Masalimo 63

1 Salimo la Davide. Pamene anali mʼchipululu cha Yuda. Inu Mulungu, ndinu Mulungu wanga, moona mtima ine ndimakufunafunani; moyo wanga uli ndi ludzu lofuna Inu, thupi langa likulakalaka inu, mʼdziko lowuma ndi lotopetsa kumene kulibe madzi.

A Psalm of David, when he was in the Wilderness of Judah. O God, You are my God. Earnestly I seek You; my soul thirsts for You. My body yearns for You in a dry and weary land without water.

2 Inu ndinakuonani ku malo anu opatulika ndipo ndinapenya mphamvu zanu ndi ulemerero wanu.

So I have seen You in the sanctuary and beheld Your power and glory.

3 Chifukwa chikondi chanu ndi choposa moyo, milomo yanga idzakulemekezani.

Because Your loving devotion is better than life, my lips will glorify You.

4 Ndidzakutamandani masiku onse a moyo wanga, ndipo mʼdzina lanu ndidzakweza manja anga.

So I will bless You as long as I live; in Your name I will lift my hands.

5 Mudzakhutitsa moyo wanga ndi zonona. Ine ndidzakutamandani ndi mawu anthetemya.

My soul is satisfied as with the richest of foods; with joyful lips my mouth will praise You.

6 Pa bedi panga ndimakumbukira inu; ndimaganiza za Inu nthawi yonse ya usiku.

When I remember You on my bed, I think of You through the watches of the night.

7 Chifukwa ndinu thandizo langa, ine ndimayimba mu mthunzi wa mapiko anu.

For You are my help; I will sing for joy in the shadow of Your wings.

8 Moyo wanga umakangamira Inu; dzanja lanu lamanja limandigwiriziza.

My soul clings to You; Your right hand upholds me.

9 Iwo amene akufunafuna moyo wanga adzawonongedwa; adzatsikira kunsi kozama kwa dziko lapansi.

But those who seek my life to destroy it will go into the depths of the earth.

10 Iwo adzaperekedwa ku lupanga ndi kukhala chakudya cha ankhandwe.

They will fall to the power of the sword; they will become a portion for foxes.

11 Koma mfumu idzakondwera mwa Mulungu; onse amene amalumbira mʼdzina la Mulungu adzalemekeza Mulunguyo, koma pakamwa pa anthu onama padzatsekedwa.

But the king will rejoice in God; all who swear by Him will exult, for the mouths of liars will be shut.