Masalimo 120

1 Nyimbo yoyimba pokwera ku Yerusalemu. Ndimafuwulira kwa Yehova mʼmasautso anga, ndipo Iye amandiyankha.

שיר המעלות אל יהוה בצרתה לי קראתי ויענני׃

2 Pulumutseni Yehova ku milomo yabodza, ndi kwa anthu achinyengo.

יהוה הצילה נפשי משפת שקר מלשון רמיה׃

3 Kodi adzakuchitani chiyani, ndipo adzawonjezerapo zotani, inu anthu achinyengo?

מה יתן לך ומה יסיף לך לשון רמיה׃

4 Adzakulangani ndi mivi yakuthwa ya munthu wankhondo, ndi makala oyaka a mtengo wa tsanya.

חצי גבור שנונים עם גחלי רתמים׃

5 Tsoka ine kuti ndimakhala ku Mesaki, kuti ndimakhala pakati pa matenti a ku Kedara!

אויה לי כי גרתי משך שכנתי עם אהלי קדר׃

6 Kwa nthawi yayitali ndakhala pakati pa iwo amene amadana ndi mtendere.

רבת שכנה לה נפשי עם שונא שלום׃

7 Ine ndine munthu wamtendere; koma ndikamayankhula, iwo amafuna nkhondo.

אני שלום וכי אדבר המה למלחמה׃