Masalimo 23

1 Salimo la Davide. Yehova ndiye mʼbusa wanga, sindidzasowa kanthu.

THE Lord is my shepherd; I shall not want.

2 Amandigoneka pa msipu wobiriwira, amanditsogolera ku madzi akumwa abwino,

He maketh me to lie down in green pastures: he leadeth me beside the still waters.

3 amatsitsimutsa moyo wanga. Amanditsogolera mʼnjira zachilungamo chifukwa cha dzina lake.

He restoreth my soul: he leadeth me in the paths of righteousness for his name’s sake.

4 Ngakhale ndiyende mʼchigwa cha mdima wakuda bii, sindidzaopa choyipa, pakuti Inu muli ndi ine; chibonga chanu ndi ndodo yanu zimanditonthoza.

Yea, though I walk through the valley of the shadow of death, I will fear no evil: for thou art with me; thy rod and thy staff they comfort me.

5 Mumandikonzera chakudya adani anga akuona. Mumadzoza mutu wanga ndi mafuta; chikho changa chimasefukira.

Thou preparest a table before me in the presence of mine enemies: thou anointest my head with oil; my cup runneth over.

6 Zoonadi, zokoma ndi chikondi chosasinthika zidzanditsata masiku onse a moyo wanga, ndipo ndidzakhala mʼNyumba ya Yehova kwamuyaya.

Surely goodness and mercy shall follow me all the days of my life: and I will dwell in the house of the Lord for ever.