2 Timothy 1

1 Jesuh Khrih ah hingnah olkhueh vanbangla Pathen kah kongaih neh Jesuh Khrih kah caeltueih kai Paul loh ka ca thintlo Timothy taengah kan yaak sak.

2 A pa Pathen neh mamih Boeipa Jesuh Khrih kah lungvatnah, rhennah, ngaimongnah om saeh.

3 Pathen taengah lungvatnah ka khueh. Amahte manu napa lamloh mingcimnah neh a caih la ka bawk. Nang ham poekkoepnah te khoyin khothaih kamah kah rhenbihnah dongah puet ka khueh.

4 Nang kah mikphi te ka poek vaengah omngaihnah neh ka baetawt hamla nang hmuh ka rhingda.

5 Na khuikah tangnah taktak te thoelhnah la ka loh. Te tah na numca Lois neh na nu Euniki khuiah ana hing lamhma coeng. Te dongah namah khuikah te ni ka pang van.

6 Te paelnaehnah dongah Pathen kah kutdoe te huek hamla nang kan thoelh. Te tah kai kah kut tloengnah lamloh nang soah om coeng.

7 Pathen loh mamih ham rhalyawpnah mueihla m'pae pawt tih thaomnah, lungnah neh kuemsuemnah ni m'paek.

8 Te dongah mamih Boeipa kah laipai ham amah kah thongtla la kai ka om khaw yak boeh. Tedae Pathen kah thaomnah tarhing ah olthangthen te patang puei.

9 Mamih n'khang tih aka cim khuenah neh n'khue te mamih kah bibi nen pawt tih Pathen amah kah mangtaengnah neh lungvatnah rhangnen ni. Tete khosuen tue hlanah ni Jesuh Khrih ah mamih m'paek coeng. (aiōnios g166)

10 Tedae mamih khangkung Khrih Jesuh kaha phoenah dongah tah phoe coeng. Dueknah tea hmil ngawn coeng, hingnah neh aka nguelte khaw olthangthen lamloha yaal coeng.

11 Te ham ni olhoe neh caeltueih neh saya la kai m'hmoel.

12 He paelnaehnah dongah ka patang van coeng he. Tedae ka tangnah te ka ming tih ka yak pawh. Ka hnokhueh he te khohnin due dawndah ham a coengthailaa om te ka ngaitang coeng.

13 Jesuh Khrih ah tangnah, lungnah neh kai lamkahna yaak aka soep olka kah a ninglam te muk lah.

14 A then hnokhueh te mamih ah aka hing Mueihla Cim lamloh tuem ne.

15 Asia kah rhoek loh kai boeih n'nong tak uh tena ming. Amih khuiah Phikelu neh Harmokene khaw om.

16 Onesiphor imah Boeipa loh rhennah han khueh saeh. Kai he n'caih sak taitu tih kai kah kuelrhui te yah puei pawh.

17 Tedae Rom ah aka om loh kaite ngahngah n'toem tih m'hmuh.

18 Tekah khohnin ah Boeipa kah rhennah dang sak ham Boeipa loh anih ham pae saeh. Rhep na ming bangla Ephisa ah khaw bahoeng n'bomcen.