Jeremiah 51
1 BOEIPA loh he ni a thui. Kutcaihnah mueihla te Babylon taeng neh, Lebkamai khosa rhoek taengah ka haeng coeng ne.
耶和華如此說： 我必使毀滅的風颳起， 攻擊巴比倫和住在立加米的人。
2 Babylon taengah kholong rhoek neh anih aka vam te ka tueih ni. A yoethae hnin ah tah a khohmuen te a kaepvai ah a om thil vetih a hlaih ni.
我要打發外邦人來到巴比倫， 簸揚她，使她的地空虛。 在她遭禍的日子， 他們要周圍攻擊她。
3 A lii aka nuen loh nuen khaw nuen mai saeh lamtah a caempho te khuen saeh. Te vaengah a tongpang rhoek te hnaih kolla a caempuei khaw boeih thup uh saeh.
拉弓的，要向拉弓的和貫甲挺身的射箭。 不要憐惜她的少年人； 要滅盡她的全軍。
4 Khalden khohmuen kah rhok neh a kawtpoeng kah a thun rhoek khaw cungku uh ni.
他們必在迦勒底人之地被殺仆倒， 在巴比倫的街上被刺透。
5 Amih kah Pathen caempuei BOEIPA loh Israel neh Judah te a hnong van pawt bangla Israel kah aka cim taeng lamkah moeithennah tah amih khohmuen ah cung coeng.
以色列和猶大雖然境內充滿違背以色列聖者的罪， 卻沒有被他的上帝－萬軍之耶和華丟棄。
6 Babylon khui lamloh rhaelrham saeh lamtah hlang loh a hinglu te hlawt saeh. Amih kathaesainah dongah ngam boeh. BOEIPA kah tawnlohnah tue ah tah amah neh a tiing la a taengah a thuung.
你們要從巴比倫中逃奔， 各救自己的性命！ 不要陷在她的罪孽中一同滅亡； 因為這是耶和華報仇的時候， 他必向巴比倫施行報應。
7 BOEIPA kut kah Babylon sui boengloeng loh diklai pum a rhuihmil sak. A misurtui te namtom loh a ok tih namtom khaw yan uh.
巴比倫素來是耶和華手中的金杯， 使天下沉醉； 萬國喝了她的酒就顛狂了。
8 Babylon te buengrhuet cungku vetih bawt ni. Anih ham rhung uh lamtah thingpi loh pa uh lah, a nganboh te a hoeih pah khaming.
巴比倫忽然傾覆毀壞； 要為她哀號； 為止她的疼痛， 拿乳香或者可以治好。
9 Babylon te n'toi khaw n'toi dae a hoeih moenih. Anih te hnoo uh lamtah hlang loh amah khohmuen la cet uh saeh. A laitloeknah loh vaan duela a pha tih khomong duela a toh.
我們想醫治巴比倫， 她卻沒有治好。 離開她吧！我們各人歸回本國； 因為她受的審判通於上天，達到穹蒼。
10 BOEIPA loh kaimih kah duengnah hang khuen te khuen uh sih lamtah kaimih Pathen BOEIPA kah khoboe te Zion ah doek uh sih.
耶和華已經彰顯我們的公義。 來吧！我們可以在錫安 報告耶和華－我們上帝的作為。
11 Thaltang te meet lamtah photling te cung sakuh. BOEIPA loh Madai manghai kah mueihla te a haeng coeng. A thuepnah lamloh BOEIPA kah tawnlohnah neh a bawkim kah tawnlohnah dongah Babylon te phae kuekluek ham om.
你們要磨尖了箭頭， 抓住盾牌。 耶和華定意攻擊巴比倫，將她毀滅，所以激動了米底亞君王的心；因這是耶和華報仇，就是為自己的殿報仇。
12 Babylon vongtung te rholik ling thiluh. Thongim te bingbo lamtah rhaltawt hlah uh. Rhongngol te soepsoei uh. Babylon khosa rhoek a voek tih BOEIPA loh a mangtaeng te khaw a saii bal ni.
你們要豎立大旗， 攻擊巴比倫的城牆； 要堅固瞭望臺， 派定守望的設下埋伏； 因為耶和華指着巴比倫居民所說的話、 所定的意，他已經作成。
13 A tui aka buem taengah kho aka sa, kho aka sa kah thakvoh he len dae na mueluemnah dong khat te na bawtnah la pawk coeng.
