Masalimo 72
1 Salimo la Solomoni. Patsani mwana wa mfumu nzeru zanu zoweruzira mwa chilungamo, Inu Mulungu mupatseni mwana wa mfumu chilungamo chanu.
| לשלמה אלהים--משפטיך למלך תן וצדקתך לבן-מלך |
2 Iye adzaweruza anthu anu mwachilungamo, anthu anu ozunzika mosakondera.
| ידין עמך בצדק וענייך במשפט |
3 Mapiri adzabweretsa chuma kwa anthu anu, timapiri tidzabweretsa zipatso zachilungamo.
| ישאו הרים שלום לעם וגבעות בצדקה |
4 Iye adzateteza ozunzika pakati pa anthu ndi kupulumutsa ana a anthu osowa; adzaphwanya ozunza anzawo.
| ישפט עניי-עם--יושיע לבני אביון וידכא עושק |
5 Adzakhala ndi moyo pa mibado yonse, nthawi zonse pamene dzuwa ndi mwezi zikuwala.
| ייראוך עם-שמש ולפני ירח דור דורים |
6 Iye adzakhala kugwa kwa mvula pa minda yolimidwa ngati mivumbi yothirira dziko lapansi.
| ירד כמטר על-גז כרביבים זרזיף ארץ |
7 Mʼmasiku a munthu wolungama adzakhazikika; chuma chidzachuluka mpaka mwezi utaleka kuwala.
| יפרח-בימיו צדיק ורב שלום עד-בלי ירח |
8 Iye adzalamulira kuchokera ku nyanja ina mpaka ku nyanja ina ndiponso kuchokera ku mtsinje mpaka ku malekezero a dziko lapansi.
| וירד מים עד-ים ומנהר עד-אפסי-ארץ |
9 Mafuko a mʼchipululu adzawerama pamaso pake ndipo adani ake adzanyambita fumbi.
| לפניו יכרעו ציים ואיביו עפר ילחכו |
10 Mafumu a ku Tarisisi ndi a ku zilumba zakutali adzabweretsa mitulo kwa iye, mafumu a ku Seba ndi Seba adzapereka mphatso kwa iyeyo.
| מלכי תרשיש ואיים מנחה ישיבו מלכי שבא וסבא אשכר יקריבו |
11 Mafumu onse adzamuweramira ndipo mitundu yonse idzamutumikira.
| וישתחוו-לו כל-מלכים כל-גוים יעבדוהו |
12 Pakuti iye adzawombola wosowa amene akulira, wozunzika amene alibe wina womuthandiza.
| כי-יציל אביון משוע ועני ואין-עזר לו |
13 Iye adzachitira chifundo anthu ofowoka ndi anthu osowa ndi kupulumutsa osowa ku imfa.
| יחס על-דל ואביון ונפשות אביונים יושיע |
14 Iye adzalanditsa iwo ku mazunzo ndi chiwawa pakuti magazi awo ndi amtengo wapatali pamaso pake.
| מתוך ומחמס יגאל נפשם וייקר דמם בעיניו |
15 Iye akhale ndi moyo wautali; golide ochokera ku Seba apatsidwe kwa iye. Anthu amupempherere nthawi zonse ndi kumudalitsa tsiku lonse.
| ויחי-- ויתן-לו מזהב שבא ויתפלל בעדו תמיד כל-היום יברכנהו |
16 Mulole kuti tirigu achuluke mʼdziko lonse; pamwamba pa mapiri pakhale tirigu. Zipatso zake zichuluke ngati za ku Lebanoni; zichuluke ngati udzu wakuthengo
| יהי פסת-בר בארץ-- בראש הרים ירעש כלבנון פריו ויציצו מעיר כעשב הארץ |
17 Dzina lake likhazikike kwamuyaya, lipitirire kukhala monga momwe limakhalira dzuwa. Mitundu yonse idzadalitsika kudzera mwa iye ndipo iwo adzamutcha iye wodala.
| יהי שמו לעולם-- לפני-שמש ינין (ינון) שמו ויתברכו בו כל-גוים יאשרוהו |
18 Matamando akhale kwa Yehova Mulungu, Mulungu wa Israeli amene Iye yekha amachita ntchito zodabwitsa.
| ברוך יהוה אלהים--אלהי ישראל עשה נפלאות לבדו |
19 Matamando akhale ku dzina lake laulemerero kwamuyaya dziko lonse lapansi lidzaze ndi ulemerero wake. Ameni ndi Ameni.
| וברוך שם כבודו-- לעולם וימלא כבודו את-כל הארץ-- אמן ואמן |
20 Uku ndiko kumaliza kwa mapemphero a Davide mwana wa Yese.
| כלו תפלות-- דוד בן-ישי |
