Sunglatnah 26
1 Te phoeiah dungtlungim te hlampai lingdik, daidi neh a thim neh a tah hnitang himbaiyan yung rha neh saii. Bibi te moeh lamtah cherubim te saii.
「你要用十幅幔子做帳幕。這些幔子要用撚的細麻和藍色、紫色、朱紅色線製造，並用巧匠的手工繡上基路伯。
2 Himbaiyan pakhat a yun te dong kul dong rhet saeh lamtah a daang dong li saeh. Himbaiyan boeih ham himbaiyan pakhat kah cungnueh pakhat dongah om saeh.
每幅幔子要長二十八肘，寬四肘，幔子都要一樣的尺寸。
3 Himbaiyan panga te khat neh khat cong uh saeh lamtah, himbaiyan panga bal khat neh khat cong uh saeh.
這五幅幔子要幅幅相連；那五幅幔子也要幅幅相連。
4 Himbaiyan pakhat kah buenyang a bawt hil te a hmoi ah rhuikawl a thim la vaeh pah. A pabae rhui at dongkah himbaiyan a hmoi dongah khaw a bawt hil te tlam te saii bal.
在這相連的幔子末幅邊上要做藍色的鈕扣；在那相連的幔子末幅邊上也要照樣做。
5 Himbaiyan pakhat dongah rhuikawl sawmnga saii lamtah a pabae rhui at dongkah himbaiyan hmoi ah pumpi sawmnga khaw saii pah. Rhuikawl te khat loh khat te doe saeh.
要在這相連的幔子上做五十個鈕扣；在那相連的幔子上也做五十個鈕扣，都要兩兩相對。
6 Te phoeiah sui rhuithu sawmnga saii lamtah himbaiyan pakhat te pakhat dongla rhuithu neh phaai sak. Te dongah dungtlungim te pakhat la om saeh.
又要做五十個金鉤，用鉤使幔子相連，這才成了一個帳幕。
7 Dungtlungim sokah tamkui ham te maae mul himbaiyan saii. Himbaiyan te hlai khat ah saii.
「你要用山羊毛織十一幅幔子，作為帳幕以上的罩棚。
8 Himbaiyan pakhat te a yun dong sawmthum neh a daang te dong li lo ni. Himbaiyan hlai khat ham te himbaiyan pakhat kah cungnueh pakhat dongah om saeh.
每幅幔子要長三十肘，寬四肘；十一幅幔子都要一樣的尺寸。
9 Himbaiyan panga te amah ah cong lamtah himbaiyan parhuk te amah ah cong bal. Te phoeiah a parhuk kah himbaiyan te dap hmai kah imdan ah rhaep pah.
要把五幅幔子連成一幅，又把六幅幔子連成一幅，這第六幅幔子要在罩棚的前面摺上去。
10 Himbaiyan pakhat kah a hmoi ah buenyang a bawt hil rhuikawl sawmnga saii lamtah a pabae kah himbaiyan a hmoi ah buenyang te rhuikawl sawmnga khueh pah.
在這相連的幔子末幅邊上要做五十個鈕扣；在那相連的幔子末幅邊上也做五十個鈕扣。
11 Te phoeiah rhohum rhuithu sawmnga saii lamtah rhuithu te rhuikawl neh ban pah. Dap te phaai uh saeh lamtah pakhat la om saeh.
又要做五十個銅鉤，鉤在鈕扣中，使罩棚連成一個。
12 Dap kah himbaiyan lamloh a hoei saa la aka hoei himbaiyan ngancawn te dungtlungim kah imthael ah dingkoei saeh.
罩棚的幔子所餘那垂下來的半幅幔子，要垂在帳幕的後頭。
13 Te vaengah dap kah himbaiyan a yun aka hoei te he ben ah dong khat neh ke ben ah dong khat tah dungtlungim kah a vae ah a hup om saeh lamtah khat ben ah khaw khat ben ah khaw khuk saeh.
罩棚的幔子所餘長的，這邊一肘，那邊一肘，要垂在帳幕的兩旁，遮蓋帳幕。
14 Te phoeiah dap kah imphu te tutal pho thimyum neh a so kah imphu la saham pho te saii thil.
又要用染紅的公羊皮做罩棚的蓋；再用海狗皮做一層罩棚上的頂蓋。
15 Dungtlungim kah a longlaeng la rhining thing aka pai te saii.
「你要用皂莢木做帳幕的豎板。
16 A yun kah a longlaeng te dong rha neh a daang kah a longlaeng pakhat he dong khat tintan lo saeh.
每塊要長十肘，寬一肘半；
17 A longlaeng dongkah dangkam rhoi khaw pakhat te a pakhat dongah kiba uh saeh. Dungtlungim a longlaeng boeih ham khaw te tlam te saii tangloeng.
