Masalimo 17
1 Pemphero la Davide. Imvani Inu Yehova pempho langa lachilungamo; mverani kulira kwanga. Tcherani khutu kuti mumve pemphero langa popeza silikuchokera pakamwa pachinyengo.
| תפלה לדוד שמעה יהוה צדק-- הקשיבה רנתי האזינה תפלתי בלא שפתי מרמה |
2 Kusalakwa kwanga kuchokera kwa inu; maso anu aone chimene ndi cholungama.
| מלפניך משפטי יצא עיניך תחזינה מישרים |
3 Ngakhale Inu mutafufuza mtima wanga ndi kundisanthula usiku, ngakhale mutandiyesa, simudzapeza kanthu; Ine ndatsimikiza kuti pakamwa panga sipadzachimwa.
| בחנת לבי פקדת לילה-- צרפתני בל-תמצא זמתי בל-יעבר-פי |
4 Kunena za ntchito za anthu, monga mwa mawu a pakamwa panu, Ine ndadzisunga ndekha posatsata njira zachiwawa.
| לפעלות אדם בדבר שפתיך-- אני שמרתי ארחות פריץ |
5 Mayendedwe anga akhazikika pa njira zanu; mapazi anga sanaterereke.
| תמך אשרי במעגלותיך בל-נמוטו פעמי |
6 Ine ndikuyitana Inu, Mulungu wanga, pakuti mudzandiyankha; tcherani khutu lanu kwa ine ndipo mumve pemphero langa.
| אני-קראתיך כי-תענני אל הט-אזנך לי שמע אמרתי |
7 Onetsani kudabwitsa kwa chikondi chanu chachikulu, Inu amene mumapulumutsa ndi dzanja lanu lamanja iwo amene amathawira kwa inu kuchoka kwa adani awo.
| הפלה חסדיך מושיע חוסים-- ממתקוממים בימינך |
8 Mundisunge ine ngati mwanadiso; mundibise mu mthunzi wa mapiko anu,
| שמרני כאישון בת-עין בצל כנפיך תסתירני |
9 kuchoka kwa oyipa amene amandizinga ine, kuchoka kwa anthu amene ndi adani anga, amene andizungulira ine.
| מפני רשעים זו שדוני איבי בנפש יקיפו עלי |
10 Iwo amatseka mitima yawo yopanda chifundo, ndi pakamwa pawo amayankhula modzitamandira.
| חלבמו סגרו פימו דברו בגאות |
11 Andisaka, tsopano andizungulira ndi maso awo atcheru, kuti andigwetse pansi.
| אשרינו עתה סבבוני (סבבונו) עיניהם ישיתו לנטות בארץ |
12 Iwo ali ngati mkango wofuna nyama; ngati mkango waukulu wokhala mobisala.
| דמינו--כאריה יכסוף לטרף וככפיר ישב במסתרים |
13 Dzukani Yehova, mulimbane nawo ndipo muwagwetse pansi; landitseni kuchoka kwa oyipa ndi lupanga lanu.
| קומה יהוה-- קדמה פניו הכריעהו פלטה נפשי מרשע חרבך |
14 Inu Yehova, pulumutseni ndi dzanja lanu kwa anthu otere, kwa anthu a dziko lino amene mphotho yawo ili mʼmoyo uno. Inu mumaletsa njala kwa amene asangalatsidwa nanu; ana awo aamuna ali ndi zinthu zambiri, ndipo iwo amasunga chuma cha ana awo.
| ממתים ידך יהוה ממתים מחלד-- חלקם בחיים וצפינך (וצפונך) תמלא בטנם ישבעו בנים-- והניחו יתרם לעולליהם |
15 Ndipo ine mʼchilungamo ndidzaona nkhope yanu; pamene ndidzadzuka, ndidzakondwera kwambiri poonana nanu.
| אני--בצדק אחזה פניך אשבעה בהקיץ תמונתך |