住在眾水之上多有財寶的啊， 你的結局到了！ 你貪婪之量滿了！
14 Caempuei BOEIPA loh a hinglu neh a toemngam coeng. Hlang te lungang bangla nang kan cung sak kuekluek vetih nang te tamlung neh n'doo uh ni.
萬軍之耶和華指着自己起誓說： 我必使敵人充滿你，像螞蚱一樣； 他們必吶喊攻擊你。
15 A thadueng lamloh diklai a saii tih a cueihnah loh lunglai a picai. A lungcuei neh vaan a cueh.
耶和華用能力創造大地， 用智慧建立世界， 用聰明鋪張穹蒼。
16 Vaan kah tui len khaw ol a paek tih diklai khobawt lamkah khomong a luei sak. Khotlan ham rhaek a saii tih a thakvoh lamloh khohli hang khuen.
他一發聲，空中便有多水激動； 他使雲霧從地極上騰。 他造電隨雨而閃， 從他府庫中帶出風來。
17 A mingnah lamloh hlang boeih a dom tih mueithuk aka picai boeih khaw yak. A tuisi hong neh amih khuiah mueihla a om moenih.
各人都成了畜類，毫無知識。 各銀匠都因他的偶像羞愧； 他所鑄的偶像本是虛假的， 其中並無氣息，
18 Akaimih kah a honghi neh a hohap bibi te a cawhnah tue ah paltham bitni.
都是虛無的，是迷惑人的工作， 到追討的時候，必被除滅。
19 Jakob kah khoyo tah te bang moenih. A ming khaw caempuei Yahweh tih a cungkuem amah kah rho koca la a hlinsai.
雅各的分不像這些， 因他是造作萬有的主； 以色列也是他產業的支派。 萬軍之耶和華是他的名。
20 Nang tah ka caemboh neh caemtloek tubael ni. Nang te namtom kan daeh nah vetih nang te ram kam phae nah ni.
你是我爭戰的斧子和打仗的兵器； 我要用你打碎列國， 用你毀滅列邦；
21 Nang te marhang neh a sokah aka ngol te kan daeh nah vetih nang te leng neh a sokah aka ngol te kan daeh nah ni.
用你打碎馬和騎馬的； 用你打碎戰車和坐在其上的；
22 Nang te huta tongpa kan daeh nah vetih nang te patong camoe kan daeh nah bal ni. Nang te tongpang, oila kan daeh nah ni.
用你打碎男人和女人； 用你打碎老年人和少年人； 用你打碎壯丁和處女；
23 Nang te boiva aka dawn neh a tuping khaw kan daeh nah vetih nang te lopho neh a tarhoi kan daeh nah ni. Nang te rhalboei neh ukkung te kan daeh nah ni.
用你打碎牧人和他的群畜； 用你打碎農夫和他一對牛； 用你打碎省長和副省長。
24 Zion kah namah mikhmuh ah a boethae cungkuem a saii uh te Babylon taeng neh Khalden khosa boeih taengah ka thuung ni. He tah BOEIPA kah olphong ni.
耶和華說：「我必在你們眼前報復巴比倫人和迦勒底居民在錫安所行的諸惡。」
25 Kutcaihnah tlang nang taengah ka pai coeng ne. He tah BOEIPA kah olphong ni. Diklai boeih aka phae khaw nang taengla ka kut ka thueng ni. Te vaengah thaelpang lamloh nang kam paluet vetih ungkhang tlang la nang kang khueh ni.
耶和華說： 你這行毀滅的山哪， 就是毀滅天下的山， 我與你反對。 我必向你伸手， 將你從山巖滾下去， 使你成為燒毀的山。
26 Nang lamkah te bangkil lung neh tungkho lung khaw lo uh mahpawh. BOEIPA kah olphong bangla kumhal due khopong la na om ni.
人必不從你那裏取石頭為房角石， 也不取石頭為根基石； 你必永遠荒涼。 這是耶和華說的。
27 Diklai ah rholik thoh uh lamtah namtom taengah tuki ueng uh. Namtom taengah ciim uh lamtah a ram soah khaw yaak sakuh. Minni Ararat neh Ashkenaz te rhalboei khueh thil lamtah marhang te lungang hathawp bangla yuel sakuh.
