Isaiah 44
1 Ka sal Jakob neh ka coelh Israel loh hnatun laeh.
我的僕人雅各， 我所揀選的以色列啊， 現在你當聽。
2 Hekah nang aka saii Yahovah long ni a thui. Te dongah bungko khuiah nang aka hlinsai loh nang m'bom ni. Ka sal Jakob nang rhih boeh, Jeshurun amah te khaw ka coelh coeng.
造作你，又從你出胎造就你， 並要幫助你的耶和華如此說： 我的僕人雅各， 我所揀選的耶書崙哪， 不要害怕！
3 Tuihalh te tui neh, laiphuei te tuisih neh ka suep ni. Na tiingan te ka Mueihla neh, na cadil te ka yoethennah neh ka lun thil ni.
因為我要將水澆灌口渴的人， 將河澆灌乾旱之地。 我要將我的靈澆灌你的後裔， 將我的福澆灌你的子孫。
4 Te vaengah rhahlawn tui taengkah tuirhi bangla sulrham lakli ah daih ni.
他們要發生在草中， 像溪水旁的柳樹。
5 He long khaw, ‘Kai tah BOEIPA ham ni,’ a ti vetih, ke long khaw Jakob ming neh a khue ni. He kah loh a kut neh BOEIPA kawng a daek vetih Israel ming neh a mingkhaep ni.
這個要說：我是屬耶和華的； 那個要以雅各的名自稱； 又一個要親手寫：歸耶和華的， 並自稱為以色列。
6 Israel manghai Yahovah neh anih aka tlan caempuei BOEIPA loh, “Lamhma khaw kamah, lamhnuk khaw kamah coeng tih kai pawt atah Pathen tloe a om moenih.
耶和華－以色列的君， 以色列的救贖主－萬軍之耶和華如此說： 我是首先的，我是末後的； 除我以外再沒有真神。
7 Te dongah kamah bangla aka om te unim? Khue saeh lamtah doek lah saeh. Khosuen kah pilnam ka khueh parhi te ka hmaiah tael lah saeh. Aka thoeng tih aka thoeng ham te khaw a taengah puen uh.
自從我設立古時的民， 誰能像我宣告，並且指明，又為自己陳說呢？ 讓他將未來的事和必成的事說明。
8 Rhih boeh, tangyah khueh boeh. Nang kan yaak sak tih ka puen daengrhae moenih a? Nangmih tah kamah kah laipai rhoek ni. Kai pawt atah Pathen tloe om a? Lungpang khaw a om moenih, ka ming khaw ka ming moenih.
你們不要恐懼，也不要害怕。 我豈不是從上古就說明指示你們嗎？ 並且你們是我的見證！ 除我以外，豈有真神嗎？ 誠然沒有磐石，我不知道一個！
9 Amih mueithuk aka hlinsai boeih khaw a honghi ni. A sanaep nen khaw a hoeikhang uh moenih. Amih loh amamih kah laipai rhoek khaw hmu uh pawt tih a ming uh pawt dongah yah a poh uh.
製造雕刻偶像的盡都虛空；他們所喜悅的都無益處；他們的見證無所看見，無所知曉，他們便覺羞愧。
10 Unim pathen aka picai tih a hoeikhang pawt ham mueithuk aka hloe?
誰製造神像，鑄造無益的偶像？
11 Anih hui rhoek tah boeih yak uh pawn ni ke. Amih kah kutthai rhoek te hlang boeiloeih ni. Amih te boeih coi uh thae saeh lamtah pai uh saeh. A rhih uh vetih rhenten yak uh ni.
看哪，他的同伴都必羞愧。工匠也不過是人，任他們聚會，任他們站立，都必懼怕，一同羞愧。
12 Kutthai loh thi tubael te hmaisa-aek neh a saii. Thilung neh a hlinsai tih a thadueng ban neh a saii. A lamlum vaengah thadueng bawt tih tui a ok pawt dongah tawnba.
鐵匠把鐵在火炭中燒熱，用鎚打鐵器，用他有力的膀臂錘成；他飢餓而無力，不喝水而發倦。
13 Kutthai loh thing te a rhi a nueh tih thisum neh a rhuen. Suet neh a yael tih cumkai neh a hiil. Te phoeiah im ah hol hamla hlang kah a muei la, hlang kah a boeimang la a saii.
木匠拉線，用筆劃出樣子，用鉋子鉋成形狀，用圓尺劃了模樣，仿照人的體態，做成人形，好住在房屋中。
14 Te ham te lamphai khaw a saii tih yongmai neh thingnu khaw a loh. Te ham te duup kah thing caang neh rhumrhet thing khaw a phung tih khonal neh a rhoeng sak.
他砍伐香柏樹，又取柞樹和橡樹，在樹林中選定了一棵。他栽種松樹，得雨長養。
15 Hlang kah a toih ham khaw a om pah. Amah te a loh bal tih pahoi a om. A cum bal tih buh a thong nah. Pathen la nunan a saii tih a saii mueithuk te a bawk tih a buluk thil.
