2 Manghai 6
1 Tonghma ca rhoek loh Elisha te, “Mamih om nah hmuen he na mikhmuh ah kaimih ham khaw caek coeng he.
眾先知的弟子對厄里叟說：「看，我們同你住的地方太窄小了，
2 Jordan la cet uh mai sih lamtah te lamkah tungpum te hlang pakhat loh pakhat kawt sih. Te phoeiah mamih ham hmuen pahoi saii uh sih lamtah pahoi khosa uh sih,” a ti uh dongah, “Cet uh,” a ti nah.
請你讓我們到約旦河去，每人取一根樑木，在那裏建造我們的住所。」他答說：「你們去罷! 」
3 Te vaengah pakhat loh, “Ueh mai lamtah na sal rhoek taengah pongpa mai,” a ti nah hatah, “Ka pongpa bitni,” a ti nah.
其中一個人說：「請你也同你的僕人一起去! 」厄里叟答說：「我去。」
4 Amih neh cet tih Jordan la a pawk vaengah thing te a saek uh.
先知便同他們一起去了。他們到了約旦河，就砍伐樹木。
5 Pakhat loh tungpum a vung vaengah thi te tui khuila a tlak pah. Te dongah pang tih, “Ka boeipa aw, te te ka vat dae ta,” a ti nah.
其中一個，砍木樑時，斧頭掉在水裏了，就大聲叫喊說：哎唷! 我主，這把斧子是借來的啊! 」
6 Te dongah Pathen kah hlang loh, “Melam a tlak,” a ti nah tih a hmuen te a tueng. Te phoeiah thing a saih tih te ah te a khoh hata thi te a loe hang.
天主的人問他說：「斧頭掉在那裏﹖」那人將那地方指給先知看。先知即砍下一塊木頭，丟在那裏，使斧頭浮了上來。
7 Te phoeiah, “Namah ham rhut laeh,” a ti nah dongah a kut a yueng tih a rhuh.
先知對他說：「你拿上來罷! 」他就伸手拿了上來。
8 Te vaengah aka om Aram manghai loh Israel a vathoh thil. A sal rhoek te a uen tih, “Kamah kah buep te tongmang hmuen ah,” a ti nah.
阿蘭王同以色列交戰時，與自己的臣商議說：要在某某地方埋伏。
9 Pathen kah hlang loh Israel manghai te a tah tih, “He hmuen la kat ham te ngaithuen, Aram te singling singloei lah ko te,” a ti nah.
但天主的人打發人去見以色列王說：「你要小心提防，不要經過某某地方，因為阿蘭人已在那裏設下埋伏。」
10 Pathen kah hlang loh anih taengah a thui pah hmuen la Israel manghai a tueih vaengah tah a thuituen phoeiah khaw a thuituen dongah a tuem uh te vai bueng pawt tih hnavoei bueng bal moenih.
以色列王就派人去偵察天主的人警告他的地方；他就小心防備，不只一兩次。
11 Hekah ol soah Aram manghai kah lungbuei tah thikthuek coeng. A sal rhoek te a khue tih amih te, “Kai taengah na puen uh mah nim? Mamih khui lamloh he Israel manghai taengla aka puen te unim?” a ti nah.
阿蘭王為此事心中頗為煩惱，遂將臣僕召來，對他說：「難道你們不能告訴我：我們中誰支持以色列王嗎﹖」
12 Tedae a sal rhoek khuikah pakhat loh, “Moenih, ka boei manghai aw, Israel ah tonghma Elisha om ta, na imkhui ah thingkong dongah na thui ol khaw Israel manghai taengla puen ta,” a ti nah.
一個臣僕答說：「我主，大王! 沒有誰支持，只有以色列的先知厄里叟，將君王在密室裏所談的事，都告訴了以色列王。」
13 Te dongah, “Cet uh, anih te melam nim so uh, hlang ka tueih saeh lamtah anih ka tu eh?,” a ti nah. Tedae a taengla puen tih, “Dothan ah om ke,” a ti nah.
