Masalimo 48
1 Nyimbo. Salimo la ana a Kora. Wamkulu ndi Yehova, ndi woyenera kwambiri matamando mu mzinda wa Mulungu wathu, phiri lake loyera.
| שיר מזמור לבני-קרח ב גדול יהוה ומהלל מאד-- בעיר אלהינו הר-קדשו |
2 Lokongola mu utali mwake, chimwemwe cha dziko lonse lapansi. Malo aatali kwambiri a Zafoni ndiye Phiri la Ziyoni, mzinda wa Mfumu yayikulu.
| יפה נוף משוש כל-הארץ הר-ציון ירכתי צפון קרית מלך רב |
3 Mulungu ali mu malinga ake; Iye wadzionetsa yekha kuti ndiye malinga akewo.
| אלהים בארמנותיה נודע למשגב |
4 Pamene mafumu anasonkhana pamodzi, pamene anayendera pamodzi kudzalimbana nafe,
| כי-הנה המלכים נועדו עברו יחדו |
5 iwo anaona mzindawo ndipo anadabwa kwambiri; anathawa ndi mantha aakulu.
| המה ראו כן תמהו נבהלו נחפזו |
6 Pomwepo anagwidwa nako kunjenjemera, ululu wonga wa mkazi woyembekezera pa nthawi yochira.
| רעדה אחזתם שם חיל כיולדה |
7 Inu munawawononga monga sitima zapamadzi za ku Tarisisi zitawonongeka ndi mphepo ya kummawa.
| ברוח קדים-- תשבר אניות תרשיש |
8 Monga momwe tinamvera, kotero ife tinaona mu mzinda wa Yehova Wamphamvuzonse, mu mzinda wa Mulungu wathu. Mulungu adzawuteteza kwamuyaya.
| כאשר שמענו כן ראינו-- בעיר-יהוה צבאות בעיר אלהינו אלהים יכוננה עד-עולם סלה |
9 Mʼkati mwa Nyumba yanu Mulungu, ife timalingaliramo zachikondi chanu chosasinthika.
| דמינו אלהים חסדך-- בקרב היכלך |
10 Monga dzina lanu, Inu Mulungu, matamando anu amafika ku malekezero a dziko lapansi dzanja lanu lamanja ladzaza ndi chilungamo.
| כשמך אלהים-- כן תהלתך על-קצוי-ארץ צדק מלאה ימינך |
11 Phiri la Ziyoni likukondwera, midzi ya Yuda ndi yosangalala chifukwa cha maweruzo anu.
| ישמח הר ציון--תגלנה בנות יהודה למען משפטיך |
12 Yendayendani mu Ziyoni, uzungulireni mzindawo, werengani nsanja zake.
| סבו ציון והקיפוה ספרו מגדליה |
13 Yangʼanitsitsani bwino mipanda yake, penyetsetsani malinga ake, kuti mudzafotokoze za izo ku mʼbado wotsatira.
| שיתו לבכם לחילה--פסגו ארמנותיה למען תספרו לדור אחרון |
14 Pakuti Mulungu uyu ndi Mulungu wathu ku nthawi zosatha; Iye adzakhala mtsogoleri wathu mpaka ku mapeto.
| כי זה אלהים אלהינו--עולם ועד הוא ינהגנו על-מות |
