Masalimo 21

1 Kwa mtsogoleri wa mayimbidwe. Salimo la Davide. Inu Yehova, mfumu ikusangalala mu mphamvu yanu, chimwemwe chake nʼchachikuludi pa kupambana kumene mumapereka!

For the end, a Psalm of David. O Lord, the king shall rejoice in your strength; and in your salvation he shall greatly exult.

2 Inu mwayipatsa zokhumba za mtima wake ndipo simunayimane zopempha za pa milomo yake. (Sela)

You have granted him the desire of his soul, and have not withheld from him the request of his lips. (Pause)

3 Inu munayilandira ndi madalitso ochuluka ndipo munayiveka chipewa chaufumu chagolide weniweni pa mutu wake.

For you have prevented him with blessings of goodness: you has set upon his head a crown of precious stone.

4 Iye anakupemphani moyo, ndipo munamupatsa masiku ochuluka kwamuyaya.

He asked life of you, and you gave him length of days for ever and ever.

5 Kudzera mʼzigonjetso zimene munapereka, ulemerero wake ndi waukulu; Inu mwapereka pa iyo ulemerero ndi ufumu.

His glory is great in your salvation: you will crown him with glory and majesty.

6 Zoonadi Inu mwayipatsa madalitso amuyaya, Inu mwayipatsa chisangalalo ndi chimwemwe chimene chili pamaso panu.

For you will give him a blessing for ever and ever: you will gladden him with joy with your countenance.

7 Pakuti mfumu imadalira Yehova; kudzera mʼchikondi chake chosatha cha Wammwambamwamba, iyo sidzagwedezeka.

For the king trusts in the Lord, and through the mercy of the Highest he shall not be moved.

8 Dzanja lanu lidzayimitsa adani anu onse; dzanja lanu lamanja lidzagwira adani anu.

Let your hand be found by all your enemies: let your right hand find all that hate you.

9 Pa nthawi ya kuonekera kwanu mudzawasandutsa ngʼanjo yamoto yotentha. Mu ukali wake Yehova adzawameza, ndipo moto wake udzawatha.

You shall make them as a fiery oven at the time of your presence: the Lord shall trouble them in his anger, and fire shall devour them.

10 Inu mudzawononga ana awo pa dziko lapansi, zidzukulu zawo pakati pa anthu.

You shall destroy their fruit from the earth, and their seed from [among] the sons of men.

11 Ngakhale iwo akukonzereni chiwembu mwa kuchenjera kwawo sadzapambana;

For they intended evils against you; they imagined a device which they shall by no means be able to perform.

12 pakuti mudzawapirikitsa ndipo adzaonetsa misana yawo pamene mudzawaloza ndi mivi yanu.

For you shall make them [turn their] back in your latter end, you will prepare their face.

13 Mukwezeke Inu Yehova mʼmphamvu yanu, ife tidzayimba nyimbo ndi kutamanda mphamvu yanu.

Be you exalted, O Lord, in your strength: we will sing and praise your mighty acts.