< Nehemiah 7 >
1 Tapang sak pacoeng naah, thoknawk to ka buenh moe, khongkha toep kaminawk, laasah kaminawk hoi Levi kaminawk to ka suek.
2 Oepthok, Sithaw zii kami, siangpahrang ohhaih ahmuen khenzawnkung, Hananiah hoi kam nawk Hanani khaeah Jerusalem vangpui to ka aap,
3 nihnik khaeah, Ni bae ai karoek to Jerusalem khongkha to paong hoi hmah; khongkha toep kaminawk mah thok to kha o nasoe loe, takraeng o nasoe; Jerusalem ih kaminawk mah angmacae taengah misatoep suem o boih nasoe, tiah ka naa.
4 Vangpui loe len moe, kawk parai; toe athung ah kami zetta ni oh o; imnawk doeh pacoeng o boih ai vop.
5 To naah angraengnawk, ukkungnawk hoi kaminawk boih, acaeng anghumhaih takung to parui hanah, Sithaw mah poekhaih ang paek. Hmaloe koek amlaem kaminawk ih acaeng anghumhaih kawng paruihaih cabu to ka hnuk.
6 Hae kaminawk loe Babylon siangpahrang Nebukhadnezzar mah misong ah naeh ih kami, misong ah naeh ih prae thung hoiah kamlaem, prae thungah kaom kami ah oh o moe, angmacae ohhaih vangpui, Jerusalem hoi Judah prae ah amlaem let kami ah oh o boih;
7 to kaminawk loe Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum hoi Baanah hoi nawnto angzoh o; milu kok ih Israel kaminawk loe;
8 Parosh ih capanawk thung hoiah sang hnet, cumvai, qui sarih, hnetto,
9 Shephatiah ih capanawk thung hoiah cumvai thum, qui sarih, hnetto,
10 Arah ih capanawk thung hoiah cumvai taruk, qui panga, hnetto,
11 Pahath-Moab acaeng Joshua hoi Joab ih capanawk loe sang hnet, cumvai tazet, hatlai tazetto,
12 Elam ih capanawk loe sang, cumvai hnet, qui panga, palito,
13 Zattu ih capanawk loe cumvai tazet, qui pali, pangato,
14 Zakkai ih capanawk loe cumvai sarih, quitarukto,
15 Binnui ih capanawk loe cumvai taruk, qui pali, tazetto,
16 Bebai ih capanawk loe cumvai taruk, pumphae tazetto,
17 Azgad ih capanawk loe sang hnet, cumvai thum, pumphae hnetto,
18 Adonikam ih capanawk loe cumvai taruk, qui taruk, sarihto,
19 Bigvai ih capanawk loe sang hnet, qui taruk, sarihto,
20 Adin ih capanawk loe cumvai taruk, qui panga, pangato,
21 Ater hoi Hezekiah ih capanawk loe qui takawt, tazetto,
22 Hashum ih capanawk loe cumvai thum, pumphae tazetto,
23 Bezai ih capanawk loe cumvai thum, pumphae palito,
24 Hariph ih capanawk loe cumvai, hatlai hnetto,
25 Gibeon ih capanawk loe qui takawt, pangato,
26 Bethlehem hoi Netophah ih capanawk loe cumvai, qui tazet, tazetto,
27 Anathoth ih capanawk loe cumvai, pumphae, tazetto,
28 Beth Azma veth ih capanawk loe qui pali, hnetto,
29 Kiriath Jearim, Khephirah hoi Beeroth ih capanawk loe cumvai sarih, qui pali, thumto,
30 Ramah hoi Geba ih capanawk loe cumvai taruk, pumphae, maeto,
31 Mikmash ih capanawk loe cumvai, pumphae hnetto,
32 Bethel hoi Ai ih capanawk loe cumvai, pumphae thumto,
33 Kalah Nebo ih capanawk loe qui panga, hnetto,
34 Kalah Elam ih capanawk loe sang, cumvai hnet, qui panga, palito,
35 Harim ih capanawk loe cumvai thum, pumphaeto,
36 Jeriko ih capanawk loe cumvai thum, qui pali, pangato,
37 Lod, Hadid hoi Ono ih capanawk loe cumvai sarih, pumphae maeto,
38 Senaah ih capanawk loe sang thum, cumvai takawt, quithumto,
39 Qaimanawk; Jeshua acaeng thung ih, Jedaiah ih capanawk loe cumvai takawt, qui sarih, thumto,
40 Immer ih capanawk loe sang, qui panga, hnetto,
41 Passhur ih capanawk loe sang, cumvai hnet, qui pali, sarihto,
42 Harim ih capanawk loe sang, hatlai sarihto,
43 Levinawk; Hodaviah acaeng, Jeshua hoi anghum tathuk, Kadmiel ih capanawk loe qui sarih, palito oh o.
44 Laasah kaminawk; Asaph ih capanawk loe cumvai, qui pali, tazetto oh o.
45 Khongkha toep kaminawk; Shallum, Ater, Talmon, Akkub, Hatita hoi Shobai ih capanawk loe cumvai, qui thum, tazetto oh o.
