Tingtoeng 50
1 Asaph kah Tingtoenglung Pathen, BOEIPA Pathen loh a thui tih, khocuk lamkah khotlak duela, diklai a tuentah.
| מזמור לאסף אל אלהים יהוה דבר ויקרא ארץ ממזרח שמש עד מבאו׃ |
2 Pathen kah a sakthen a soepnah loh Zion lamkah ha sae.
| מציון מכלל יפי אלהים הופיע׃ |
3 Mamih kah Pathen te halo tih omlip pawh. A hmai ah hmai loh a hlawp tih a taengvai ah boehoeng khohli.
| יבא אלהינו ואל יחרש אש לפניו תאכל וסביביו נשערה מאד׃ |
4 A pilnam te laitloek ham a sosang kah vaan rhoek neh diklai te a tuentah.
| יקרא אל השמים מעל ואל הארץ לדין עמו׃ |
5 Hmueih neh ka paipi aka saii, ka hlangcim rhoek kai taengla tingtun uh lah.
| אספו לי חסידי כרתי בריתי עלי זבח׃ |
6 Pathen amah loh lai a tloek dongah a duengnah te vaan rhoek long khaw a thui uh. (Selah)
| ויגידו שמים צדקו כי אלהים שפט הוא סלה׃ |
7 Ka pilnam aw ya van lah. Israel taengah ka voek vetih Pathen kamah, nangmih kah Pathen loh nangmih taengah ka laipai ni.
| שמעה עמי ואדברה ישראל ואעידה בך אלהים אלהיך אנכי׃ |
8 Nang kah hmueih neh na hmueihhlutnah dongah nang kan tluung moenih. Ka hmai ah om taitu ngawn.
| לא על זבחיך אוכיחך ועולתיך לנגדי תמיד׃ |
9 Na im kah vaitotal khaw, na vongtung kah kikong khaw ka doe moenih.
| לא אקח מביתך פר ממכלאתיך עתודים׃ |
10 Duup kah mulhing boeih neh tlang thawngkhat kah rhamsa boeih ke kamah koe ni.
| כי לי כל חיתו יער בהמות בהררי אלף׃ |
11 Tlang kah vaa boeih te ka ming tih kohong kah satlung khaw kamah taengah om coeng.
| ידעתי כל עוף הרים וזיז שדי עמדי׃ |
12 Lunglai neh a khuikah boeih te kamah taengah om tih ka lamlum cakhaw nang taengah ka thui mahpawh.
| אם ארעב לא אמר לך כי לי תבל ומלאה׃ |
13 Vaito lueng saa te ka caak vetih kikong thii te ka ok aya?
| האוכל בשר אבירים ודם עתודים אשתה׃ |
14 Uemonah te Pathen taengah nawn lamtah na olcaeng te Khohni taengah thuung lah.
| זבח לאלהים תודה ושלם לעליון נדריך׃ |
15 Te dongah citcai tue vaengah kai n'khue lah. Nang kan pumcum vetih kai nan thangpom ni.
| וקראני ביום צרה אחלצך ותכבדני׃ |
16 Tedae Pathen loh halang te, “Ka oltlueh aka tae ham neh na ka dongah ka paipi aka khuen nang te bahamlae?
| ולרשע אמר אלהים מה לך לספר חקי ותשא בריתי עלי פיך׃ |
17 Thuituennah na hmuhuet tih ka ol he na hnukla na voeih.
| ואתה שנאת מוסר ותשלך דברי אחריך׃ |
18 Hlanghuen na hmuh vaengah, anih taeng neh na hamsum dongkah, samphaih rhoek taengah na ngaingaih.
| אם ראית גנב ותרץ עמו ועם מנאפים חלקך׃ |
19 Boethae ham na ka na hnonah tih na lai kah thailatnah neh na sun.
| פיך שלחת ברעה ולשונך תצמיד מרמה׃ |
20 Na pacaboeina taengah na ngol tih na cal van dae na manu ca te boekoekthingka na paek.
| תשב באחיך תדבר בבן אמך תתן דפי׃ |
21 Hekah he na saii vaengah ka omlip hatah namah bangla om khaw om ni tila na poek. Nang te kan tluung vetih na mikhmuh ah kan yan ni.
| אלה עשית והחרשתי דמית היות אהיה כמוך אוכיחך ואערכה לעיניך׃ |
22 He he Pathen aka hnilh rhoek loh yakming uh laeh. Kam poel vetih aka huul om pawt ve.
| בינו נא זאת שכחי אלוה פן אטרף ואין מציל׃ |
23 Uemonah aka nawn loh kai n'thangpom tih longpuei a rhoek a bah dongah Pathen kah daemnah te anih ka tueng ni,” a ti.
| זבח תודה יכבדנני ושם דרך אראנו בישע אלהים׃ |
