Olcueih 3
1 Ka ca, kai kah olkhueng he hnilh boel lamtah ka olpaek he na lungbuei loh kueinah saeh.
| בני תורתי אל תשכח ומצותי יצר לבך׃ |
2 Na hingnah khohnin neh kum a sen vaengah nang hamla ngaimongnah han thap uh bitni.
| כי ארך ימים ושנות חיים ושלום יוסיפו לך׃ |
3 Sitlohnah neh uepomnah loh nang te n'hnoo boel saeh. Te te na rhawn dongah hlaengtang lamtah na lungbuei cabael dongah daek lah.
| חסד ואמת אל יעזבך קשרם על גרגרותיך כתבם על לוח לבך׃ |
4 Te tlam te Pathen neh hlang mikhmuh ah mikdaithen neh lungmingnah then te dang van lah.
| ומצא חן ושכל טוב בעיני אלהים ואדם׃ |
5 BOEIPA dongah na lungbuei boeih neh pangtung lamtah namah kah yakmingnah dongah hangdang boeh.
| בטח אל יהוה בכל לבך ואל בינתך אל תשען׃ |
6 Na longpuei boeih ah amah te ming lamtah amah loh na caehlong a dueng sak bitni.
| בכל דרכיך דעהו והוא יישר ארחתיך׃ |
7 Na mikhmuh dawk neh aka cueih la om boeh, BOEIPA te rhih lamtah boethae te nong tak.
| אל תהי חכם בעיניך ירא את יהוה וסור מרע׃ |
8 Na tharhui ham sadingnah neh na rhuh ham a hliing la om ni.
| רפאות תהי לשרך ושקוי לעצמותיך׃ |
9 BOEIPA te na boeirhaeng neh, na cangvuei boeih khuikah a tanglue neh thangpom lah.
| כבד את יהוה מהונך ומראשית כל תבואתך׃ |
10 Te daengah ni na khai te khobuh neh baetawt vetih misur thai khaw na va-am dongah puh ni.
| וימלאו אסמיך שבע ותירוש יקביך יפרצו׃ |
11 BOEIPA kah thuituennah he ka ca nang loh sawtsit boel lamtah amah kah toelthamnah te na mueipuel sak boeh.
| מוסר יהוה בני אל תמאס ואל תקץ בתוכחתו׃ |
12 BOEIPA loh a lungnah te tah a tluung dae pa bangla capa te a moeithen.
| כי את אשר יאהב יהוה יוכיח וכאב את בן ירצה׃ |
13 Cueihnah aka hmu hlang neh lungcuei aka dang hlang tah a yoethen pai.
| אשרי אדם מצא חכמה ואדם יפיק תבונה׃ |
14 A thenpom te tangka thenpom lakah, a cangvuei khaw sui lakah then.
| כי טוב סחרה מסחר כסף ומחרוץ תבואתה׃ |
15 Te tah lungvang lakah kuel ngai tih na ngaihnah boeih long khaw pha uh mahpawh.
| יקרה היא מפניים וכל חפציך לא ישוו בה׃ |
16 A bantang ah hinglung vang nah, a banvoei ah khuehtawn neh thangpomnah om.
| ארך ימים בימינה בשמאולה עשר וכבוד׃ |
17 A longpuei te omthennah longpuei la om tih a hawn te ngaimongnah la boeih om.
| דרכיה דרכי נעם וכל נתיבותיה שלום׃ |
18 Hingnah thingkung cueihnah aka kop ham neh aka tu ham tah a uem om pai.
| עץ חיים היא למחזיקים בה ותמכיה מאשר׃ |
19 BOEIPA loh cueihnah neh diklai a suen tih a lungcuei neh vaan a soepboe.
| יהוה בחכמה יסד ארץ כונן שמים בתבונה׃ |
20 A mingnah rhangneh a dung khaw ueth tih khomong khaw buemtui la pha.
| בדעתו תהומות נבקעו ושחקים ירעפו טל׃ |
21 Ka ca na mik te khohmang boel saeh, lungming cueihnah neh thuepnah te kueinah ne.
| בני אל ילזו מעיניך נצר תשיה ומזמה׃ |
22 Na hinglu ham hingnah neh na rhawn ham mikdaithen la om ni.
| ויהיו חיים לנפשך וחן לגרגרתיך׃ |
23 Te vaengah na longpuei te ngaikhuek la na cet vetih na kho tongtah mahpawh.
| אז תלך לבטח דרכך ורגלך לא תגוף׃ |
24 Na yalh vaengah na rhih voel pawt vetih na yalh thuk neh na ih khaw tui ni.
| אם תשכב לא תפחד ושכבת וערבה שנתך׃ |
25 Birhihnah aka pai buengrhuet neh halang rhoek aka muk khohli rhamrhael te khaw rhih boeh.
| אל תירא מפחד פתאם ומשאת רשעים כי תבא׃ |
26 BOEIPA tah nang ham uepnah la om vetih na kho te doong dong lamloh hang hoep bitni.
| כי יהוה יהיה בכסלך ושמר רגלך מלכד׃ |
27 A kungmah lamkah hnothen te hloh boeh. Na kut loh a saii ham vaengah na kut te Pathen dongah om saeh.
| אל תמנע טוב מבעליו בהיות לאל ידיך לעשות׃ |
28 Namah taengah a om lalah na hui te, “Na hui taengah cet dae, thangvuen ah ha mael lamtah kam paek bitni,” ti nah boeh.
| אל תאמר לרעיך לך ושוב ומחר אתן ויש אתך׃ |
29 Namah taengah ngaikhuek la kho aka sa na hui te boethae neh phoh thil boeh.
| אל תחרש על רעך רעה והוא יושב לבטח אתך׃ |
30 Boethae la nang aka saii pawt hlang te lungli lungla la oelh rhoe oelh boeh.
| אל תרוב עם אדם חנם אם לא גמלך רעה׃ |
31 Kuthlahnah hlang taengah thatlai boeh, anih kah longpuei te pakhat khaw tuek boeh.
| אל תקנא באיש חמס ואל תבחר בכל דרכיו׃ |
32 BOEIPA kah a tueilaehkoi loh kho a hmang dae aka thuem taengah a baecenol om.
| כי תועבת יהוה נלוז ואת ישרים סודו׃ |
33 Halang im ah BOEIPA kah tapvoepnah om dae hlang dueng tolkhoeng tah yoe a then sak.
| מארת יהוה בבית רשע ונוה צדיקים יברך׃ |
34 Hmuiyoi rhoek ngawn tah amah loh a hnael vetih mangdaeng neh kodo te mikdaithen la a khueh.
| אם ללצים הוא יליץ ולעניים יתן חן׃ |
35 Thangpomnah tah aka cueih rhoek loh a pang uh tih aka ang loh yah a ludoeng.
| כבוד חכמים ינחלו וכסילים מרים קלון׃ |
