Masalimo 99

1 Yehova akulamulira, mitundu ya anthu injenjemere; Iye wakhala pa mpando wake waufumu, pakati pa akerubi, dziko lapansi ligwedezeke.

The LORD reigneth; let the peoples tremble; He is enthroned upon the cherubim; let the earth quake.

2 Mʼziyoni wamkulu ndi Yehova; Iye ndi wokwezeka pamwamba pa mitundu yonse ya anthu.

The LORD is great in Zion; and He is high above all the peoples.

3 Anthu atamande dzina lanu lalikulu ndi loopsa kwambiri, Iye ndi woyera.

Let them praise Thy name as great and awful; Holy is He.

4 Mfumu yamphamvu, iyo imakonda chilungamo Inu mwakhazikitsa khalidwe losakondera; mwachita zolungama ndi zoyenera mwa Yakobo.

The strength also of the king who loveth justice — Thou hast established equity, Thou hast executed justice and righteousness in Jacob.

5 Kwezani Yehova Mulungu wathu ndipo mulambireni pa mapazi ake; Iye ndi woyera.

Exalt ye the LORD our God, and prostrate yourselves at His footstool; Holy is He.

6 Mose ndi Aaroni anali ena mwa ansembe ake, Samueli anali pamodzi ndi iwo amene anayitana pa dzina lake; iwo anayitana Yehova ndipo Iyeyo anawayankha.

Moses and Aaron among His priests, and Samuel among them that call upon His name, did call upon the LORD, and He answered them.

7 Iye anayankhula nawo kuchokera mʼchipilala cha mtambo; iwo anasunga malamulo ake ndi zophunzitsa zomwe anawapatsa.

He spoke unto them in the pillar of cloud; they kept His testimonies, and the statute that He gave them.

8 Inu Yehova Mulungu wathu, munawayankha iwo; Inu kwa Israeli munali Mulungu wokhululuka, ngakhale munawalanga pa zochita zawo zoyipa.

O LORD our God, Thou didst answer them; a forgiving God wast Thou unto them, though Thou tookest vengeance of their misdeeds.

9 Kwezani Yehova Mulungu wathu ndipo mumulambire pa phiri lake loyera, pakuti Yehova Mulungu wathu ndi woyera.

Exalt ye the LORD our God, and worship at His holy hill; for the LORD our God is holy.