2 Manghai 17
1 Judah manghai Ahaz kah kum hlai nit vaengah Elah capa Hosea loh Samaria ah Israel kum ko a manghai thil.
猷大王阿哈次十二年，厄拉的兒子曷舍亞在撒瑪黎雅登極為以色列王，在位凡九年。
2 BOEIPA mikhmuh ah boethae a saii dae anih hmai kah Israel manghai aka om rhoek bangla om pawh.
他行了上主視為惡的事，但不像他以前的以色列列王。
3 Assyria manghai Shalmaneser loh Hosea te a caeh thil vaengah tah Assyria manghai kah sal la vik om tih a taengah khocang a mael.
亞述王沙耳瑪乃色上來攻打曷舍亞，他便向亞述王稱臣納貢。
4 Tedae Assyria manghai loh Hosea te lairhui la a hmuh. Egypt manghai So taengla puencawn a tueih tih a kum, kum ah Assyria manghai ham khocang thak pah voel pawh. Te dongah Assyria manghai loh anih te atlaeng tih thongim ah a khoh.
後來亞述王發覺曷舍亞企圖造反。原來曷舍亞曾派使者去見埃及王索阿，就不再向亞述王每年納貢，所以亞述王將他拘捕，囚在監裡。
5 Assyria manghai te khohmuen tom la cet tih Samaria a pha vaengah tah khoupuei te kum thum a dum.
隨後，亞述王進軍侵入全國，直逼撒瑪黎雅，圍攻了三年。
6 Hosea kah a kum ko dongah tah Assyria manghai loh Samaria te a loh tih Israel te Assyria la a poelyoe. Te phoeiah amih te Halah kah Gozan tuiva Habor neh Madai khopuei rhoek ah kho a sak sak.
曷舍亞九年，亞述王攻陷了撒瑪黎雅，把以色列人擄往亞述，把他們安置在哈拉黑和靠近哥倉河的哈波爾，以及瑪待各城。
7 Egypt manghai Pharaoh kut hmui lamkah neh Egypt khohmuen lamloh amih aka caeh puei a Pathen Yahweh taengah Israel ca rhoek tholh uh tih pathen tloe te a rhih uh dongah ni he he a thoeng.
這是因為以色列子民犯罪，得罪了領他們離開埃及地，擺脫埃及王法郎之手的上主，他們的天主，而去敬拜了別的神，
8 Namtom kah khosing bangla pongpa uh pueng. Te rhoek te BOEIPA loh Israel ca rhoek mikhmuh lamkah a haek coeng dae Israel manghai rhoek loh koep a pak uh.
隨從了上主由以色列子民面前，所驅逐的異民的習俗，和以色列列王所規定的律例。
9 Olka dongah Israel ca rhoek a hawn uh dongah a Pathen BOEIPA taengah thuem uh pawt tangkhuet. Te dongah aka rhalrhing kah rhaltoengim lamloh khopuei hmuencak hil, a khopuei tom ah amamih ham hmuensang a thoh uh.
以色列子民作了不義的事，得罪了上主他們的天主：在他們所有的城中，從守望台直到設防的城，到處建有高丘；
10 Amih ham kaam neh Asherah te som sang boeih neh thing hing tom kah hmui ah a ling uh.
在各高崗上，在所有的綠樹下，豎有石柱和木偶；
11 Namtom rhoek bangla hmuensang tom ah hnap a phum uh. Te rhoek te BOEIPA loh amih mikhmuh lamkah a poelyoe coeng dae BOEIPA te veet hamla boethae hno a saii uh.
在高丘上，依照上主從他們面前所驅逐的異民的習俗，焚香獻祭，作惡激怒上主；
12 BOEIPA loh amih taengah hebang hno he saii pawt ham a thui pah lalah mueirhol te tho a thueng thiluh.
又敬拜偶像，雖然天主曾明明吩咐他們說：你們不可行這樣的事!
13 BOEIPA loh Israel neh Judah te tonghma boeih kah tonghma neh khohmu boeih kah kut lamloh a rhalrhing sak tih, “Nangmih kah longpuei thae lamloh mael uh laeh, a cungkuem dongah na pa rhoek ka uen olkhueng bangla ka olpaek neh ka khosing he tuem uh. Te te ka sal rhoek, tonghma rhoek kut lamloh nangmih taengah kam pat coeng,” a ti.
上主曾藉眾先知和先見者警告以色列和猶大說：「你們應離棄你們的邪道，按照我給你們祖先所規定的，藉我的僕人，眾先知給你們傳授的一切法律，遵守我的誡命和我的法令。」
14 Tedae hnatun uh pawt tih a Pathen BOEIPA aka tangnah pawh a napa rhoek kah a rhawn bangla a rhawn te a siing uh.
他們卻不聽從，如同他們的祖先一樣執拗，不肯相信上主他們的天主，
15 A a oltlueh neh a paipi te a hnawt uh. Te te a napa rhoek taengah a saii tih a olphong neh amih te a rhalrhing sak. Tedae a honghi hnukah pongpa uh tih hoemdawk uh. A kaepvai kah namtom rhoek hnukah amih bangla saii pawt ham BOEIPA loh amih a uen.
