Olcueih 29
1 Toelthamnah a om lalah a rhawn aka mangkhak sak hlang tah hoeihnah om kolla pahoi khaem ni.
| איש תוכחות מקשה ערף פתע ישבר ואין מרפא׃ |
2 Hlang dueng a pul vaengah pilnam a kohoe. Tedae halang loh a taemrhai vaengah pilnam huei.
| ברבות צדיקים ישמח העם ובמשל רשע יאנח עם׃ |
3 Cueihnah aka lungnah hlang loh a napa ko a hoe sak. Tedae pumyoi neh aka luem loh boeirhaeng khaw a milh sak.
| איש אהב חכמה ישמח אביו ורעה זונות יאבד הון׃ |
4 Tiktamnah dongah ni manghai loh khohmuen a pai sak. Tedae kapbaih aka ca hlang loh khohmuen a koengloeng.
| מלך במשפט יעמיד ארץ ואיש תרומות יהרסנה׃ |
5 A hui taengah aka hoem hlang khaw amah khokan dongah ni lawk a tung coeng.
| גבר מחליק על רעהו רשת פורש על פעמיו׃ |
6 Hlang boethae loh boekoeknah neh hlaeh a tung. Tedae aka dueng tah tamhoe tih a kohoe.
| בפשע איש רע מוקש וצדיק ירון ושמח׃ |
7 Aka dueng long tah tattloel kah dumlai a ming pah. Halang long tah mingnah pataeng a yakming moenih.
| ידע צדיק דין דלים רשע לא יבין דעת׃ |
8 Saipaat hlang rhoek loh khorha a sat. Tedae hlang cueih rhoek long tah thintoek pataeng a dolh.
| אנשי לצון יפיחו קריה וחכמים ישיבו אף׃ |
9 Hlang cueih loh hlang ang taengah lai a thui. Tedae a tlai phoeiah tah luem puei cakhaw mongnah om mahpawh.
| איש חכם נשפט את איש אויל ורגז ושחק ואין נחת׃ |
10 Thii aka hal hlang rhoek loh cuemthuek te a hmuhuet uh. Tedae aka thuem rhoek long tah a hinglu a toem pah.
| אנשי דמים ישנאו תם וישרים יבקשו נפשו׃ |
11 Aka ang loh a mueihla khaw boeih a poh. Tedae aka cueih long tah a hnuk ah domyok a ti.
| כל רוחו יוציא כסיל וחכם באחור ישבחנה׃ |
12 A hong ol aka hnatung loh a taemrhai vaengah, a bibi rhoek khaw boeih halang uh.
| משל מקשיב על דבר שקר כל משרתיו רשעים׃ |
13 Khodaeng neh hlang kah a hnaephnapnah a humcui rhoi vaengah, BOEIPA loh a boktlap la mik a tueng sak.
| רש ואיש תככים נפגשו מאיר עיני שניהם יהוה׃ |
14 A ngolkhoel cikngae yoeyah sak ham atah, tattloel ham khaw manghai loh oltak neh lai a tloek pah.
| מלך שופט באמת דלים כסאו לעד יכון׃ |
15 Cungcik neh toelthamnah loh cueihnah a paek. Tedae a hlahpham camoe loh a manu yah a bai.
| שבט ותוכחת יתן חכמה ונער משלח מביש אמו׃ |
16 Halang rhoek a pul vaengah boekoek khaw pul. Tedae aka dueng long tah amih a cungkunah lam ni a hmuh eh.
| ברבות רשעים ירבה פשע וצדיקים במפלתם יראו׃ |
17 Na capa te toel lamtah na duem bitni. Na hinglu ham khaw buhmong m'paek ni.
| יסר בנך ויניחך ויתן מעדנים לנפשך׃ |
18 Mangthui a om pawt atah pilnam khaw pam. Tedae olkhueng aka ngaithuen tah a yoethen pai.
| באין חזון יפרע עם ושמר תורה אשרהו׃ |
19 Ol bueng neh sal a toel thai moenih. Yakming cakhaw hlat hae mahpawh.
| בדברים לא יוסר עבד כי יבין ואין מענה׃ |
20 A ol neh aka cahawt hlang khaw na hmuh coeng. Anih lakah hlang ang taengah ngaiuepnah om ngai.
| חזית איש אץ בדבריו תקוה לכסיל ממנו׃ |
21 A sal te a camoe lamloh aka dom tah, a hmailong ah khoemtloel la a coeng pah ni.
| מפנק מנער עבדו ואחריתו יהיה מנון׃ |
22 Thintoek hlang loh olpungkacan a huek tih, kosi boei khaw boekoek la muep om.
| איש אף יגרה מדון ובעל חמה רב פשע׃ |
23 Hlang kah a hoemnah loh amah a kunyun sak. Te dongah a mueihla tlarhoel tah thangpomnah loh a moem.
| גאות אדם תשפילנו ושפל רוח יתמך כבוד׃ |
24 Hlanghuen taengah boe aka soep tah, a hinglu ni a hmuhuet coeng. Thaephoeinah ya cakhaw, thui thai mahpawh.
| חולק עם גנב שונא נפשו אלה ישמע ולא יגיד׃ |
25 Hlang kah thuennah loh hlaeh ni a tung eh. Tedae BOEIPA dongah aka pangtung tah sueng.
| חרדת אדם יתן מוקש ובוטח ביהוה ישגב׃ |
26 Aka taemrhai kah maelhmai khaw muep a tlap uh. Tedae hlang taengkah laitloeknah tah BOEIPA hut ni.
| רבים מבקשים פני מושל ומיהוה משפט איש׃ |
27 Hlang dueng long tah dumlai te tueilaehkoi a ti. Tedae halang long tah longpuei aka thuem te tueilaehkoi a ti van.
| תועבת צדיקים איש עול ותועבת רשע ישר דרך׃ |
