA dongah ying te then ngai.
여호와께 피함이 사람을 신뢰함보다 나으며
9 Hlangcong dongah pangtung lakah BOEIPA dongah n'ying te then ngai.
여호와께 피함이 방백들을 신뢰함보다 낫도다
10 Namtom boeih loh kai m'vael uh coeng dae amih te BOEIPA ming neh ka tloek uh.
11 Amih loh kai m'vael khaw m'vael uh ngawn dae BOEIPA ming neh ka tloek van.
12 Khoi bangla kai te m'ven uh cakhaw amih te BOEIPA ming neh ka tloek dongah hling hmai bangla thi uh.
13 Kai he cungku sak hamla nan tulh khaw nan tulh uh dae BOEIPA loh kai m'bom.
14 BOEIPA tah ka sarhi neh ka laa la om tih kai ham khangnah la om.
15 BOEIPA bantang ah thadueng aka khueh, hlang dueng kah dap khuiah tamlung ol neh khangnah om.
16 BOEIPA loh bantang kut a thueng. BOEIPA kah bantang kut loh caem a saii.
17 Ka duek pawt vetih ka hing pueng ni. Te dongah BOEIPA kah bibi te ka doek ni.
18 BOEIPA loh kai n'toel khaw n'toel coeng. Tedae dueknah dongah kai n'khueh moenih.
19 Kai ham duengnah vongka hang ong lah. Te long te ka kun saeh lamtah BOEIPA ka uem eh.
20 He tah BOEIPA kah vongka ni. Anih he aka dueng rhoek loh paan uh saeh.
21 Kai nan doo tih kai ham khangnah la na om dongah namah te ka uem ni.
22 Im aka sa rhoek loh a hnawt uh lungto te bangkil soi la pawk.
23 He he BOEIPA taeng lamkah ni halo. Te khaw mamih mikhmuh ah khobaerhambae la om.
24 He he BOEIPA kah a saii khohnin ni, omngaih uh sih lamtah amah dongah kohoe sak uh lah sih.
25 Aw BOEIPA n'khang laeh. Aw BOEIPA n'thaihtak sak laeh.
26 BOEIPA ming neh aka lo tah a yoethen pai. BOEIPA im lamkah nangmih te yoethen kam paekuh.
27 BOEIPA tah Pathen ni. Mamih taengah ha sae tih khotue hmueih te hmueihtuk ki dongah rhuivaeh neh a khih uh.
28 Nang tah ka Pathen ni. Te dongah ka Pathen namah te kang uem vetih kan pomsang ni.
29 A sitlohnah he kumhal due ham a then dongah BOEIPA te uem uh lah.