每塊必有兩榫相對。帳幕一切的板都要這樣做。
18 Dungtlungim ham a longlaeng te tuithim ben la tuithim kah a ngong ham tah a longlaeng pakul saii.
帳幕的南面要做板二十塊。
19 A longlaeng pakul dangah cak buenhol sawmli saii pah. A longlaeng pakhat ka a lo panit ham a dangah buenhol panit om vetih a longlaeng pakhat a lo rhoi ham a dangah buenhol panit om ni.
在這二十塊板底下要做四十個帶卯的銀座，兩卯接這塊板上的兩榫，兩卯接那塊板上的兩榫。
20 Dungtlungim kah impalai ham khaw a pabae la tlangpuei saa ah a longlaeng pakul om saeh.
帳幕第二面，就是北面，也要做板二十塊
21 A buenhol sawmli te khaw cakla om saeh. A longlaeng pakhat dangah buenhol panit, a longlaeng pakhat dang van ah khaw buenhol panit om van saeh.
和帶卯的銀座四十個；這板底下有兩卯，那板底下也有兩卯。
22 Dungtlungim kah a bawtnah ham te tuipuei ben ah a longlaeng parhuk caeh sak.
帳幕的後面，就是西面，要做板六塊。
23 Imthael ben ah dungtlungim kah a hmuidong ham a longlaeng panit khueh pah.
帳幕後面的拐角要做板兩塊。
24 Te vaengah a dang lamloh tungbok la om saeh. Tedae a soi ah hmabuet la rhen om saeh lamtah kutcaeng pakhat khuila kun saeh. Te rhoi kah a om bangla imki rhoi dongah khaw om saeh.
板的下半截要雙的，上半截要整的，直頂到第一個環子；兩塊都要這樣做兩個拐角。
25 Te dongah a longlaeng parhet neh a buenhol te cak buenhol la hlai rhuk lo ni. A tlonglaeng pakhat kah dongah buenhol panit, a longlaeng pakhat van donngah khaw buenhol panit tlip om ni.
必有八塊板和十六個帶卯的銀座；這板底下有兩卯，那板底下也有兩卯。
26 Dungtlungim kah impalai pakhat dongkah a longlaeng ham thohkalh la rhining thing panga khueh pah.
「你要用皂莢木做閂：為帳幕這面的板做五閂，
27 Dungtlungim pabae ben impalai kah a longlaeng ham thohkalh panga, khotlak imthael ah khaw dungtlungim kaep a longlaeng ham khaw thohkalh panga lo saeh.
為帳幕那面的板做五閂，又為帳幕後面的板做五閂。
28 A longlaeng laklung kah thohkalh tah a hmoi khat lamloh a hmoi hil a bangli ah rholh saeh.
板腰間的中閂要從這一頭通到那一頭。
29 A longlaeng te khaw sui ben thil. Thohkalh rholhnah a kutcaeng te khaw sui neh saii. Te phoeiah thohkalh rhoek te sui ben thil.
板要用金子包裹，又要做板上的金環套閂；閂也要用金子包裹。
30 Tlang ah a rhimong n'tueng bangla dungtlungim te thoh pah.
要照着在山上指示你的樣式立起帳幕。
31 Hniyan khaw hlampai a thim, daidi neh a lingdik neh loeih pah. Hnitang na tah khaw bibi te moeh lamtah cherubim te saii pah.
「你要用藍色、紫色、朱紅色線，和撚的細麻織幔子，以巧匠的手工繡上基路伯。
32 Te te ngun buenhol pali sokah sui a ben thil rhining tung pali dongkah sui voei dongah pae.
要把幔子掛在四根包金的皂莢木柱子上，柱子上當有金鉤，柱子安在四個帶卯的銀座上。
33 Hniyan te rhuithu dangah na ban phoeiah tah hniyan khui ah olphong thingkawng te pahoi kun puei. Te vaengah hniyan loh nangmih ham te hmuencim laklo neh hmuencim kah hmuencim koek laklo te phih saeh.
要使幔子垂在鉤子下，把法櫃抬進幔子內；這幔子要將聖所和至聖所隔開。
34 A tlaeng te khaw hmuencim lakah hmuencim kah olphong thingkawng soah khueh pah.
又要把施恩座安在至聖所內的法櫃上，
35 Hniyan kah kawtpoeng ah caboei te hol pah. Dungtlungim kaep tuithim kah caboei danah hmaitung om saeh lamtah tlangpuei ben ah caboei te khueh bal.
把桌子安在幔子外帳幕的北面；把燈臺安在帳幕的南面，彼此相對。
36 Dap Thohka ham himbaiyan khaw hlampai a thim, daidi, a lingdik neh tak lamtah hnitang na tah khaw na kutci neh en thil.
「你要拿藍色、紫色、朱紅色線，和撚的細麻，用繡花的手工織帳幕的門簾。
37 Himbaiyan ham rhining tung panga ah saii lamtah te te sui ben thil. Te sui voei ham khaw rhohum buenhol panga hlawn pah.
要用皂莢木為簾子做五根柱子，用金子包裹。柱子上當有金鉤；又要為柱子用銅鑄造五個帶卯的座。」
