Olcueih 4
1 Pa kah thuituennah te ca rhoek loh hnatun saeh lamtah yakmingnah dang hamla hnatung saeh.
| שמעו בנים מוסר אב והקשיבו לדעת בינה׃ |
2 Nangmih taengah aka then rhingtuknah kam paek coeng dongah ka olkhueng he hnoo boeh.
| כי לקח טוב נתתי לכם תורתי אל תעזבו׃ |
3 Ka camoe vaengah a pa taengah mongkawt la, a nu mikhmuh ah oingaih cangloeng la ka om.
| כי בן הייתי לאבי רך ויחיד לפני אמי׃ |
4 Te vaengah kai n'thuinuet tih kamah taengah, “Ka ol he na lungbuei ah dueh lamtah ka olpaek ngaithuen neh hing puei.
| וירני ויאמר לי יתמך דברי לבך שמר מצותי וחיה׃ |
5 Cueihnah te lai lamtah yakmingnah khaw lai lah. Ka ka dong lamkah olthui he hnilh boeh, phaelh boeh.
| קנה חכמה קנה בינה אל תשכח ואל תט מאמרי פי׃ |
6 Cueihnah te hnoo boeh, na lungnah daengah ni namah te n'ngaithuen vetih nang te n'kueinah eh.
| אל תעזבה ותשמרך אהבה ותצרך׃ |
7 Cueihnah he ni tanglue, cueihnah he lai lamtah na hnopai boeih nen khaw yakmingnah he lai lah.
| ראשית חכמה קנה חכמה ובכל קנינך קנה בינה׃ |
8 Cueihnah te picai lamtah namah te n'pomsang bitni. Namah te n'thangpom atah amah te kop van.
| סלסלה ותרוממך תכבדך כי תחבקנה׃ |
9 Na lu dongah mikdaithen kah lukhueng la om vetih nang taengah boeimang rhuisam han tloeng ni.
| תתן לראשך לוית חן עטרת תפארת תמגנך׃ |
10 Ka ca ka hnatun lamtah ka olthui he doe lah. Te daengah ni na hingnah ah kum loh nang hamla a puh eh.
| שמע בני וקח אמרי וירבו לך שנות חיים׃ |
11 Cueihnah longpuei neh nang te ka thuinuet vetih namtlak then ah nang te kan cuuk sak ni.
| בדרך חכמה הרתיך הדרכתיך במעגלי ישר׃ |
12 Na caeh vaengah na khokan loh puenca pawt vetih na yong vaengah tongtah mahpawh.
| בלכתך לא יצר צעדך ואם תרוץ לא תכשל׃ |
13 Thuituennah te tu lamtah hlong boeh, na hingnah hamla kueinah.
| החזק במוסר אל תרף נצרה כי היא חייך׃ |
14 Halang kah caehlong ah pongpa boeh, boethae rhoek kah longpuei dongah uem puei boeh.
| בארח רשעים אל תבא ואל תאשר בדרך רעים׃ |
15 Te te dul laeh, a taengla paan boeh. A taeng lamloh taengphael lamtah khum tak.
| פרעהו אל תעבר בו שטה מעליו ועבור׃ |
16 Thaehuet pawt atah ip uh tloel dae a ih loh a hmil atah hlang paloe sak ham te paloe sak uh thai pawh.
| כי לא ישנו אם לא ירעו ונגזלה שנתם אם לא יכשולו׃ |
17 Halangnah buh te a ang uh tih kuthlahnah misurtui tul uh thae.
| כי לחמו לחם רשע ויין חמסים ישתו׃ |
18 Khothaih kah koshae a cikngae vanbangla aka dueng kah caehlong khaw khosae kah a aa bangla a thoeng pah.
| וארח צדיקים כאור נגה הולך ואור עד נכון היום׃ |
19 Halang rhoek kah longpuei tah khohmuep bangla om tih mebang neh a tongtah khaw ming uh pawh.
| דרך רשעים כאפלה לא ידעו במה יכשלו׃ |
20 Ka ca, ka ol he hnatung lamtah ka olthui he na hna kaeng lah.
| בני לדברי הקשיבה לאמרי הט אזנך׃ |
21 Na mik long khaw khohmang boel saeh lamtah na thinko khui ah te te ngaithuen.
| אל יליזו מעיניך שמרם בתוך לבבך׃ |
22 Te te aka hmuh rhoek ham tah amamih kah hingnah neh a pumsa boeih ham khaw hoeihnah la om.
| כי חיים הם למצאיהם ולכל בשרו מרפא׃ |
23 Na lungbuei te kueinah khingrhing lah hingnah kah a dawn tah te lamkah ni.
| מכל משמר נצר לבך כי ממנו תוצאות חיים׃ |
24 Ka dongkah olhmaang te na taeng lamloh thaek lamtah hmuilai dongkah olrhong oling khaw namah lamloh lakhla sak.
| הסר ממך עקשות פה ולזות שפתים הרחק ממך׃ |
25 Na mik loh phek paelki saeh lamtah na mikkhu loh namah hmaiah buelh dueng saeh.
| עיניך לנכח יביטו ועפעפיך יישרו נגדך׃ |
26 Na kho ham namtlak te saelh pah saeh lamtah na longpuei khaw boeih cikngae saeh.
| פלס מעגל רגלך וכל דרכיך יכנו׃ |
27 Banvoei bantang la phael boeh, na kho te a thae dong lamloh hoeptlang lah.
| אל תט ימין ושמאול הסר רגלך מרע׃ |
