Joba 37
1 He dongah ka lungbuei lakueng tih a hmuen lamloh cungpet.
因此我心戰兢， 從原處移動。
2 A ol dongkah khoponah te hnatun hnatun. A ka lamloh caitawknah thoeng.
聽啊，上帝轟轟的聲音 是他口中所發的響聲。
3 Vaan boeih hmuiah a hlah tih a vangnah loh diklai hmoi duela pawk.
他發響聲震遍天下， 發電光閃到地極。
4 A hnukkah a kawk ol khaw a hoemdamnah ol neh hum tih a ol a yaak vaengah rhaek uelh sak boeh.
隨後人聽見有雷聲轟轟，大發威嚴， 雷電接連不斷。
5 Pathen loh a ol neh khobaerhambae a saii khungdaeng tih hum dae m'ming uh moenih.
上帝發出奇妙的雷聲； 他行大事，我們不能測透。
6 Vuelsong neh khotlan khonal te, 'Diklai ah om saeh,’ a ti vaengah khotlan khonal khaw a sarhi tak.
他對雪說：要降在地上； 對大雨和暴雨也是這樣說。
7 Amah kutngo hlang boeih ming sak ham hlang boeih kah kut te rhodaek a soei pah.
他封住各人的手， 叫所造的萬人都曉得他的作為。
8 Te vaengah mulhing khaw a khui la kun tih a khuisaek ah kho a sak.
百獸進入穴中， 臥在洞內。
9 Cangpalam te imkhui lamloh, khosik te tlangpuei lamloh ha thoeng.
暴風出於南宮； 寒冷出於北方。
10 Pathen kah hiil lamloh rhaelnu khaw a khueh tih tui daang mangdaeng mangtok la om.
上帝噓氣成冰； 寬闊之水也都凝結。
11 Khomai te cingtui loh a rhih sak tih cingmai loh amah kah vangnah te a taekyak.
他使密雲盛滿水氣， 布散電光之雲；
12 Te khaw diklai kah lunglai hman ah a uen boeih te saii hamla a niing, a niing dongah kuluk la a hil.
這雲是藉他的指引游行旋轉， 得以在全地面上行他一切所吩咐的，
13 Te te caitueng lam khaw, a khohmuen ham khaw, sitlohnah ham khaw a thoeng sak.
或為責罰，或為潤地， 或為施行慈愛。
14 Job, he he hnakaeng lah. Pai lamtah Pathen kah khobaerhambae he yakming lah.
約伯啊，你要留心聽， 要站立思想上帝奇妙的作為。
15 Te rhoek soah Pathen loh a khueh tih a cingmai kah vangnah a sae te na ming a?
上帝如何吩咐這些， 如何使雲中的電光照耀，你知道嗎？
16 Poeknah rhuemtuet, mangvawt khomai a haainah te na ming a?
雲彩如何浮於空中， 那知識全備者奇妙的作為，你知道嗎？
17 Tuithim loh khohmuen a mong sak vaengah na himbai te aka bae sak,
南風使地寂靜， 你的衣服就如火熱，你知道嗎？
18 Hmaidan a hlawn bangla khomong a thah la amah taengah na nulh thai aya?
你豈能與上帝同鋪穹蒼嗎？ 這穹蒼堅硬，如同鑄成的鏡子。
19 Amah taengah metla n'thui ham khaw kaimih tueng lah. Hmaisuep hmai ah n'tawn uh thai pawt oe.
我們愚昧不能陳說； 請你指教我們該對他說甚麼話。
20 Hlang loh a dolh hamla thui cakhaw ka thui bangla amah taengah a tae pa aya?
人豈可說：我願與他說話？ 豈有人自願滅亡嗎？
21 Tahae ah khaw vangnah a hmuh uh moenih. A aa te khohli loh a yawn tih a caihcil hnukkah khomong dongah tueng.
現在有雲遮蔽，人不得見穹蒼的光亮； 但風吹過，天又發晴。
22 Tlangpuei lamkah sui te mueithennah rhih om Pathen taengla pawk.
金光出於北方， 在上帝那裏有可怕的威嚴。
23 Tlungthang te thadueng a len dongah a tiktamnah m'hmuh lek moenih. Duengnah khaw a cungkuem dongah hlang a phaep moenih.
論到全能者，我們不能測度； 他大有能力，有公平和大義， 必不苦待人。
24 Hlang rhoek loh amah te a rhih uh tangloeng dongah lungbuei aka cueih rhoek takuem khaw a sawt moenih,” a ti.
所以，人敬畏他； 凡自以為心中有智慧的人，他都不顧念。
