Masalimo 98

1 Salimo. Imbirani Yehova nyimbo yatsopano, pakuti Iyeyo wachita zinthu zodabwitsa; dzanja lake lamanja ndi mkono wake woyera zamuchitira chipulumutso.

A Psalm. Sing to the LORD a new song, for he has done marvellous things! His right hand and his holy arm have worked salvation for him.

2 Yehova waonetsa chipulumutso chake ndipo waulula chilungamo chake kwa anthu a mitundu ina.

The LORD has made known his salvation. He has openly shown his righteousness in the sight of the nations.

3 Iye wakumbukira chikondi chake ndi kukhulupirika kwake pa Aisraeli; malekezero onse a dziko lapansi aona chipulumutso cha Mulungu wathu.

He has remembered his loving kindness and his faithfulness towards the house of Israel. All the ends of the earth have seen the salvation of our God.

4 Fuwulani mwachimwemwe kwa Yehova, dziko lonse lapansi, muyimbireni nyimbo mofuwula ndi mokondwera.

Make a joyful noise to the LORD, all the earth! Burst out and sing for joy, yes, sing praises!

5 Imbirani Yehova nyimbo ndi zeze, ndi zeze ndi mawu a kuyimba,

Sing praises to the LORD with the harp, with the harp and the voice of melody.

6 ndi malipenga ndi kuliza kwa nyanga ya nkhosa yayimuna fuwulani mwachimwemwe pamaso pa Yehova Mfumu.

With shofars and sound of the ram’s horn, make a joyful noise before the King, the LORD.

7 Nyanja ikokome pamodzi ndi zonse zili mʼmenemo, dziko lonse ndi onse amene amakhala mʼmenemo.

Let the sea roar with its fullness; the world, and those who dwell therein.

8 Mitsinje iwombe mʼmanja mwawo, mapiri ayimbe pamodzi mwachimwemwe;

Let the rivers clap their hands. Let the mountains sing for joy together.

9 izo ziyimbe pamaso pa Yehova, pakuti Iye akubwera kudzaweruza dziko lapansi. Adzaweruza dziko lonse mwachilungamo, ndi mitundu ya anthu mosakondera.

Let them sing before the LORD, for he comes to judge the earth. He will judge the world with righteousness, and the peoples with equity.