Masalimo 98

1 Salimo. Imbirani Yehova nyimbo yatsopano, pakuti Iyeyo wachita zinthu zodabwitsa; dzanja lake lamanja ndi mkono wake woyera zamuchitira chipulumutso.

A Psalm. O sing unto the LORD a new song; for He hath done marvellous things; His right hand, and His holy arm, hath wrought salvation for Him.

2 Yehova waonetsa chipulumutso chake ndipo waulula chilungamo chake kwa anthu a mitundu ina.

The LORD hath made known His salvation; His righteousness hath He revealed in the sight of the nations.

3 Iye wakumbukira chikondi chake ndi kukhulupirika kwake pa Aisraeli; malekezero onse a dziko lapansi aona chipulumutso cha Mulungu wathu.

He hath remembered His mercy and His faithfulness toward the house of Israel; all the ends of the earth have seen the salvation of our God.

4 Fuwulani mwachimwemwe kwa Yehova, dziko lonse lapansi, muyimbireni nyimbo mofuwula ndi mokondwera.

Shout unto the LORD, all the earth; break forth and sing for joy, yea, sing praises.

5 Imbirani Yehova nyimbo ndi zeze, ndi zeze ndi mawu a kuyimba,

Sing praises unto the LORD with the harp; with the harp and the voice of melody.

6 ndi malipenga ndi kuliza kwa nyanga ya nkhosa yayimuna fuwulani mwachimwemwe pamaso pa Yehova Mfumu.

With trumpets and sound of the horn shout ye before the King, the LORD.

7 Nyanja ikokome pamodzi ndi zonse zili mʼmenemo, dziko lonse ndi onse amene amakhala mʼmenemo.

Let the sea roar, and the fulness thereof; the world, and they that dwell therein;

8 Mitsinje iwombe mʼmanja mwawo, mapiri ayimbe pamodzi mwachimwemwe;

Let the floods clap their hands; let the mountains sing for joy together;

9 izo ziyimbe pamaso pa Yehova, pakuti Iye akubwera kudzaweruza dziko lapansi. Adzaweruza dziko lonse mwachilungamo, ndi mitundu ya anthu mosakondera.

Before the LORD, for He is come to judge the earth; He will judge the world with righteousness, and the peoples with equity.