要在境內豎立大旗， 在各國中吹角， 使列國預備攻擊巴比倫， 將亞拉臘、米尼、亞實基拿各國招來攻擊她； 又派軍長來攻擊她， 使馬匹上來如螞蚱，
28 Namtom Madai manghai rhoek neh a rhalboei rhoek, a ukkung boeih neh a khohung khohmuen boeih anih taengah ciim uh laeh.
使列國和米底亞君王，與省長和副省長， 並他們所管全地之人，都預備攻擊她。
29 Khosak pawt hil Babylon khohmuen te imsuep la khueh ham Babylon sokah BOEIPA kopoek te a thoh dongah khohmuen hinghuen tih kilkul ni.
地必震動而瘠苦； 因耶和華向巴比倫所定的旨意成立了， 使巴比倫之地荒涼，無人居住。
30 Babylon hlangrhalh loh vathoh ham khaw paa uh tih rhalmahim ah ngol uh. Amih kah thayung thamal te tla coeng tih huta bangla om uh. A tolhmuen a hlup uh tih a thohkalh ngen coeng.
巴比倫的勇士止息爭戰， 藏在堅壘之中。 他們的勇力衰盡，好像婦女一樣。 巴比倫的住處有火着起， 門閂都折斷了。
31 A khopuei a bawt duela a loh pah te Babylon manghai taengah puen ham, aka yong loh aka yong te doe ham neh, aka puen loh aka puen te doe ham yong uh.
跑報的要彼此相遇， 送信的要互相迎接， 報告巴比倫王說： 城的四方被攻取了，
32 Lamkai te a tlaeng uh tih tuibap te hmai neh a hoeh uh. Te dongah caemtloek hlang rhoek khaw let uh.
渡口被佔據了， 葦塘被火燒了， 兵丁也驚慌了。
33 Israel Pathen caempuei BOEIPA loh he ni a thui. A til tue ah tah Babylon nu te cangtilhmuen bangla om pawn vetih a taengah cangah tue pai pawn ni.
萬軍之耶和華－以色列的上帝如此說： 巴比倫城好像踹穀的禾場； 再過片時，收割她的時候就到了。
34 Babylon manghai Nebukhanezar loh kaimih n'yoop tih kamah khaw n'yoop coeng, kaimih n'khawkkhek tih kamah n'khawkkhek coeng. Kaimih he am hong la n'khueh tih kamah khaw n'khueh. Tuihnam bangla kaimih he n'dolh tih kai khaw n'dolh. Ka omthennah neh a bungpuei a hah phoeiah tah kaimih te n'hoek tih kai khaw n'hoek.
以色列人說： 巴比倫王尼布甲尼撒吞滅我，壓碎我， 使我成為空虛的器皿。 他像大魚將我吞下， 用我的美物充滿他的肚腹， 又將我趕出去。
35 Zion khosa rhoek loh, “ka kuthlahnah neh ka pumsa he Babylon soah tla saeh,” ti saeh. Jerusalem loh, “Ka thii Khalden khosa rhoek soah tla saeh,” ti uh saeh.
錫安的居民要說： 巴比倫以強暴待我， 損害我的身體， 願這罪歸給她。 耶路撒冷人要說： 願流我們血的罪歸到迦勒底的居民。
36 Te dongah BOEIPA loh he ni a thui. Na tuituknah te kai loh kang rhoe tih nang kah tawnlohnah khaw phu ka loh ni. Te vaengah a tuipuei te ka kak sak vetih a thunsih te ka haang sak ni.
所以，耶和華如此說： 我必為你伸冤，為你報仇； 我必使巴比倫的海枯竭，使她的泉源乾涸。
37 Babylon te pongui kah khuirhung lungkuk la om vetih imsuep neh a thuithetnah la khosa om mahpawh.
巴比倫必成為亂堆，為野狗的住處， 令人驚駭、嗤笑， 並且無人居住。
38 Sathuengca bangla huek kawk uh tih sathueng casen bangla cai uh.
他們要像少壯獅子咆哮， 像小獅子吼叫。
39 A bae vaengah a buhkoknah ka khueh pah saeh lamtah amih ka rhuihmil sak eh. Te daengah ni sundaep uh vetih aka ip loh kumhal due a ih vaengah a haenghang uh pawt eh. He tah BOEIPA kah olphong ni.