拒絕了上主的法律和他與他們祖先所訂立的盟約，以及對他們所發出的警告；隨從他們四周上主曾命令他們不可效法的異民，追求虛無，自己成為虛無；
16 A Pathen BOEIPA kah olpaek cungkuem te a hnoo uh tih amamih ham mueihlawn vaitoca rhoi panit a saii uh. Asherah a saii phoeiah vaan caempuei cungkuem te a bakop thil uh tih Baal taengah tho a thueng uh.
拋棄了上主他們天主的一切命令，為自己鑄造神像，即兩個牛犢，製造木偶，敬拜天上萬象，事奉巴耳，
17 A capa khaw, a canu khaw hmai khuila a kat sakuh. Bihma a bi uh tih lung a sawt uh. BOEIPA te veet ham neh a mikhmuh ah boethae saii ham yoi uh thae.
使兒女經火獻神，行占卜和法術，出賣自己，行上主視為惡的事，激怒上主；
18 Te dongah BOEIPA he Israel taengah bahoeng a thintoek tih amih te a mikhmuh lamloh a khoe. Te vaengah Judah koca amah bueng phoeiah tah pakhat khaw hlun pawh.
因此，上主對以色列大發憤怒，將他們從自己面前趕走，只留下了猶大支派。
19 Judah pataeng a Pathen BOEIPA kah olpaek te tuem pawt tih Israel kah a pak khosing dongah pongpa uh.
但是，猶大也沒有遵守上主，他們天主的命令，反而也隨從了以色列所行的習俗。
20 Te dongah BOEIPA loh Israel kah tiingan boeih te a hnawt tih amih te a phaep. Amih te a mikhmuh lamloh a voeih duela aka tukvat rhoek kah kut dongah a tloeng.
為此，上主拋棄了以色列所有的後裔，使他們受壓迫，任人宰割，終於將他們從自己面前趕走。
21 Israel te David imkhui lamloh a phen tih Nebat capa Jeroboam te a manghai sak. Jeroboam loh Israel te BOEIPA taeng lamloh a rhoe tih a heh dongah amih te tholh a len neh a tholh sak.
的確，自從上主使以色列與達味家分裂以後，以色列便立了乃巴特的兒子雅洛貝罕為王；雅洛貝罕即引以色列遠離了上主，使他們陷於重罪。
22 Israel ca rhoek he Jeroboam kah a saii tholhnah cungkuem dongah pongpa uh tih te lamloh a nong uh moenih.
以色列子民遂追隨雅洛貝罕所犯的一切罪惡，始終沒有離開，
23 A sal tonghma boeih kah kut ah a thui bangla BOEIPA loh Israel te a mikhmuh lamloh a khoe. Te dongah ni tahae khohnin hil Israel te amah khohmuen lamloh Assyria la a poelyoe.
直到上主將以色列從自己面前趕走，正如上主藉自己的僕人眾先知所說的話。因此，以色列由本國被擄往亞述，直到今日。
24 Te vaengah Assyria manghai loh Babylon lamkah neh Kuthah lamkah khaw, Ivvah lamkah neh Khamath lamkah khaw, Sepharvaim lamkah khaw a khuen tih Israel ca rhoek yueng la Samaria khopuei rhoek ah kho a sak sak. Te dongah Samaria te a huul uh tih a khopuei ah kho a sak uh.
亞術王從巴比倫、雇特、阿瓦、哈瑪特和色法瓦因徙置一些人民，住在撒瑪黎雅各城，以代替以色列人；這些人佔據了撒瑪黎雅，就住在各城內。
25 Amih kah khosak a tong van neh BOEIPA te hnap rhih uh pawh. Te dongah BOEIPA loh amih taengah sathueng a hlah pah tih amih aka ngawn la om.
他們起初住在那裡的時候，因為不敬畏上主，所以上主打發獅子來，咬死了他們一些人。
26 Te vaengah Assyria manghai taengla puen uh tih, “Na poelyoe tih Samaria khopuei ah kho na sak sak namtom tah khohmuen Pathen kah laitloeknah te ming uh pawh. Khohmuen Pathen kah laitloeknah te a ming uh pawt dongah amih taengah sathueng a hlah pah tih amih a duek sak coeng he,” a ti nah.
有人報告亞述王說：「你在撒瑪黎雅各城徙置的人民，不知敬拜土神的禮儀，因此那神打發獅子來咬死了他們一些人，因為他們不知敬拜土神的禮儀。」
27 Te dongah Assyria manghai loh a uen tih, “A poelyoe khosoih khuiah pakhat tah te lam te thak laeh. Cet tih kho a sak pahoi daengah ni khohmuen Pathen kah laitloeknah te amih a thuinuet eh?,” a ti nah.
