Masalimo 99

1 Yehova akulamulira, mitundu ya anthu injenjemere; Iye wakhala pa mpando wake waufumu, pakati pa akerubi, dziko lapansi ligwedezeke.

Jehovah reigns. Let the peoples tremble. He sits enthroned among the cherubim; the earth shakes.

2 Mʼziyoni wamkulu ndi Yehova; Iye ndi wokwezeka pamwamba pa mitundu yonse ya anthu.

Jehovah is great in Zion. He is high above all the peoples.

3 Anthu atamande dzina lanu lalikulu ndi loopsa kwambiri, Iye ndi woyera.

Let them praise your great and awesome name. He is Holy.

4 Mfumu yamphamvu, iyo imakonda chilungamo Inu mwakhazikitsa khalidwe losakondera; mwachita zolungama ndi zoyenera mwa Yakobo.

The King's strength also loves justice. You do establish equity. You execute justice and righteousness in Jacob.

5 Kwezani Yehova Mulungu wathu ndipo mulambireni pa mapazi ake; Iye ndi woyera.

Exalt Jehovah our God. Worship at his footstool. He is Holy.

6 Mose ndi Aaroni anali ena mwa ansembe ake, Samueli anali pamodzi ndi iwo amene anayitana pa dzina lake; iwo anayitana Yehova ndipo Iyeyo anawayankha.

Moses and Aaron were among his priests, Samuel among those who call on his name; they called on Jehovah, and he answered them.

7 Iye anayankhula nawo kuchokera mʼchipilala cha mtambo; iwo anasunga malamulo ake ndi zophunzitsa zomwe anawapatsa.

He spoke to them in the pillar of cloud. They kept his testimonies, the statute that he gave them.

8 Inu Yehova Mulungu wathu, munawayankha iwo; Inu kwa Israeli munali Mulungu wokhululuka, ngakhale munawalanga pa zochita zawo zoyipa.

You answered them, Jehovah our God. You are a God who forgave them, although you took vengeance for their doings.

9 Kwezani Yehova Mulungu wathu ndipo mumulambire pa phiri lake loyera, pakuti Yehova Mulungu wathu ndi woyera.

Exalt Jehovah, our God. Worship at his holy mountain, for Jehovah, our God, is holy.