Tingtoeng 148

1 BOEIPA thangthen sak. BOEIPA te vaan lamloh thangthen sak, amah te hmuensang ah thangthen sak.

הללו-יה הללו את-יהוה מן-השמים הללוהו במרומים

2 A puencawn boeih loh amah te thangthen uh. A caempuei khuikah a caempuei boeih loh amah te thangthen uh.

הללוהו כל-מלאכיו הללוהו כל-צבאו

3 Khomik neh hla loh amah te thangthen lah. Vangnah aisi boeih loh amah te thangthen lah.

הללוהו שמש וירח הללוהו כל-כוכבי אור

4 Vaan phoeikah vaan, vaan dong sokah tui rhoek loh amah te thangthen uh.

הללוהו שמי השמים והמים אשר מעל השמים

5 Amah loh a uen tih a suen dongah BOEIPA ming te thangthen saeh.

יהללו את-שם יהוה כי הוא צוה ונבראו

6 Te rhoek kumhal duela a cak sak yoeyah dongah oltlueh he a paek phoeiah tah khum mahpawh.

ויעמידם לעד לעולם חק-נתן ולא יעבור

7 Diklai lamkah tuihnam rhoek neh tuidung boeih loh BOEIPA te thangthen lah.

הללו את-יהוה מן-הארץ-- תנינים וכל-תהמות

8 Hmai neh rhael, vuelsong neh tuikhu, hlipuei khohli loh a ol a vai.

אש וברד שלג וקיטור רוח סערה עשה דברו

9 Tlang neh som boeih, thing thaih neh lamphai thing boeih,

ההרים וכל-גבעות עץ פרי וכל-ארזים

10 mulhing neh rhamsa boeih, rhulcai neh phae aka khueh vaa boeih,

החיה וכל-בהמה רמש וצפור כנף

11 diklai manghai rhoek neh namtu rhoek boeih, mangpa rhoek neh diklai laitloek boeih,

מלכי-ארץ וכל-לאמים שרים וכל-שפטי ארץ

12 tongpang rhoek neh oila rhoek khaw, patong rhoek neh camoe rhoek loh BOEIPA ming te thangthen saeh.

בחורים וגם-בתולות זקנים עם-נערים

13 Diklai hman neh vaan kah a mueithennah ham amah long ni a ming a pomdoep.

יהללו את-שם יהוה-- כי-נשגב שמו לבדו הודו על-ארץ ושמים

14 Te dongah a pilnam kah ki, a hlangcim boeih neh a hui pilnam Israel ca rhoek kah koehnah te a pomsang coeng. BOEIPA te thangthen uh.

וירם קרן לעמו תהלה לכל-חסידיו-- לבני ישראל עם קרבו הללו-יה