阿蘭王說：「你們去看看他在那裏，我好派人去捉拿。」有人告訴君王說：「他在多堂。」
14 Te lam te marhang neh leng neh tatthai muep a tueih. Khoyin ah a paan uh tih khopuei te pin a vael uh.
阿蘭王就打發馬隊戰車和強大的部隊前去，夜間到了那裏，將城圍住。
15 Pathen kah hlang aka bongyong te thoo tih, pai tih, a tawn uh vaengah tah caem loh khopuei te marhang neh leng neh tarha ana vael. Te dongah a tueihyoeih loh Elisha te, “Ka boeipa aw, metlam n'saii eh?” a ti nah.
天主的人的僕人清早起來出門時，看見軍隊車馬將城包圍了，就對先知說：「哎! 我主，我們怎麼辦﹖」
16 Tedae, “Rhih boeh, mamih taengkah he amih taengkah lakah yet,” a ti nah.
先知答說：「不必害怕，因為偕同我們的，比他們的還多。」
17 Elisha te thangthui tih, “BOEIPA aw, a mik he tueng sak mai lamtah hmu van saeh,” a ti nah. Te dongah BOEIPA loh tueihyoeih kah mik te a tueng sak tih tlang kah marhang, leng a bae neh Elisha kaepvai kah hmai te kak a hmuh.
厄里叟就祈禱說：「上主，求你開啟他的眼，叫他看見。」上主就開了僕人的眼，他看見遍山都是火馬車，圍繞著厄里叟。
18 Anih taengla a suntlak uh vaengah Elisha te BOEIPA taengah thangthui tih, “Hekah namtom he mikdael neh ngawn laeh,” a ti nah. Te dongah amih te Elisha ol bangla mikdael neh a ngawn.
敵人下到先知那裏的時候，厄里叟懇求上主說：「求你打擊這個民族，使他們眼目失明。」上主果然照厄里叟的話打擊了他們，使他們眼目失明。
19 Te vaengah Elisha loh amih te, “He he longpuei moenih, he he khopuei bal moenih. Kai hnuk ham vai uh lamtah na tlap uh hlang taengla nangmih te kan thak eh?,” a ti nah. Te phoeiah amih te Samaria la a thak.
厄里叟對他們說：「不是這條路，也不是這座城；你們跟我來，我要領你們到你們尋找的人那裏去。」於是先知領他們到了撒瑪黎雅。
20 Amih te Samaria la a kun van neh Elisha loh, “BOEIPA amih mik he tueng sak lamtah hmu uh saeh,” a ti. BOEIPA loh amih mik te a tueng sak tih a hmuh uh vaengah Samaria khui la tarha a pawk pah.
他們一進了撒瑪黎雅，厄里叟就祈禱說：「上主，開啟這些人的眼睛，叫他們看見。」上主果然開了他們的眼睛；他們一看，自己竟在撒瑪黎雅城內。
21 Amih te a hmuh vaengah Israel manghai loh Elisha te, “A pa ka ngawn la ka ngawn aya?” a ti nah.
以色列王看見他們，就對厄里叟說：「我父，要殺死他們嗎﹖」
22 Tedae, “Ngawn boeh, na cunghang neh na lii neh na sol te nim na ngawn eh? Amih mikhmuh ah buh neh tui khaw tawn pah, a caak a ok uh phoeiah a boei rhoek taengla mael uh saeh,” a ti nah.
厄里叟答說：「不要殺他們；你自己用弓劍擄來的人，你豈可殺死﹖你要為這些人預備飯和水，叫他們吃喝，然後讓他們回到自己的主上那裏去。」
23 Te dongah amih ham buhloei muep a tael pah tih a caak a ok uh phoeiah amih te a tueih. A boei rhoek taengla a mael uh phoeiah tah Aram caem te Israel khohmuen la mop ham khoep uh voel pawh.
