Palungha Lok 11
1 Angraeng loe katoeng ai tahhaih to pahnuet; toe katoeng tahhaih nuiah loe anghoehaih tawnh.
| מאזני מרמה תועבת יהוה ואבן שלמה רצונו׃ |
2 Amoekhaih oh naah, azathaih to oh; toe minawk tlim ah khosah kami khaeah loe palunghahaih to oh.
| בא זדון ויבא קלון ואת צנועים חכמה׃ |
3 Poektoeng kami loe toenghaih mah zaeh; toe poeksae kami loe poeksethaih mah amrosak tih.
| תמת ישרים תנחם וסלף בוגדים ושדם׃ |
4 Sithaw palungphui naah angraenghaih mah na bomh mak ai; toe toenghaih mah loe duekhaih thung hoiah pahlong.
| לא יועיל הון ביום עברה וצדקה תציל ממות׃ |
5 Coek koi om ai katoeng kami loe toenghaih mah loklam to hnuksak; toe kasae kami loe a sethaih mah amtimsak tik.
| צדקת תמים תישר דרכו וברשעתו יפל רשע׃ |
6 Katoeng kaminawk loe angmacae toenghaih mah nihcae to pahlong tih; toe sethaih sah kaminawk loe angmacae sethaih pongah aman o tih.
| צדקת ישרים תצילם ובהות בגדים ילכדו׃ |
7 Kahoih ai kami duek naah, anih oephaih doeh anghma tih; poektoeng ai kaminawk ih oephaih loe anghmat.
| במות אדם רשע תאבד תקוה ותוחלת אונים אבדה׃ |
8 Katoeng kami to raihaih thung hoiah pahlong, anih zuengah kasae kami nuiah raihaih to phak.
| צדיק מצרה נחלץ ויבא רשע תחתיו׃ |
9 Angsah thaih kami loe pronghaih lok hoiah a imtaeng kami to amrosak; toe katoeng kami loe palunghahaih hoiah loi tih.
| בפה חנף ישחת רעהו ובדעת צדיקים יחלצו׃ |
10 Katoeng kami khosak hoih naah, vangpui to anghoe; kasae kami duek naah loe, anghoe hoi hanghaih lok to oh.
| בטוב צדיקים תעלץ קריה ובאבד רשעים רנה׃ |
11 Katoeng kami tahamhoih naah, vangpui to pakoeh ah oh; toe kasae kami ih pakha mah loe vangpui to amrosak.
| בברכת ישרים תרום קרת ובפי רשעים תהרס׃ |
12 Palunghahaih tawn ai kami loe, a imtaeng kami to khet patoek; toe palunghahaih tawn kami loe a palai to ciipsak.
| בז לרעהו חסר לב ואיש תבונות יחריש׃ |
13 Lokpung kami loe tamqu hmuen to taphong; toe oepthok kami loe tamqu hmuen to angphat.
| הולך רכיל מגלה סוד ונאמן רוח מכסה דבר׃ |
14 Zaehhoihaih om ai naah, prae kaminawk amro o; toe poekhaih paek thaih kami pop tawnh naah ngancuemhaih to oh.
| באין תחבלות יפל עם ותשועה ברב יועץ׃ |
15 Angvin ih laiba pathok pae hanah lokkam kami loe poek angpho tih; toe to tiah lokkam ai kami loe mawnhaih tawn mak ai.
| רע ירוע כי ערב זר ושנא תקעים בוטח׃ |
16 Tahmenhaih tawn nongpata loe khingzahaih to hak; toe thahoih nongpanawk loe angraeng o.
| אשת חן תתמך כבוד ועריצים יתמכו עשר׃ |
17 Tahmenhaih tawn kami loe tangqum to hak; toe hmawsaeng kami loe a taksa raihaih paek kami ah ni oh.
| גמל נפשו איש חסד ועכר שארו אכזרי׃ |
18 Kasae kami loe alinghaih atho to hnuk; toe toenghaih tuh kami loe amkhrai thai ai tangqum to hak.
| רשע עשה פעלת שקר וזרע צדקה שכר אמת׃ |
19 Toenghaih loe hinghaih ah oh baktih toengah, sethaih hnukah patom kami loe a duekhaih ni patom.
| כן צדקה לחיים ומרדף רעה למותו׃ |
20 Poek angkawn kami loe Angraeng mah panuet; toe toenghaih loklam pazui kami nuiah loe anghoehaih to tawnh.
| תועבת יהוה עקשי לב ורצונו תמימי דרך׃ |
21 Kasae kaminawk loe nawnto amhong o cadoeh, danpaek ai ah om mak ai; toe katoeng kaminawk ih caa loe loihsak tih.
| יד ליד לא ינקה רע וזרע צדיקים נמלט׃ |
22 Khopoek thai ai kranghoih nongpata loe, ok tahmawh nui ih sui bantuek baktiah ni oh.
| נזם זהב באף חזיר אשה יפה וסרת טעם׃ |
23 Katoeng kami loe kahoih hmuen khue ni koeh; toe kasae kami ih oephaih loe palungphuihaih hae ni.
| תאות צדיקים אך טוב תקות רשעים עברה׃ |
24 Cangti haeh kami loe pop aep ah hak; angaihaih pong kamthlai ah patung kami loe amtang aep.
| יש מפזר ונוסף עוד וחושך מישר אך למחסור׃ |
25 Kuuhoih kami loe angraeng; minawk han tuibawh kami loe, angmah doeh tuibawh ah om toeng tih.
| נפש ברכה תדשן ומרוה גם הוא יורא׃ |
26 Cang zawh paawt kami loe, minawk mah kasae thui tih; toe cang zaw kami ih lu loe tahamhoihaih om tih.
| מנע בר יקבהו לאום וברכה לראש משביר׃ |
27 Kahoih hmuen pakrong kami loe hoihaih to hnuk; toe kahoih ai hmuen pakrong kami loe sethaih to hnu tih.
| שחר טוב יבקש רצון ודרש רעה תבואנו׃ |
28 Angmah angraenghaih oep kami loe amtim tih; toe katoeng kami loe thingqam baktiah sai tih.
| בוטח בעשרו הוא יפל וכעלה צדיקים יפרחו׃ |
29 Angmah imthung raihaih paek kami loe takhi to qawk ah toep tih; amthu loe palungha kami ih tamna ah om tih.
| עוכר ביתו ינחל רוח ועבד אויל לחכם לב׃ |
30 Hinghaih thingkung loe toenghaih thingthai ah oh; palungha kami loe minawk hinghaih to pazawk.
| פרי צדיק עץ חיים ולקח נפשות חכם׃ |
31 Khenah, katoeng kaminawk mataeng doeh long nuiah hnuk han koi atho to hnu o nahaeloe, Sithaw panoek ai kami hoi zaehaih sak koeh kaminawk cae loe kawkruk maw danpaekhaih atho to hnu o tih!
| הן צדיק בארץ ישלם אף כי רשע וחוטא׃ |