亞述王於是下令說：「你們叫一個從撒瑪黎雅擄來的司祭回去，住在那裡，教給他們敬拜土神的禮儀。」
28 Te dongah Samaria lamkah a poelyoe khosoih rhoek khuiah pakhat tah mael. Bethel ah kho a sak tih BOEIPA metla rhih ham khaw amih te a thuinuet.
於是，有一個從撒瑪黎雅擄去的司祭回來，住在貝特耳，教給他們該怎麼敬拜雅威。
29 Tedae amah namtu, namtu ah pathen tah a saii uh tih Samaria kah a saii hmuensang im ah a khueh uh. Amih te amah namtu, namtu neh khopuei ah kho a sak uh.
雖然如此，各個民族仍然製造自己的神，供在撒瑪黎雅人所建築的高丘上的廟宇中；各個民族在自己所住的城內，供著自己的神。
30 Babylon hlang rhoek loh Succothbenoth te a sak tih Kuthah hlang loh Nergal te a sak. Khamath hlang rhoek loh Ashima te a sak van.
巴比倫人製造了穌苛特貝諾特，雇特人製造了乃爾加耳，哈瑪特人製造了阿史瑪，
31 Avvii loh Nibbaz neh Tartak te a saii tih Sepharvi loh Sepharvaim kah pathen Adrammelech neh Anamelek ham a ca rhoek te hmai ah a hoeh uh.
阿瓦人製造了尼貝哈次和塔爾塔克，色法瓦因人使兒女經火，獻於色法瓦因的神阿德辣默肋客和阿納默肋客；
32 BOEIPA aka rhih la om uh dae amih kah a hmatoeng lamloh hmuensang khosoih a khueh uh tih amih ham hmuensang im ah aka nawn rhung la om uh.
同時他們也敬拜上主，從自己中間選派一些人作高丘上的司祭，在高丘上的廟宇內自己獻祭。
33 BOEIPA aka rhih la om uh cakhaw namtom rhoek kah khosing bangla amah pathen taengah tho aka thueng la om uh. Te lamlong ni amih te a poelyoe.
這樣，他們也敬拜上主，也奉事自己的神，從那一國徙置而來的，就照那一國的禮儀。
34 Tahae khohnin hil amih he hnukbuet kah khosing bangla a saii uh tih amih loh BOEIPA te rhih uh pawh. Israel ming a phuk thil Jakob kah koca rhoek loh BOEIPA kah a uen bangla a khosing neh a laitloeknah khaw, olkhueng neh olpaek te khaw a vai uh moenih.
直到今日，他們仍然依照先前的禮儀而行。雅各伯──上主給他改名為以色列──的子孫，也不全心敬畏上主，也不按照上主給他們所立的條例、禮儀、法律和誡命而行。
35 BOEIPA loh amih taengah paipi a saii tih amih a uen vaengah, “Pathen tloe te rhih uh boeh, amih taengah bakop boeh, amih te thothueng pah boeh, amih taengah nawn uh boeh.
上主曾與他們立約，吩咐他們說：「你們不可敬拜別的神，也不可跪拜，也不可事奉，也不可向他們獻祭；
36 BOEIPA bueng long ni thadueng len neh a ban a yueng tih nangmih te Egypt kho lamloh n'khuen. Amah te rhih uh lamtah amah taengah bakop uh, amah taengah tah nawn uh.
只應敬拜那以強力和伸展的手臂，領你們離開埃地的上主，只應向他跪拜，向他獻祭。
37 Nangmih ham a daek oltlueh neh laitloeknah te khaw, olkhueng neh olpaek te khaw khohnin takuem vai hamla ngaithuen uh lamtah a tloe pathen rhoek te rhih uh boeh.
我為你們寫定的條例、禮儀、法律和誡命，要時常謹守遵行，不可敬拜別的神。
38 Nangmih taengah paipi ka saii te hnilh uh boel lamtah a tloe pathen rhoek te rhih uh boeh.
我與你們立的盟約，不要忘記，也不要敬拜別的神，
39 Nangmih kah Pathen BOEIPA bueng te rhih uh. Te daengah ni amah loh nangmih te na thunkha cungkuem kah kut lamloh n'huul eh?,” a ti nah.
只應敬拜上主你們的天主，他必拯救你們脫離你們一切仇敵的權勢。」
40 Tedae hnatun uh pawt tih lamhma kah a khosing bangla a saii uh.
然而，他們不聽，仍然依照他們先前的禮儀而行。
41 Te dongah natom rhoek he BOEIPA aka rhih la om uh cakhaw a ca neh a ca phoeikah a ca rhoek tah a mueidaep kah thothueng la om uh. Amih loh tahae khohnin hil a napa rhoek kah a saii bangla a saii uh.
這樣，這些人民敬拜上主，又事奉他們的雕像；他們的子子孫孫也是如此：祖先怎樣行，子孫也怎樣行，直到今日。