君王就給他們預備了盛宴，叫他們吃了喝了，打發他們回到自己的主上那裏去。從此，阿蘭隊伍再沒有侵犯以色列地方。
24 Te phoeiah pataeng Aram manghai Benhadad loh amah kah caem boeih te a coi. Te phoeiah cet tih Samaria te a dum.
這事以後，阿蘭王本哈達得集合了他所有的軍隊，上來圍困撒瑪黎雅。
25 Te dongah Samaria ah khokha la muep pai. Amih taengah laak lu pakhat te tangka sawmrhet neh, vahui aek pataeng, vahui aek boem pali he tangka phik nga la a om pha hil a dum uh.
撒瑪黎雅被圍困後，陷於嚴重的飢荒，甚至一個驢頭，值八十「協刻耳」銀子，四分之一「卡步」豆莢，值五「協刻耳」銀子。
26 Te tlam te a om vaengah Israel manghai te vongtung dongah a pongpa vaengah a taengah huta pakhat pang tih, “Ka boei manghai aw n'khang lah,” a ti nah.
當以色列王從城牆上經過時，有一個婦人呼求他說：「我主大王，救救我罷! 」
27 Tedae, “BOEIPA loh nang n'khang pawt atah me lamkah nim? Cangtilhmuen lamkah nim? va-am lamkah nim nang kang khang eh?” a ti nah.
君王答說：「如果上主不救你，我怎能救你﹖靠禾場﹖靠酒池﹖」
28 Te phoeiah manghai loh anih te, “Nang te balae?” a ti nah hatah, “He huta loh kai taengah, 'Na capa te m'pae lamtah tihnin ah ca sih, thangvuen ah kai capa he n'caak bitni,’ a ti.
君王問那婦人說：「你有什麼事﹖」婦人答說：「這個女人曾對我說：把你的兒子交出來，我們今天吃；留下我的兒子，我們明天吃。
29 Te dongah kai capa te ka thong rhoi tih ka caak rhoi. Tedae hnin at ah tah anih te, 'Na capa te m'pae lamtah ca van pawn sih,’ ka ti nah hatah a capa te a thuh,” a ti nah.
於是我們就把我的兒子煮著吃了。第二天我對那女人說：把你的兒子交出來給我們吃，她卻把自己的兒子藏了起來。」
30 Huta ol te manghai loh a yaak van neh a himbai te a phen. Amah khaw vongtung dongah a caeh doela pilnam a sawt vaengah a pum dongkah tlamhni te a khui hil tarha a hmuh.
君王聽了這婦人的話，就撕裂了自己的衣服，─當他正在城牆上經過，民眾都看見了他貼身穿著苦衣，─
31 Te dongah, “Tihnin ah anih soah Shaphat capa Elisha kah lu te a om pueng atah Pathen loh kai he n'rhaem saeh lamtah n'talh van saeh,” a ti.
說「如果沙法特的兒子厄里叟的頭，今天還留在他身上，願天主嚴厲，且加倍嚴厲地懲罰我! 」
32 Elisha te amah im ah ngol tih a taengah a ham rhoek ngol uh. Te vaengah a mikhmuh ah hlang a tueih pah dae anih taengla puencawn a pha hlan ah amah loh a ham rhoek te, “Hlang ngawn capa a tueih te na hmuh uh nama? So uh kai lu aka tloek ham ni ke. Puencawn ha pawk hlan ah thohkhaih te khai uh lamtah anih te thohkhaih neh nen thiluh. A hnuk kah te a boei kholaeh ol pawt nim?” a ti nah.
那時厄里叟正坐在屋裏，長老們同他坐在一起，君王派一個人在他以前去，但是這人還未來到，厄里叟就對長老們說：「你們看，這個兇手之子，竟派人來要斬我的頭。你們注意，使者來到時，你們要把門關上，把他關在門外；在他後面不就是他主上的腳步聲嗎﹖」
33 Amih te a voek li vaengah puencawn khaw anih taengla pakcak suntla tih, “Boethae he BOEIPA taeng lamkah ni he, balae tih BOEIPA te n'ngaiuep voel eh?” a ti.
先知還同他們說話的時候，君王就下到他那裏說：「這災難是由上主來的，我對上主還有什麼指望﹖」