這樹，人可用以燒火；他自己取些烤火，又燒着烤餅，而且做神像跪拜，做雕刻的偶像向它叩拜。
16 A ngancawn te hmai dongah a hoeh, a ngancawn dongah maeh a hai tih a caak. Maehkaeh te a hah vaengah kaeng uh tih, “Ahuei, hmaipuei ka hmuh tih ka om,” a ti.
他把一分燒在火中，把一分烤肉吃飽。自己烤火說：「啊哈，我暖和了，我見火了。」
17 A meet te pathen la, a mueithuk la a saii. Te te a buluk, a buluk thil tih a bawk. A taengah thangthui tih, “Kai kah pathen namah loh kai n'huul lah,” a ti nah.
他用剩下的做了一神，就是雕刻的偶像。他向這偶像俯伏叩拜，禱告它說：「求你拯救我，因你是我的神。」
18 A mik loh a hmuh tih a lungbuei loh a cangbam ham khaw malh a bol coeng dongah ming uh pawt tih yakming pawh.
他們不知道，也不思想；因為耶和華閉住他們的眼，不能看見，塞住他們的心，不能明白。
19 A lungbuei khaw a taengla mael pah pawh. Mingnah khueh pawt tih a lungcuei khaw om pawh. “A ngancawn te hmai dongah ka hoeh tih a alh dongah buh ka thong. Maeh ka hai tih ka caak. A coih te khaw tueilaehkoi la ka saii saeh lamtah thingkung thinglong taengah ka buluk eh,” a ti.
誰心裏也不醒悟，也沒有知識，沒有聰明，能說：「我曾拿一分在火中燒了，在炭火上烤過餅；我也烤過肉吃。這剩下的，我豈要做可憎的物嗎？我豈可向木墩子叩拜呢？」
20 Hmaiphu kah aka luem rhoek loh a lungbuei omsaa tih amah a phaelh sak. A hinglu te a huul thai pawt dongah, “Ka bantang ah aka om he a honghi moenih a?” a ti tloel.
他以灰為食，心中昏迷，使他偏邪，他不能自救，也不能說：「我右手中豈不是有虛謊嗎？」
21 He rhoek he Jakob neh Israel loh thoelh saeh. Nang tah kai kah sal ni. Nang te kamah taengah sal la ka hlinsai coeng. Nang Israel loh kai nan hnilh voel mahpawh.
雅各，以色列啊， 你是我的僕人，要記念這些事。 以色列啊，你是我的僕人， 我造就你必不忘記你。
22 Na boekoek te khomai bangla, na tholh cingmai bangla ka huih sak. Nang te kan tlan coeng dongah kamah taengla ha mael laeh.
我塗抹了你的過犯，像厚雲消散； 我塗抹了你的罪惡，如薄雲滅沒。 你當歸向我，因我救贖了你。
23 BOEIPA loh a saii coeng dongah vaan rhoek te tamhoe laeh. Diklai laedil rhoek khaw yuhui uh laeh. Tlang rhoek loh duup puei tamlung neh a khuikah thing rho boeih te rhong puei saeh. BOEIPA loh Jakob a tlan tih Israel soah khaw kohang coeng.
諸天哪，應當歌唱， 因為耶和華做成這事。 地的深處啊，應當歡呼； 眾山應當發聲歌唱； 樹林和其中所有的樹都當如此！ 因為耶和華救贖了雅各， 並要因以色列榮耀自己。
24 Nang aka tlan tih bungko khuiah nang aka hlinsai BOEIPA loh, “Kai Yahovah tah vaan aka aih uh ke boeih ka saii. Kamah bueng loh diklai tui ka nulh vaengah kai taengah aka om te unim.
從你出胎，造就你的救贖主－耶和華如此說： 我－耶和華是創造萬物的， 是獨自鋪張諸天、鋪開大地的。 誰與我同在呢？
25 Olsai kah miknoek te aka phae tih, aka hma kah a yan te a balkhong sak. Aka cueih rhoek te a namnah dongah, amamih kah mingnah loh a pavai sak.
使說假話的兆頭失效， 使占卜的癲狂， 使智慧人退後， 使他的知識變為愚拙；
26 A sal kah ol a thoh tih a puencawn kah cilsuep te a thuung. Jerusalem kah aka thui te kho sak sak saeh lamtah Judah khopuei rhoek te khoeng uh saeh. Te vaengah a imrhong te ka thoh bitni.
使我僕人的話語立定， 我使者的謀算成就。 論到耶路撒冷說：必有人居住； 論到猶大的城邑說：必被建造， 其中的荒場我也必興起。
27 Tuidung te, “Kak laeh,” aka ti loh tuiva nang khaw kang haang sak ni.
對深淵說：你乾了吧！ 我也要使你的江河乾涸。
28 Cyrus te kamah kah boiva aka dawn ni ka ti. Ka hue ngaih boeih khaw han thuung ni. Jerusalem te khoeng saeh lamtah bawkim khaw suen saeh ka ti.
論塞魯士說：他是我的牧人， 必成就我所喜悅的， 必下令建造耶路撒冷， 發命立穩聖殿的根基。