他們火熱的時候， 我必為他們設擺酒席， 使他們沉醉，好叫他們快樂， 睡了長覺，永不醒起。 這是耶和華說的。
40 Amih te tuca bangla ngawn ham tutal neh kikong bangla ka suntlak sak ni.
我必使他們像羊羔、 像公綿羊和公山羊下到宰殺之地。
41 Balae tih Sheshak te a loh veith diklai pum kah koehnah te a loh eh? Balae tih Babylon he namtom taengah imsuep la a om eh?
示沙克何竟被攻取？ 天下所稱讚的何竟被佔據？ 巴比倫在列國中何竟變為荒場？
42 Babylon soah tuitunli loh a khuk tih a tuiphu tuilipo loh a et.
海水漲起，漫過巴比倫； 她被許多海浪遮蓋。
43 A khopuei te rhamrhae khohmuen neh khohmuen kolken kah imsuep la poeh. A khuihah hlang boeih khosa pawt tih hlang capa tah te longah ah pongpa pawh.
她的城邑變為荒場、旱地、沙漠， 無人居住，無人經過之地。
44 Babylon kah Bel te ka cawh coeng tih a dolhhnap te a ka lamloh ka yawt pah. Te dongah namtom khaw a taengah hlampan voel pawt tih Babylon vongtung khaw cungku van.
我必刑罰巴比倫的彼勒， 使他吐出所吞的。 萬民必不再流歸他那裏； 巴比倫的城牆也必坍塌了。
45 Ka pilnam te a khui lamloh coe laeh saeh lamtah hlang loh a hinglu te BOEIPA kah thintoek thinsa lamloh loeih sak laeh.
我的民哪，你們要從其中出去！ 各人拯救自己，躲避耶和華的烈怒。
46 Nangmih thinko te phoena vetih khohmuen kah olthang na yaak vaengah na rhih uh ve. Kum khat dongkah olthang phoeiah kum khat dongah olthang he ha pawk. Diklai ah kuthlahnah he aka taemrhai loh aka taemrhai taengah a khueh.
你們不要心驚膽怯， 也不要因境內所聽見的風聲懼怕； 因為這年有風聲傳來； 那年也有風聲傳來， 境內有強暴的事， 官長攻擊官長。
47 Te dongah khohnin ha pawk coeng he. Babylon mueidaep te ka cawh coeng dongah a khohmuen boeih yak pawn ni. A rhok boeih te a khui ah yalh ni.
日子將到，我必刑罰巴比倫雕刻的偶像。 她全地必然抱愧； 她被殺的人必在其中仆倒。
48 Te vaengah vaan neh diklai loh Babylon a tamhoe thil vetih anih aka rhoelrhak te tlangpuei lamloh amih taengah boeih ha pawk ni. He tah BOEIPA kah olphong ni.
那時，天地和其中所有的， 必因巴比倫歡呼， 因為行毀滅的要從北方來到她那裏。 這是耶和華說的。
49 Israel rhok aka yalh sak khaw Babylon tangkhuet, diklai pum rhok la aka yalh sak khaw Babylon tangkhuet ni.
巴比倫怎樣使以色列被殺的人仆倒， 照樣她全地被殺的人也必在巴比倫仆倒。
50 cunghang lamkah hlangyong rhoek loh pai kolla cet uh. Khohla lamloh BOEIPA te poek uh lamtah Jerusalem te na thinko ah dueh.
你們躲避刀劍的要快走， 不要站住！ 要在遠方記念耶和華， 心中追想耶路撒冷。
51 BOEIPA im kah rhokso ah kholong rhoek kun uh tih kaimih maelhmai mingthae han hluk te kokhahnah la n'yaak uh dongah n'yak uh.
我們聽見辱罵就蒙羞，滿面慚愧， 因為外邦人進入耶和華殿的聖所。
52 Te dongah BOEIPA kah olphong khohnin ha pawk coeng he. A mueidaep te ka cawh thil vetih a khohmuen pum ah a rhok neh kii ni.
耶和華說： 日子將到，我必刑罰巴比倫雕刻的偶像， 通國受傷的人必唉哼。
53 Babylon te vaan la luei mai tih a sarhi hmuensang te bit cakhaw anih aka rhoelrhak te kamah taeng lamloh thoeng uh ni. He tah BOEIPA kah olphong ni.