46 Nethinims tiah kawk ih im thungah toksah tamnanawk loe, Ziha ih capanawk, Hashupha ih capanawk, Tabbaoth ih capanawk,
47 Keros ih capanawk, Sia ih capanawk, Padon ih capanawk,
48 Lebana ih capanawk, Hagaba ih capanawk, Shalmai ih capanawk,
49 Hanan ih capanawk, Giddel ih capanawk, Gahar ih capanawk,
50 Reaiah ih capanawk, Rezin ih capanawk, Nekoda ih capanawk,
51 Gazzam ih capanawk, Uzza ih capanawk, Paseah ih capanawk,
52 Besai ih capanawk, Meunim ih capanawk, Nephishesim ih capanawk,
53 Bakbuk ih capanawk, Hakupha ih capanawk, Harhur ih capanawk,
54 Bazlith ih capanawk, Mehida ih capanawk, Harsha ih capanawk,
55 Barkos ih capanawk, Sisera ih capanawk, Temah ih capanawk,
56 Neziah hoi Hatipha ih capanawk hae ni.
57 Solomon tamannawk ih caa patoengnawk; Sotai ih capanawk, Sophereth ih capanawk, Perida ih capanawk,
58 Jaala ih capanawk, Darkon ih capanawk, Giddel ih capanawk,
59 Shephatiah ih capanawk, Hattil ih capanawk, Pokereth ih capanawk, Zebaim hoi Amon ih capanawk,
60 im thung toksah tamnanawk hoi Solomon tamnanawk ih capanawk loe cumvai thum, qui takawt, hnetto oh o.
61 To pacoengah Israel kami tangtang maw, tangtang ai, tiah patuek thai ai, angmacae ampa ih imthung takoh hoi acaengnawk doeh patuek thai ai, Tel Melah, Tel Haresha, Kherub, Addon hoi Immer vangpui hoi angzo kaminawk loe,
62 Delailah ih capanawk, Tobiah hoi Nekoda ih capanawk loe, cumvai taruk, qui pali, hnetto,
63 Qaimanawk thungah; Hobaiah ih capanawk, Koz hoi Barzillai ih capanawk (hae kami loe Gilead ih kami Barzillai ih canu zu haih pongah anih ih ahmin, Barzillai to patoh) loe,
64 nihcae loe acaeng anghumhaih kawng pakuemhaih cabu thungah angmacae ih ahmin to hnu o ai; nihcae loe acaeng ciim ai pongah, qaima angdoethaih ahmuen hoiah takhoe o ving.
65 To pongah Tirshatha (prae ukkung mah), nangcae loe qaima tangtang maw tangtang ai, tiah Urim hoi Thummim khae hoiah amtuenghaih om ai karoek to, kaciim koek caaknaek to na caa o mak ai, tiah a naa.
66 Nihcae ih capanawk loe sangqum boih ah sing pali, sang hnet, cumvai thum, quitarukto oh o,
67 to pacoengah nongpa hoi nongpata tamnanawk loe sang sarih, cumvai thum, qui thum, sarihto oh o vop; laasah nongpa nongpata kaminawk loe cumvai hnet, qui pali, pangato oh bae vop.
68 Nihcae ih Hrang loe cumvai sarih, qui thum, tarukto, mule hrang cumvai hnet, qui pali, pangato,
69 kaengkuu hrang cumvai pali, qui thum, pangato, laa hrang sang taruk, cumvai sarih, pumphaeto oh.
70 Thoemto acaeng ukkungnawk mah toksakhaih hmuenmaenawk to paqum o. Tirshatha (prae ukkung) mah doeh, sum kanglung dram sangto, boengloeng quipangato, qaima khukbuen cumvai panga, quithumto hmuenmae pakuemkung khaeah paek.
71 Acaeng ukkung thoemto kaminawk mah toksak haih hanah, tangka pakuemkung khaeah, sui drama sing hnetto, sumkanglung boengloeng sang hnet, cumvai hnetto paek o.
72 Minawk kalah mah sui drama sing hnetto, sumkanglung boengloeng sang hnetto, qaimanawk hanah khukbuen qui taruk, sarihto paqum o.
73 To pongah, qaimanawk, Levi acaengnawk, khongkha toep kaminawk, laasah kaminawk hoi im ah toksah Nethinim tamnanawk, thoemto kaminawk hoi kanghmat Israelnawk boih loe angmacae ih vangpui ah oh o; khrah sarihto phak naah, Israel caanawk loe angmacae ih vangpui ah ah oh o.
