< 1 Khokhuen 25 >
1 David neh caempuei mangpa rhoek loh Asaph koca lamkah Heman, Jeduthun khaw, rhotoeng neh, thangpa neh, tlaklak neh aka tonghma tonghma rhoek khaw a thothuengnah dongkah ham a hoep. Te dongah amamih kah thothuengnah dongkah bibi hlang rhoek te a hlangmi neh om.
2 Asaph koca lamkah Zakkuur, Joseph, Nethaniah neh Asarelah. Asaph koca rhoek tah Asaph kut hmui neh manghai kut hmui ah tonghma uh.
3 Jeduthun lamkah Jeduthun koca rhoek he Gedaliah, Zeri, Isaiah, Hashabiah, Mattithiah neh parhuk lo. A napa Jeduthun kut hmuiah BOEIPA uem ham neh thangthen ham te rhotoeng neh tonghma uh.
4 Heman lamkah Heman koca rhoek tah Bukkiah, Mattaniah, Uzziel, Shubael, Jerimoth, Hananiah, Hanani, Eliathah, Giddalti, Romamtiezer, Joshbekashah, Mallothi, Hothir, Mahazioth.
5 Amih Heman koca boeih tah a ki pomsang pah ham Pathen kah ol tarhing ah manghai kah khohmu la om uh. Pathen loh Heman he capa hlai li neh canu pathum a paek.
6 Te boeih te a napa rhoek kut hmuiah BOEIPA im kah lumlaa ham tlaklak neh, thangpa neh, rhotoeng ham omuh. Asaph, Jeduthun neh Heman he tah manghai kut hmuiah Pathen im kah thothuengnah dongah omuh.
7 A boeinaphung neh a hlangmi la BOEIPA ham lumlaa aka cang tih aka yakming boeih he ya hnih sawmrhet parhet lo.
8 Voeivang kah a kuek te tanoe khaw, kangham khaw, aka yakming khaw, hnukbang khaw hmulung a naan uh.
9 Asaph lamloh lamhma la Joseph taengah, a pabae Gedaliah taengah hmulung a tlak pah. Amah neh a pacaboeina khaw a ca rhoek khaw hlai nit louh.
10 A pathum ah Zakkuur, anih koca neh a manuca rhoek he hlai nit louh.
11 A pali ah Izri tih anih koca rhoek neh a manuca rhoek te hlai nit lo.
12 A panga ah Nethaniah tih, anih koca rhoek neh a manuca rhoek he hlai nit lo.
13 A parhuk te Bukkiah tih anih koca neh a manuca rhoek te hlai nit lo.
14 A parhih te Jesarelah tih anih koca neh a manuca rhoek he hlai nit lo.
15 A parhet te Isaiah tih anih koca neh a manuca rhoek te hlai nit lo.
16 A pako te Mattaniah tih, anih koca neh a manuca rhoek he hlai nit lo.
17 A hlai ah Shimei tih, anih koca neh a manuca rhoek hlai nit lo.
18 A hlai at te Azarel tih, anih koca neh a manuca rhoek te hlai nit lo.
19 A hlai nit te Hashabiah tih, anih koca rhoek neh a manuca rhoek te hlai nit lo.
20 A hlai thum te Shubael tih, anih koca rhoek neh a manuca rhoek te hlai nit lo.
21 A hlai hli te Mattithiah tih, anih koca neh a manuca rhoek te hlai nit lo.
22 A hlai nga te Jerimoth tih, anih koca neh a manuca rhoek te hlai nit lo.
23 A hlai rhuk te Hananiah tih, anih koca neh a manuca rhoek te hlai nit lo.
24 A hlai rhih te Joshbekashah tih, anih koca neh a manuca rhoek te hlai nit lo.
25 A hlai rhet te Hanani tih, anih koca neh a manuca rhoek hlai nit lo.
26 A hlai ko te Mallothi tih, anih koca neh a manuca rhoek he hlai nit lo.
27 A pakul te Eliathah tih, anih koca neh a manuca rhoek te hlai nit lo.
28 Pakul pakhat te Hothir tih, anih koca neh a manuca rhoek te hlai nit lo.
29 Pakul panit te Giddalti tih, anih koca neh a manuca rhoek te hlai nit lo.
30 Pakul pathum te Mahazioth tih anih koca neh a manuca rhoek hlai nit lo.
31 Pakul pali te Romammtiezer tih, anih koca neh a manuca rhoek tah hlai nit lo.
