Suencuek 18
1 Abraham te khothaih khobae vaengah Mamre thingnu rhoek kaepkah dap thohka ah ngol dae anih taengla BOEIPA a phoe pah.
天正熱的時候，亞巴郎坐在帳幕門口，上主在瑪默勒橡樹林那裏，給他顯現出來。
2 Te dongah a mik a huel tih a sawt hatah a taengah hlang pathum a pai te lawt a hmuh. Te dongah amih te doe ham dap thohka lamkah yong tih diklai la bakop.
他舉目一望，見有三人站在對面。他一見就由帳幕門口跑去迎接他們，俯伏在地，
3 Te phoeiah, “Ka Boeipa na mikhmuh ah mikdaithen ni ka dang mai atah na sal taeng lamkah he khumpael mai boeh.
說：「我主如果我蒙你垂愛，請不要由你僕人這裏走過去，
4 Tui bet han khuen mai saeh lamtah na kho silh uh mai. Te dongah thing hmuiah ana hangdang uh mai dae.
我叫人拿點水來，洗洗你們的腳，然後在樹下休息休息。
5 Tedae na sal taengah na pawk rhoi to vaengah buh kamat khaw ka loh dae vetih na lungbuei a duel phoeiah na cet rhoi mako,” a ti nah. Te vaengah, “Na thui bangla na saii pai,” a ti rhoi.
你們既然路過你僕人這裏，等我拿點餅來，吃點點心，然後再走。」他們答說：「就照你所說的做罷! 」
6 Te dongah Abraham te Sarah taengah dap khuila koe kun tih, “Vaidam buh sum thum te a loe la nook lamtah buh thong laeh” a ti nah.
亞巴郎趕快進入帳幕，到撒辣前說：「你快拿三斗細麵，和一和，作些餅。」
7 Te phoeiah Abraham te saelhung taengla yong tih vaito ca a mongkawt neh a then te a loh. Te phoeiah cadong taengah a paek tih a loe la a saii sak.
遂又跑到牛群中，選了一頭又嫩又肥的牛犢，交給僕人，要他趕快煮好。
8 Te phoeiah suknaeng neh suktui khaw, vaito ca a hmoel te khaw han khuen tih amih hmai ah a tawn pah. Tedae a caak uh vaengah amah te amih taengkah thing hmuiah pai.
亞巴郎遂拿了凝乳和牛奶，及預備好了的牛犢，擺在他們面前；他們吃的時候，自己在樹下侍候。
9 Te vaengah, “Na yuu Sarah ta?,” a ti na uh hatah, “Dap khuiah om ke,” a ti nah.
他們對他說：「你的妻子撒辣在那裏﹖」他答說：「在帳幕裏。」
10 Te phoeiah, “Lomai tue ah nang taengla ka lo rhoe ka lo ni. Te vaengah na yuu Sarah te camoe om pawn ni te,” a ti nah. Te vaengah dap thohka kah anih hnukah aka om Sarah loh a hnatun van.
其中一位說：「明年此時我必回到你這裏，那時，你的妻子撒辣要有一個兒子。」辣其時正在那人背後的帳幕門口竊聽。
11 Tedae Abraham neh Sarah kah a kum patong la om rhoi coeng. Huta vanbangla Sarah taengkah khosing om ham khaw bawt coeng.
亞巴郎和撒辣都已年老，年紀很大，而且撒辣的月經早已停止。
12 Te dongah Sarah loh amah ko khuiah, “Kai taengah omthennah a om ham ka hal tih ka boeipa khaw patong coeng,” a ti tih nuei.
撒辣遂心裏竊笑說：「現在，我已衰老，同我年老的丈夫，還有這喜事嗎﹖」
13 Tedae BOEIPA loh Abraham taengah, “Balae tih Sarah loh, 'Kai patong khaw ca ka cun tang venim,’ a ti tih, a nueih he.
上主對亞巴郎說：「撒辣為什麼笑﹖且說：像我這樣老，真的還能生育﹖
14 Hno pakhat he BOEIPA ham rhaisang a? Lomai tue kah khoning vaengah nang taengla ka mael ni. Te vaengah Sarah taengah capa om ni?” a ti nah.
為上主豈有難事﹖明年這時，我必要回到你這裏，那時撒辣必有一個兒子。」
15 Tedae Sarah loh a rhih dongah, “Ka nuei pawh,” a ti tih a basa dae, “Pawh na nueih lalah,” a ti nah.
撒辣害怕了，否認說：「我沒有笑。」但是那位說：「不，你實在笑了。」
16 Te daengah hlang rhoek loh thoo uh tih Sodom ben la a dan uh hatah amih aka thak ham Abraham khaw amih taengah cet.
後來那三人由那裏起身，望著索多瑪前行；亞巴郎送他們，也一同前行。
17 Tedae BOEIPA loh, “Kai loh ka saii te Abraham taengah ka phah a?,” a ti.
上主說：「我要作的事，豈能瞞著亞巴郎﹖
18 Abraham khaw namtu len neh pilnu la om rhoe om ni. Anih lamloh diklai namtom boeih a yoethen ni.
因為他要成為一強大而又興盛的民族，地上所有的民族，都要因他蒙受祝福；
19 Anih ka ming daengah ni anih phoeikah a ca rhoek neh a imkhui te a uen vetih duengnah neh tiktamnah saii ham BOEIPA kah longpuei a ngaithuen uh eh. Te daengah ni BOEIPA loh Abraham ham a taengah a thui pah te a thoeng eh.
