Masalimo 73
1 Salimo la Asafu. Mulungu ndi wabwino ndithu kwa Israeli, kwa iwo amene ndi oyera mtima.
| מזמור לאסף אך טוב לישראל אלהים-- לברי לבב |
2 Koma kunena za ine, mapazi anga anali pafupi kuterereka; ndinatsala pangʼono kugwa.
| ואני--כמעט נטוי (נטיו) רגלי כאין שפכה (שפכו) אשרי |
3 Pakuti ndinkachitira nsanje odzitamandira, pamene ndinaona mtendere wa anthu oyipa.
| כי-קנאתי בהוללים שלום רשעים אראה |
4 Iwo alibe zosautsa; matupi awo ndi athanzi ndi amphamvu.
| כי אין חרצבות למותם ובריא אולם |
5 Saona mavuto monga anthu ena; sazunzika ngati anthu ena onse.
| בעמל אנוש אינמו ועם-אדם לא ינגעו |
6 Nʼchifukwa chake kunyada kuli monga mkanda wa mʼkhosi mwawo; amadziveka chiwawa.
| לכן ענקתמו גאוה יעטף-שית חמס למו |
7 Mʼmitima yawo yokhota mumachokera zolakwa; zoyipa zochokera mʼmaganizo awo sizidziwa malire.
| יצא מחלב עינמו עברו משכיות לבב |
8 Iwowo amanyogodola ndi kumayankhula zoyipa; mwa kudzikuza kwawo amaopseza ena nʼkumati, “Tikuponderezani.”
| ימיקו וידברו ברע עשק ממרום ידברו |
9 Pakamwa pawo pamayankhula monyoza Mulungu kumwamba ndipo lilime lawo limayenda pa dziko lapansi.
| שתו בשמים פיהם ולשונם תהלך בארץ |
10 Nʼchifukwa chake anthu awo amapita kwa iwowo ndi kumwa madzi mochuluka.
| לכן ישיב (ישוב) עמו הלם ומי מלא ימצו למו |
11 Iwo amati, “Kodi Mulungu angadziwe bwanji? Kodi Wammwambamwamba angadziwe kalikonse?”
| ואמרו איכה ידע-אל ויש דעה בעליון |
12 Umu ndi mmene oyipa alili; nthawi zonse ali pabwino ndipo chuma chawo chimachulukirachulukira.
| הנה-אלה רשעים ושלוי עולם השגו-חיל |
13 Ndithudi ine ndawusunga pachabe mtima wanga woyera; pachabe ndasamba mʼmanja mwanga mwa kusalakwa kwanga.
| אך-ריק זכיתי לבבי וארחץ בנקיון כפי |
14 Tsiku lonse ndapeza mavuto; ndakhala ndi kulangidwa mmawa uliwonse.
| ואהי נגוע כל-היום ותוכחתי לבקרים |
15 Ndikanati, “Ndidzayankhula motere,” ndikanachita chosakhulupirika kwa ana anu.
| אם-אמרתי אספרה כמו הנה דור בניך בגדתי |
16 Pamene ndinayesa kuti ndimvetse zonsezi, zinandisautsa kwambiri
| ואחשבה לדעת זאת עמל היא (הוא) בעיני |
17 kufikira nditalowa mʼmalo opatulika a Mulungu; pamenepo ndinamvetsa mathero awo.
| עד-אבוא אל-מקדשי-אל אבינה לאחריתם |
18 Zoonadi Inu munawayika pa malo woterera; Mumawagwetsa pansi kuti awonongeke.
| אך בחלקות תשית למו הפלתם למשואות |
19 Mwamsangamsanga iwo amawonongedwa, amasesedwa kwathunthu ndi mantha!
| איך היו לשמה כרגע ספו תמו מן-בלהות |
20 Monga loto pamene wina adzuka, kotero pamene Inu muuka, Inu Ambuye, mudzawanyoza ngati maloto chabe.
| כחלום מהקיץ-- אדני בעיר צלמם תבזה |
21 Pamene mtima wanga unasautsidwa ndi kuwawidwa mu mzimu mwanga,
| כי יתחמץ לבבי וכליותי אשתונן |
22 ndinali wopusa ndi wosadziwa; ndinali chirombo chopanda nzeru pamaso panu.
| ואני-בער ולא אדע בהמות הייתי עמך |
23 Komabe ineyo ndili ndi Inu nthawi zonse; mumandigwira dzanja langa lamanja.
| ואני תמיד עמך אחזת ביד-ימיני |
24 Inu mumanditsogolera ndi malangizo anu ndipo pambuyo pake mudzanditenga ku ulemerero.
| בעצתך תנחני ואחר כבוד תקחני |
25 Kodi kumwamba ndili ndi yani kupatula Inu? Ndipo dziko lapansi lilibe chilichonse chimene ndimachilakalaka koposa Inuyo.
| מי-לי בשמים ועמך לא-חפצתי בארץ |
26 Thupi ndi mtima wanga zitha kufowoka, koma Mulungu ndiye mphamvu ya mtima wanga ndi cholandira changa kwamuyaya.
| כלה שארי ולבבי צור-לבבי וחלקי--אלהים לעולם |
27 Iwo amene ali kutali ndi Inu adzawonongeka; Inu mumawononga onse osakhulupirika pamaso panu.
| כי-הנה רחקיך יאבדו הצמתה כל-זונה ממך |
28 Koma kunena za Ine ndi kwabwino kukhala pafupi ndi Mulungu. Ndatsimikiza kuti Ambuye Yehova ndiwo pothawirapo panga ndipo ndidzalalika ntchito zanu zonse.
| ואני קרבת אלהים-- לי-טוב שתי באדני יהוה מחסי לספר כל-מלאכותיך |
