Masalimo 119
1 Odala ndi amene moyo wawo ulibe cholakwa, amene amayenda monga mwa malamulo a Yehova.
| אשרי תמימי-דרך-- ההלכים בתורת יהוה |
2 Odala ndi amene amasunga malamulo ake, amene amafunafuna Iyeyo ndi mtima wawo wonse.
| אשרי נצרי עדתיו בכל-לב ידרשוהו |
3 Sachita cholakwa chilichonse; amayenda mʼnjira zake.
| אף לא-פעלו עולה בדרכיו הלכו |
4 Inu mwapereka malangizo ndipo ayenera kutsatidwa kwathunthu.
| אתה צויתה פקדיך-- לשמר מאד |
5 Aa! Ndikanakonda njira zanga zikanakhala zokhazikika pa kumvera zophunzitsa zanu!
| אחלי יכנו דרכי-- לשמר חקיך |
6 Pamenepo ine sindikanachititsidwa manyazi, poganizira malamulo anu onse.
| אז לא-אבוש-- בהביטי אל-כל-מצותיך |
7 Ndidzakutamandani ndi mtima wolungama, pamene ndikuphunzira malamulo anu olungama.
| אודך בישר לבב-- בלמדי משפטי צדקך |
8 Ndidzamvera zophunzitsa zanu; musanditaye kwathunthu.
| את-חקיך אשמר אל-תעזבני עד-מאד |
9 Kodi mnyamata angathe bwanji kuyeretsa mayendedwe ake? Akawasamala potsata mawu anu.
| במה יזכה-נער את-ארחו-- לשמר כדברך |
10 Ndimakufunafunani ndi mtima wanga wonse; musalole kuti ndisochere kuchoka pa malamulo anu.
| בכל-לבי דרשתיך אל-תשגני ממצותיך |
11 Ndasunga mawu anu mu mtima mwanga kuti ndisakuchimwireni.
| בלבי צפנתי אמרתך-- למען לא אחטא-לך |
12 Mutamandike Inu Yehova; phunzitseni malamulo anu.
| ברוך אתה יהוה-- למדני חקיך |
13 Ndi milomo yanga ndimafotokoza malamulo anu onse amene amachokera pakamwa panu.
| בשפתי ספרתי-- כל משפטי-פיך |
14 Ndimakondwera potsatira malamulo anu monga momwe munthu amakondwera akakhala ndi chuma chambiri.
| בדרך עדותיך ששתי-- כעל כל-הון |
15 Ndimalingalira malangizo anu ndipo ndimaganizira njira zanu.
| בפקודיך אשיחה ואביטה ארחתיך |
16 Ndimakondwera ndi malamulo anu; sindidzayiwala konse mawu anu.
| בחקתיך אשתעשע לא אשכח דברך |
17 Chitirani zokoma mtumiki wanu, ndipo ndidzakhala ndi moyo; kuti tsono ndisunge mawu anu.
| גמל על-עבדך אחיה ואשמרה דברך |
18 Tsekulani maso anga kuti ndithe kuona zinthu zodabwitsa mʼmalamulo anu.
| גל-עיני ואביטה-- נפלאות מתורתך |
19 Ine ndine mlendo pa dziko lapansi; musandibisire malamulo anu.
| גר אנכי בארץ אל-תסתר ממני מצותיך |
20 Moyo wanga wafowoka polakalaka malamulo anu nthawi zonse.
| גרסה נפשי לתאבה-- אל-משפטיך בכל-עת |
21 Inu mumadzudzula onyada, otembereredwa, amene achoka pa malamulo anu.
| גערת זדים ארורים-- השגים ממצותיך |
22 Mundichotsere chitonzo ndi mnyozo pakuti ndimasunga malamulo anu.
| גל מעלי חרפה ובוז כי עדתיך נצרתי |
23 Ngakhale mafumu akhale pamodzi kundinyoza, mtumiki wanu adzalingalirabe zophunzitsa zanu.
| גם ישבו שרים בי נדברו-- עבדך ישיח בחקיך |
24 Malamulo anu amandikondweretsa; ndiwo amene amandilangiza.
| גם-עדתיך שעשעי-- אנשי עצתי |