何況我揀選了他，是要他訓令自己的子孫和未來的家族，保持上主的正道，實行公義正道，好使上主能實現他對亞巴郎所許的事。」
20 Tedae BOEIPA loh Sodom neh Gomorrah a doek vaengah amih kah tholhnah khaw pungtai tih bahoeng nah coeng.
上主於是說：「控告索多瑪和哈摩辣的聲音實在很大，他們的罪惡實在深重!
21 Ka suntla laeh vetih a pangngawlnah te ka hmuh mako. Kai taengla aka pawk te boeih a saii uh neh a saii uh pawt khaw ka ming mako,” a ti.
我要下去看看，願意知道：是否他們所行的全如達到我前的呼聲一樣。」
22 Te dongah hlang rhoek loh te lamkah hooi uh tih Sodom la a caeh uh vaengah Abraham tah BOEIPA hmai kah pai pueng.
三人中有二人轉身向索多瑪走去；亞巴郎卻仍立在上主面前。
23 Te phoeiah Abraham te thoeih tih, “Hlang dueng neh halang te na khoengvoep sak tang aya?
亞巴郎近前來說：「你真要將義人同惡人一起消滅嗎﹖
24 Kho khui ah aka dueng sawmnga om khaming, na khoengvoep kuekluek aya? Amih khui kah hlang dueng sawmnga ham hmuen te na hlun mahpawt a?
假如城中有五十個義人，你還要消滅嗎﹖不為其中的那五十個義人，赦免那地方嗎﹖
25 Halang taengah aka dueng duek sak ham hno he saii ham tah nang lamloh savisava. A dueng la, halang la a om khaw, nang lamloh savisava saeh. Diklai pum lai aka tloek loh tiktamnah saii mahpawt nim?,” a ti nah.
你決不能如此行事，將義人同惡人一併誅滅；將義人如惡人一樣看待，你決不能! 審判全地的主，豈能不行公義﹖」
26 Tedae BOEIPA loh, “Sodom ah sawmnga ka hmuh tih khopuei khui ah hlang dueng om koinih amih kong ah hmuen takuem la ka khuen ni,” a ti nah.
上主答說：「假如我在索多瑪城中找出了五十個義人，為了他們我要赦免整個地方。」
27 Tedae Abraham loh a doo tih, “Kai he laipi neh hmaiphu la ka om dae Boeipa taengah cal ham ka mulmet coeng he.
亞巴郎接著說：「
28 Aka dueng sawmnga te panga loh a vaitah khaming, panga kongah khopuei pum te na phae aya?” a ti nah hatah, “Sawmli panga te ka hmuh koinih ka phae mahpawh,” a ti nah.
我雖只是塵埃灰土，膽敢再對我主說：假如五十個義人中少了五個怎樣﹖你就為了少五個而毀滅全城嗎﹖」他答說：「假如我在那裏找到四十五個，我不毀滅。」
29 Tedae anih te voek hamla koep a koei tih, “Likip te a hmuh uh khaming,” a ti nah vaengah, “Likip kong ah ka saii mahpawh,” a ti nah.
亞巴郎再向他進言說：「假如在那裏找到四十個怎樣﹖」他答說：「為了這四十個我也不做這事。」
30 Te phoeiah, “Boeipa, saii boel mai lamtah ka thui mai eh. Sawmthum khaw a hmuh uh khaming,” a ti nah. Tedae, “Sawmthum te ka hmu koinih ka saii mahpawh,” a ti nah.
亞巴郎說：「求我主且勿動怒，容我再進一言：假如在那裏找到三十個怎樣﹖」他答說：「假如在那裏我找到三十個，我也不做這事。」
31 Tedae Abaraham loh, “Boeipa taengah cal ham ka mulmet coeng he. Teah te pakul khaw a hmuh uh khaming,” a ti nah vaengah pakul kong ah ka phae mahpawh,” a ti nah.
亞巴郎說：「我再放膽對我主進一言：假如在那裏找到二十個怎樣﹖」他答說：「為了這二十個，我也不毀滅。」
32 Te phoeiah khaw, “Sai boel mai dae Boeipa vai bueng mah ka thui mai eh. Hlang rha khaw a hmu uh khaming,” a ti nah vaengah, “Hlang rha kong ah ka phae mahpawh,” a ti nah.
亞巴郎求：「求我主且勿動怒，容我最後一次進言：假如在那裏找到十個怎樣﹖」他答說：「為了這十個我也不毀滅。」
33 BOEIPA loh Abraham neh cal ham te a khah van neh vik nong tih Abraham khaw amah hmuen la bal.
上主向亞巴郎說完話就走了；亞巴郎也回家去了。
