Galati 5
1 Mamih kah poenghalnah ham Khrih loh n'loeih sak dongah khak pai lamtah sal kah hnamkun te koep ngai boeh.
基督釋放了我們，叫我們得以自由。所以要站立得穩，不要再被奴僕的軛挾制。
2 Kai, Paul loh nangmih taengah, “Yahvin na rhet uh pueng atah Khrih he nangmih ham a phu om mahpawh,” ka ti coeng he.
我－保羅告訴你們，若受割禮，基督就與你們無益了。
3 Te phoeiah yahvin aka rhet hlang boeih tah olkhueng te boeih vai ham laiba om tila koep ka laipai.
我再指着凡受割禮的人確實地說，他是欠着行全律法的債。
4 Khrih lamkah naka nong tih olkhueng neh aka tang long tah lungvatnah na hlong coeng.
你們這要靠律法稱義的，是與基督隔絕，從恩典中墜落了。
5 Mamih loh duengnah dongkah ngaiuepnah te tangnah mueihla neh n'lamtawn uh.
我們靠着聖靈，憑着信心，等候所盼望的義。
6 Te dongah Jesuh Khrih ah yahvinrhet khaw tloe pawh, pumdul khaw pakhat pataeng a tloe moenih. Tedae tangnah tah lungnah dongah pongthoo ta.
原來在基督耶穌裏，受割禮不受割禮全無功效，惟獨使人生發仁愛的信心才有功效。
7 Balh na yong uh tih oltak te ngaitang pawt ham unim nangmih aka mah.
你們向來跑得好，有誰攔阻你們，叫你們不順從真理呢？
8 Hloihhlamnah tah nangmih aka khue taeng lamkah moenih.
這樣的勸導不是出於那召你們的。
9 Tolrhu thamap ca vaidam hlom boeih a rhoi sak.
一點麵酵能使全團都發起來。
10 Kai loh Boeipa dongah nangmih kan pangtung thil te a tloe la poek uh boeh. Tedae nangmih aka hinghuen tah u khaw om mai saeh laitloeknah a phueih bitni.
我在主裏很信你們必不懷別樣的心；但攪擾你們的，無論是誰，必擔當他的罪名。
11 Tedae ka manuca rhoek aw, yahvinrhetnah ka hoe pueng atah balae tih vawk n'hnaemtaek. Te dongah thangkui long tah thinglam dongkah ni a hmil.
弟兄們，我若仍舊傳割禮，為甚麼還受逼迫呢？若是這樣，那十字架討厭的地方就沒有了。
12 Nangmih aka palet rhoek tah hlueng pataeng ka ngaih.
恨不得那攪亂你們的人把自己割絕了。
13 Te dongah manuca rhoek, poenghalnah khuila nangmih n'khue. Tedae rhoidoengnah he pumsa rhoidoengnah dawk ham moenih ta. Lungnah lamloh khat neh khat salbi uh.
弟兄們，你們蒙召是要得自由，只是不可將你們的自由當作放縱情慾的機會，總要用愛心互相服事。
14 Olkhueng boeih he ol pakhat dongah soep coeng. Te khuiah, “Na imben te namah bangla lungnah,” a ti.
因為全律法都包在「愛人如己」這一句話之內了。
15 Tedae khat neh khat na nget uh tih na yoop uh thae atah ana noek uh, khat khat neh na hlawp uh thae mahpawt nim.
你們要謹慎，若相咬相吞，只怕要彼此消滅了。
16 Te phoeiah Mueihla neh pongpa uh lamtah pumsa hoehhamnah te hoem uh loengloeng boeh ka ti.
我說，你們當順着聖靈而行，就不放縱肉體的情慾了。
17 Pumsa ngaih loh mueihla te a koek tih Mueihla loh pumsa te a koek. Te tah khat neh khat kingkalh uh. Te dongah na ngaih pawt te na saii uh.
因為情慾和聖靈相爭，聖靈和情慾相爭，這兩個是彼此相敵，使你們不能做所願意做的。
18 Tedae Mueihla loh m'mawt atah olkhueng hmuiah na om uh pawh.
但你們若被聖靈引導，就不在律法以下。
19 Pumsa kah khoboe tah mingpha la om coeng. Te rhoek tah Cukhalnah, rhongingnah, omthenbawn,
情慾的事都是顯而易見的，就如姦淫、污穢、邪蕩、
20 Mueibawknah, rhunsi khuehnah, thunkhanah, tohhaemnah, kohlopnah, thinsanah, koevoeinah, paekboenah, buhlaelh,
拜偶像、邪術、仇恨、爭競、忌恨、惱怒、結黨、紛爭、異端、
21 uethnetnah, rhuihahnah, omngaihlawn he ni. Hekah phek la om. Tekah te thui tangtae bangla te bang kho aka boe rhoek loh Pathen kah ram pang mahpawh tila nangmih taengah ka thui.
嫉妒、醉酒、荒宴等類。我從前告訴你們，現在又告訴你們，行這樣事的人必不能承受上帝的國。
22 Tedae Mueihla kah a thaih tah lungnah, omngaihnah, rhoepnah, thinsennah, rhennah, boethennah, tangnah,
聖靈所結的果子，就是仁愛、喜樂、和平、忍耐、恩慈、良善、信實、
23 muelhtuetnah, kuemsuemnah ni. Tebang te olkhueng loh a kingkalh om pawh.
溫柔、節制。這樣的事沒有律法禁止。
24 Tedae Jesuh Khrih kah rhoek long tah pumsa patangnah neh hoehhamnah te hmaih a tai coeng.
凡屬基督耶穌的人，是已經把肉體連肉體的邪情私慾同釘在十字架上了。
25 Mueihla neh n'hing uh atah Mueihla lamloh m'vai uh van ni.
我們若是靠聖靈得生，就當靠聖靈行事。
26 Hoemdawk la khat neh khat takloh neh, khat neh khat uethnet neh om uh boel sih.
不要貪圖虛名，彼此惹氣，互相嫉妒。
