Tingtoeng 147
1 BOEIPA te thangthen uh. Mamih kah Pathen tingtoeng he then tih koehnah neh naepnoi rhoeprhui pai.
| הללו יה כי טוב זמרה אלהינו כי נעים נאוה תהלה׃ |
2 Jerusalem aka thoh BOEIPA loh a heh tih Israel te a calui.
| בונה ירושלם יהוה נדחי ישראל יכנס׃ |
3 Lungbuei a rhek rhoek te a hoeih sak tih a hma te a poi pah.
| הרפא לשבורי לב ומחבש לעצבותם׃ |
4 Aisi rhoek ke amah tarhing la a tae tih a ming te rhip a sui.
| מונה מספר לכוכבים לכלם שמות יקרא׃ |
5 Mamih kah Boeipa tah len tih a thadueng khaw yet. A lungcuei te tae lek pawh.
| גדול אדונינו ורב כח לתבונתו אין מספר׃ |
6 Kodo rhoek aka tungaep BOEIPA loh halang rhoek te diklai la a kunyun sak.
| מעודד ענוים יהוה משפיל רשעים עדי ארץ׃ |
7 BOEIPA te uemonah neh doo lamtah mamih kah Pathen te rhotoeng neh tingtoeng uh.
| ענו ליהוה בתודה זמרו לאלהינו בכנור׃ |
8 Vaan ke khomai neh a thing tih diklai ham khotlan a hmoel pah dongah tlang ah sulrham a poe sak.
| המכסה שמים בעבים המכין לארץ מטר המצמיח הרים חציר׃ |
9 A pang uh vaengah rhamsa ham neh vangak ca ham a buh a khueh pah.
| נותן לבהמה לחמה לבני ערב אשר יקראו׃ |
10 Marhang kah thayung thamal neh hmae pawt tih, hlang kho dongah khaw aka ngaingaih pawh.
| לא בגבורת הסוס יחפץ לא בשוקי האיש ירצה׃ |
11 Amah aka rhih so neh a sitlohnah dongah aka ngaiuep ni BOEIPA loh a ngaingaih.
| רוצה יהוה את יראיו את המיחלים לחסדו׃ |
12 Aw Jerusalem BOEIPA taengah domyok ti lamtah, aw Zion na Pathen te thangthen laeh.
| שבחי ירושלם את יהוה הללי אלהיך ציון׃ |
13 Na vongka kah thohkalh te a caang sak tih na kotak kah na ca rhoek te yoethen a paek.
| כי חזק בריחי שעריך ברך בניך בקרבך׃ |
14 Na khorhi ah rhoepnah a khueh tih cang tha te nang n'kum sak.
| השם גבולך שלום חלב חטים ישביעך׃ |
15 A olthui te diklai la a tueih tih a ol loh leklek yong.
| השלח אמרתו ארץ עד מהרה ירוץ דברו׃ |
16 Vuelsong te tumul bangla a haeh tih vueltling te hmaiphu bangla a yaal.
| הנתן שלג כצמר כפור כאפר יפזר׃ |
17 A rhaelnu te a tham la a lun vaengah a khosik hmai ah unim aka pai thai?
| משליך קרחו כפתים לפני קרתו מי יעמד׃ |
18 A ol a tueih vaengah te rhoek yut tih a hil neh a hmuh vaengah tui la cip.
| ישלח דברו וימסם ישב רוחו יזלו מים׃ |
19 A ol te a ol bangla Jakob taengah, a oltlueh neh a laitloeknah Israel taengah a phoe sak.
| מגיד דברו ליעקב חקיו ומשפטיו לישראל׃ |
20 Te te namtom boeih taengah a saii pawt dongah ni laitloeknah te a ming uh pawh. BOEIPA te thangthen uh.
| לא עשה כן לכל גוי ומשפטים בל ידעום הללו יה׃ |
