2 Khokhuen 14
1 Abijah he a napa rhoek taengla a khoem uh vaengah tah anih te David khopuei ah a up uh. Te phoeiah a capa Asa anih yueng la manghai. Anih tue vaengkah kum rha khui ah khohmuen khaw mong.
亞比雅與他列祖同睡，葬在大衛城裏。他兒子亞撒接續他作王。亞撒年間，國中太平十年。
2 Asa loh a Pathen BOEIPA mikhmuh ah hnothen neh a thuem ni a. saii.
亞撒行耶和華－他上帝眼中看為善為正的事，
3 Kholong hmueihtuk neh hmuensang te a khoe tih kaam te a phaek. Asherah khaw a top.
除掉外邦神的壇和邱壇，打碎柱像，砍下木偶，
4 A napa rhoek kah Pathen BOEIPA toem ham neh a olkhueng neh a olpaek vai ham khaw Judah rhoek te a uen.
吩咐猶大人尋求耶和華－他們列祖的上帝，遵行他的律法、誡命；
5 Judah khopuei tom lamkah hmuensang neh bunglawn te a khoe tih a mikhmuh ah a ram khaw mong.
又在猶大各城邑除掉邱壇和日像，那時國享太平；
6 Khohmuen te a mong dongah Judah kah kasam khopuei rhoek te a sak. Anih te BOEIPA loh a duem sak dongah te vaeng tue ah a taengah caemtloeknah om pawh.
又在猶大建造了幾座堅固城。國中太平數年，沒有戰爭，因為耶和華賜他平安。
7 Te phoeiah Judah rhoek taengah, “Khopuei rhoek he sa uh sih lamtah vongtung neh rhaltoengim khaw, thohkhaih neh thohkalh khaw buen uh sih. Mamih kah Pathen BOEIPA te n'toem uh dongah khohmuen he mamih mikhmuh ah mong pueng. N'toem uh bangla a kaepvai taengah mamih he m'duem sak,” a ti nah. Te dongah a sak uh tangloeng tih thaihtak uh.
他對猶大人說：「我們要建造這些城邑，四圍築牆，蓋樓，安門，做閂；地還屬我們，是因尋求耶和華－我們的上帝；我們既尋求他，他就賜我們四境平安。」於是建造城邑，諸事亨通。
8 Judah lamkah photlinglen neh cai aka muk tatthai thawng ya thum te Asa taengah om bal. Benjamin lamloh photling aka bai tih lii aka phu, tatthai hlangrhalh boeih he thawng yahnih thawng sawmrhet lo.
亞撒的軍兵，出自猶大拿盾牌拿槍的三十萬人；出自便雅憫拿盾牌拉弓的二十八萬人。這都是大能的勇士。
9 Te phoeiah amih te Kushi Zerah loh tatthai thawng thawngkhat, leng ya thum neh a paan tih Mareshah la pawk.
有古實王謝拉率領軍兵一百萬，戰車三百輛，出來攻擊猶大人，到了瑪利沙。
10 Te dongah Asa te a hmai ah cet tih Mareshah kah kolrhawk ah caemtloek rhong a pai.
於是亞撒出去與他迎敵，就在瑪利沙的洗法谷彼此擺陣。
11 Te vaengah Asa loh amah kah Pathen BOEIPA te a khue tih, “Aw BOEIPA, thadueng aka tal te boeiping laklo ah bom ham khaw namah bang a om moenih. Kaimih kah Pathen BOEIPA aw kaimih m'bom lah. Namah dongah ka hangdang uh tih namah ming nen ni he hlangping taengla ka pawk uh. Namah te kaimih kah Pathen BOEIPA ni, namah taengah tah hlanghing loh ueh mahpawh,” a ti nah.
亞撒呼求耶和華－他的上帝說：「耶和華啊，惟有你能幫助軟弱的，勝過強盛的。耶和華－我們的上帝啊，求你幫助我們；因為我們仰賴你，奉你的名來攻擊這大軍。耶和華啊，你是我們的上帝，不要容人勝過你。」
12 Te dongah BOEIPA loh Kushi te Asa mikhmuh neh Judah mikhmuh ah a yawk sak tih Kushi rhoek te rhaelrham uh.
於是耶和華使古實人敗在亞撒和猶大人面前，古實人就逃跑了；
13 Amih te Asa neh a taengkah pilnam loh Gerar hil duela a hloem tih Kushi lamloh a cungku sak. Amih te hinglu hlawtnah a om pawt hil BOEIPA mikhmuh neh a caem mikhmuh ah a khah coeng tih kutbuem khaw a yet la muep a phueih uh.
亞撒和跟隨他的軍兵追趕他們，直到基拉耳。古實人被殺的甚多，不能再強盛，因為敗在耶和華與他軍兵面前。猶大人就奪了許多財物，
14 Te vaengah amih soah BOEIPA taengkah birhihnah a om dongah Gerar kaepvai khopuei boeih te a ngawn uh. A khuiah kutbuem muep a om dongah khopuei tom te a poelyoe uh.
又打破基拉耳四圍的城邑；耶和華使其中的人都甚恐懼。猶大人又將所有的城擄掠一空，因其中的財物甚多，
15 Boiva kah dap khaw a ngawn uh dongah boiva neh kalauk te a cungkuem la a sol uh tih Jerusalem la mael uh.
又毀壞了群畜的圈，奪取許多的羊和駱駝，就回耶路撒冷去了。