25 Moyo wanga wakangamira fumbi; tsitsimutseni molingana ndi mawu anu.
| דבקה לעפר נפשי חיני כדברך |
26 Ndinafotokoza njira zanga ndipo Inu munandiyankha; phunzitseni malamulo anu.
| דרכי ספרתי ותענני למדני חקיך |
27 Mundidziwitse chiphunzitso cha malangizo anu; pamenepo ndidzalingalira zodabwitsa zanu.
| דרך-פקודיך הבינני ואשיחה בנפלאותיך |
28 Moyo wanga wafowoka ndi chisoni; limbikitseni monga mwa mawu anu.
| דלפה נפשי מתוגה קימני כדברך |
29 Mundichotse mʼnjira zachinyengo; mundikomere mtima pondiphunzitsa malamulo anu.
| דרך-שקר הסר ממני ותורתך חנני |
30 Ndasankha njira ya choonadi; ndayika malamulo anu pa mtima panga.
| דרך-אמונה בחרתי משפטיך שויתי |
31 Ndagwiritsitsa umboni wanu, Inu Yehova; musalole kuti ndichititsidwe manyazi.
| דבקתי בעדותיך יהוה אל-תבישני |
32 Ndimathamanga mʼnjira ya malamulo anu, pakuti Inu mwamasula mtima wanga.
| דרך-מצותיך ארוץ כי תרחיב לבי |
33 Yehova, phunzitseni kutsatira zophunzitsa zanu; ndipo ndidzazisunga mpaka kumapeto.
| הורני יהוה דרך חקיך ואצרנה עקב |
34 Mundipatse mtima womvetsa zinthu ndipo ndidzasunga malamulo anu ndi kuwamvera ndi mtima wanga wonse.
| הבינני ואצרה תורתך ואשמרנה בכל-לב |
35 Munditsogolere mʼnjira ya malamulo anu, pakuti mʼmenemo ndimapezamo chikondwerero changa.
| הדריכני בנתיב מצותיך כי-בו חפצתי |
36 Tembenuzani mtima wanga kuti uzikonda malamulo anu, osati chuma.
| הט-לבי אל-עדותיך ואל אל-בצע |
37 Tembenuzani maso anga kuchoka ku zinthu zachabechabe; sungani moyo wanga monga mwa mawu anu.
| העבר עיני מראות שוא בדרכך חיני |
38 Kwaniritsani lonjezo lanu kwa mtumiki wanu, kuti Inu muopedwe.
| הקם לעבדך אמרתך-- אשר ליראתך |
39 Mundichotsere chipongwe chimene ndikuchiopa, pakuti malamulo anu ndi abwino.
| העבר חרפתי אשר יגרתי כי משפטיך טובים |
40 Taonani, ndimalakalakatu malangizo anu! Sungani moyo wanga mʼchilungamo chanu.
| הנה תאבתי לפקדיך בצדקתך חיני |
41 Chikondi chanu chosasinthika chibwere kwa ine, Inu Yehova, chipulumutso chanu monga mwa lonjezo lanu;
| ויבאני חסדך יהוה תשועתך כאמרתך |
42 ndipo ndidzayankha amene amandinyoza, popeza ndimadalira mawu anu.
| ואענה חרפי דבר כי-בטחתי בדברך |
43 Musakwatule mawu a choonadi mʼkamwa mwanga, pakuti ndakhazikitsa chiyembekezo changa mʼmalamulo anu.
| ואל-תצל מפי דבר-אמת עד-מאד כי למשפטך יחלתי |
44 Ndidzasunga malamulo anu nthawi zonse, ku nthawi za nthawi.
| ואשמרה תורתך תמיד-- לעולם ועד |
45 Ndidzayendayenda mwaufulu, chifukwa ndinafunafuna malangizo anu.
| ואתהלכה ברחבה כי פקדיך דרשתי |
46 Ndidzayankhula za umboni wanu pamaso pa mfumu ndipo sindidzachititsidwa manyazi,
| ואדברה בעדתיך נגד מלכים ולא אבוש |
47 popeza ndimakondwera ndi malamulo anu chifukwa ndimawakonda.