巴比倫雖升到天上， 雖使她堅固的高處更堅固， 還有行毀滅的從我這裏到她那裏。 這是耶和華說的。
54 Babylon lamkah a pang ol neh Khalden khohmuen lamkah pocinah tanglue aih te.
有哀號的聲音從巴比倫出來； 有大毀滅的響聲從迦勒底人之地發出。
55 BOEIPA loh Babylon te a rhoelrhak coeng tih, anih lamkah ol tanglue khaw a paltham sak. Tui len bangla a tuiphu loh kawk tih, a ol te longlonah la a huel.
因耶和華使巴比倫變為荒場， 使其中的大聲滅絕。 仇敵彷彿眾水， 波浪匉訇，響聲已經發出。
56 Babylon aka rhoelrhak te anih taengla pawk ni. Te vaengah a hlangrhalh rhoek a tuuk vetih, a lii khaw yawk ni. BOEIPA Pathen loh a khoboe te a thuung rhoe a thuung ni.
這是行毀滅的臨到巴比倫。 巴比倫的勇士被捉住， 他們的弓折斷了； 因為耶和華是施行報應的上帝， 必定施行報應。
57 A mangpa rhoek neh a hlangcueih, a rhalboei neh anih kah ukkung rhoek khaw, a hlangrhalh khaw ka rhuihmil sak ni. Te vaengah kumhal due ip rhoe ip vetih haenghang uh mahpawh. A ming ah caempuei manghai, Yahweh kah olphong ni.
君王－名為萬軍之耶和華的說： 我必使巴比倫的首領、 智慧人、省長、副省長，和勇士都沉醉， 使他們睡了長覺，永不醒起。
58 Caempuei BOEIPA loh he ni a thui. Babylon vongtung a thah te a phae rhoe a phae ni. A vongka a sang te hmai dongah a hlup uh ni. Pilnam kah a kohnue carhil khaw a poeyoek la om tih namtu khaw hmai carhil dongah tawnba uh bal.
萬軍之耶和華如此說： 巴比倫寬闊的城牆必全然傾倒； 她高大的城門必被火焚燒。 眾民所勞碌的必致虛空； 列國所勞碌的被火焚燒， 他們都必困乏。
59 Judah manghai Zedekiah a manghai kah a kum li dongah amah neh Babylon la a caeh vaengah tonghma Jeremiah loh Maaseiah koca Neriah capa Seraiah te ol a uen. Te vaengah Seraiah kah a mangpa tah duemnah la om.
猶大王西底家在位第四年，上巴比倫去的時候，瑪西雅的孫子、尼利亞的兒子西萊雅與王同去（西萊雅是王宮的大臣），先知耶利米有話吩咐他。
60 Te dongah Babylon ah aka pawk ham boethae cungkuem neh Babylon ham a daek ol cungkuem te khaw cabu pakhat dongah Jeremiah loh a daek.
耶利米將一切要臨到巴比倫的災禍，就是論到巴比倫的一切話，寫在書上。
61 Te vaengah Jeremiah loh Seraiah taengah, “Babylon na pha neh na hmuh taengah he ol cungkuem he doek pah.
耶利米對西萊雅說：「你到了巴比倫務要念這書上的話；
62 Te vaengah, 'BOEIPA loh he hmuen he a saii vetih a khuiah hlang neh rhamsa khaw khosa om pawt vetih kumhal ah khopong la om ni, 'ti nah lamtah namah loh thui pah.
又說：『耶和華啊，你曾論到這地方說：要剪除，甚至連人帶牲畜沒有在這裏居住的，必永遠荒涼。』
63 Cabu na tae te na khah vaengah lungto te khit thil lamtah Perath laklung la voei ne.
你念完了這書，就把一塊石頭拴在書上，扔在幼發拉底河中，
64 Te vaengah, 'Babylon khaw buek van vetih yoethae hmai lamloh thoo thai mahpawh. Te tah kai loh anih soah ka thoeng sak dongah tawnba uh ni,’ ti nah,” a ti nah. He hil he Jeremiah kah ol ni.
說：『巴比倫因耶和華所要降與她的災禍，必如此沉下去，不再興起，人民也必困乏。』」 耶利米的話到此為止。
