Tingtoeng 132

1 [Tangtlaeng Laa]. Aw BOEIPA David ham a phaep pah te boeih poek pah.

Tangtlaeng Laa Aw BOEIPA David ham a phaep pah te boeih poek pah.

2 BOEIPA taengah a caeng tih Jakob samrhang taengah khaw a caeng coeng.

BOEIPA taengah a caeng tih Jakob samrhang taengah khaw a caeng coeng.

3 Ka dap im khuila ka pawk pawt vetih ka soengca rhaenghmuen khaw ka paan mahpawh.

Ka dap im khuila ka pawk pawt vetih ka soengca rhaenghmuen khaw ka paan mahpawh.

4 Ka mik te ih sak ham, ka mikkhu te ngam sak ham ka pae mahpawh.

Ka mik te ih sak ham, ka mikkhu te ngam sak ham ka pae mahpawh.

5 BOEIPA ham a hmuen neh Jakob kah samrhang ham tolhmuen ka hmuh duela.

BOEIPA ham a hmuen neh Jakob kah samrhang ham tolhmuen ka hmuh duela.

6 Khohmuen duup ah m'hmuh te Epharath ah khaw n'yaak uh coeng.

Khohmuen duup ah m'hmuh te Epharath ah khaw n'yaak uh coeng.

7 A tolhmuen la cet uh sih lamtah a kho kah khotloeng taengah bawk uh sih.

A tolhmuen la cet uh sih lamtah a kho kah khotloeng taengah bawk uh sih.

8 Aw BOEIPA nang na duemnah neh na sarhi thingkawng taengah thoo lah.

Aw BOEIPA nang na duemnah neh na sarhi thingkawng taengah thoo lah.

9 Na khosoih rhoek loh duengnah bai uh saeh lamtah na hlangcim rhoek loh tamhoe uh saeh.

Na khosoih rhoek loh duengnah bai uh saeh lamtah na hlangcim rhoek loh tamhoe uh saeh.

10 Na sal David ham tah na koelh kah maelhmai te na mangthung tak moenih.

Na sal David ham tah na koelh kah maelhmai te na mangthuung tak moenih.

11 BOEIPA loh David taengah oltak la a caeng coeng. Na bungko thaihtae lamkah khaw te lamloh mael pawt vetih nang ham ngolkhoel soah kang khueh bitni.

BOEIPA loh David taengah oltak la a caeng coeng. Na bungko thaihtae lamkah khaw te lamloh mael pawt vetih nang ham ngolkhoel soah kang khueh bitni.

12 Ka paipi neh amih ka tukkil ka olphong te na ca rhoek loh a ngaithuen uh atah a ca rhoek khaw na ngolkhoel dongah a yoeyah la ngol uh ni.

Ka paipi neh amih ka tukkil ka olphong te na ca rhoek loh a ngaithuen uh atah a ca rhoek khaw na ngolkhoel dongah a yoeyah la ngol uh ni.

13 BOEIPA loh Zion te a coelh tih amah tolrhum la a sahnaih thil.

BOEIPA loh Zion te a coelh tih amah tolrhum la a sahnaih thil.

14 Ka duemnah he ka sahnaih coeng dongah a yoeyah la pahoi ka ngol thil ni.

Ka duemnah he ka sahnaih coeng dongah a yoeyah la pahoi ka ngol thil ni.

15 A sakah te ka uem ka uem pah vetih a khuikah khodaeng rhoek te buh ka cung sak ni.

A sakah te ka uem ka uem pah vetih a khuikah khodaeng rhoek te buh ka cung sak ni.

16 Te vaengah a khosoih rhoek te khangnah ka bai sak vetih a hlangcim rhoek loh tamhoe la tamhoe uh ni.

Te vaengah a khosoih rhoek te khangnah ka bai sak vetih a hlangcim rhoek loh tamhoe la tamhoe uh ni.

17 David ham ki pahoi ka cawn sak vetih ka koelh ham hmaithoi ka tok pah ni.

David ham ki pahoi ka cawn sak vetih ka koelh ham hmaithoi ka tok pah ni.

18 A thunkha rhoek te yahpohnah ka bai sak vetih anih te a rhuisam neh ka khooi sak ni.

A thunkha rhoek te yahpohnah ka bai sak vetih anih te a rhuisam neh ka khooi sak ni.