| ואשתעשע במצותיך אשר אהבתי |
48 Ndikweza manja anga ku malamulo anu, ku malamulo amene ndimawakonda, ndipo ndimalingalira malangizo anu.
| ואשא-כפי--אל-מצותיך אשר אהבתי ואשיחה בחקיך |
49 Kumbukirani mawu anu kwa mtumiki wanu, popeza mwandipatsa chiyembekezo.
| זכר-דבר לעבדך-- על אשר יחלתני |
50 Chitonthozo changa pa masautso anga ndi ichi: lonjezo lanu limasunga moyo wanga.
| זאת נחמתי בעניי כי אמרתך חיתני |
51 Odzikuza amandinyoza popanda chowaletsa, koma sindichoka pa malamulo anu.
| זדים הליצני עד-מאד מתורתך לא נטיתי |
52 Ndimakumbukira malamulo anu Yehova akalekale, ndipo mwa iwo ndimapeza chitonthozo.
| זכרתי משפטיך מעולם יהוה ואתנחם |
53 Ndayipidwa kwambiri chifukwa cha oyipa amene ataya malamulo anu.
| זלעפה אחזתני מרשעים-- עזבי תורתך |
54 Zophunzitsa zanu ndi mitu ya nyimbo yanga kulikonse kumene ndigonako.
| זמרות היו-לי חקיך-- בבית מגורי |
55 Usiku ndimakumbukira dzina lanu Yehova, ndipo ndidzasunga malamulo anu.
| זכרתי בלילה שמך יהוה ואשמרה תורתך |
56 Ichi ndicho ndakhala ndikuchita: ndimasunga malangizo anu.
| זאת היתה-לי כי פקדיך נצרתי |
57 Yehova, Inu ndiye gawo langa; ndalonjeza kumvera mawu anu.
| חלקי יהוה אמרתי-- לשמר דבריך |
58 Ndimafunafuna nkhope yanu ndi mtima wanga wonse; mundikomere mtima monga mwa lonjezo lanu.
| חליתי פניך בכל-לב חנני כאמרתך |
59 Ndinalingalira za njira zanga ndipo ndatembenuza mayendedwe anga kutsatira umboni wanu.
| חשבתי דרכי ואשיבה רגלי אל-עדתיך |
60 Ndidzafulumira ndipo sindidzazengereza kumvera malamulo anu.
| חשתי ולא התמהמהתי-- לשמר מצותיך |
61 Ngakhale oyipa andimange ndi zingwe, sindidzayiwala lamulo lanu.
| חבלי רשעים עודני תורתך לא שכחתי |
62 Ndimadzuka pakati pa usiku kuyamika Inu chifukwa cha malamulo anu olungama.
| חצות-לילה--אקום להודות לך על משפטי צדקך |
63 Ine ndine bwenzi la onse amene amakukondani, kwa onse amene amatsatira malangizo anu.
| חבר אני לכל-אשר יראוך ולשמרי פקודיך |
64 Dziko lapansi ladzaza ndi chikondi chanu chosasinthika, phunzitseni malamulo anu.
| חסדך יהוה מלאה הארץ חקיך למדני |
65 Inu Yehova, chitirani chabwino mtumiki wanu molingana ndi mawu anu.
| טוב עשית עם-עבדך-- יהוה כדברך |
66 Phunzitseni nzeru ndi chiweruzo chabwino, pakuti ndimakhulupirira malamulo anu.
| טוב טעם ודעת למדני כי במצותיך האמנתי |
67 Ndisanayambe kuzunzika ndinasochera, koma tsopano ndimamvera mawu anu.
| טרם אענה אני שגג ועתה אמרתך שמרתי |
68 Inu ndinu abwino ndipo zimene mumachita ndi zabwino; phunzitseni malamulo anu.
| טוב-אתה ומטיב למדני חקיך |
69 Ngakhale odzikuza andipaka mabodza, ine ndimasunga malangizo anu ndi mtima wanga wonse.
| טפלו עלי שקר זדים אני בכל-לב אצר פקודיך |
70 Mitima yawo ndi yowuma ndi yosakhudzidwa, koma ine ndimakondwera ndi malamulo anu.
| טפש כחלב לבם אני תורתך שעשעתי |
71 Ndi bwino kuti ndinasautsidwa kuti ndithe kuphunzira malamulo anu.
| טוב-לי כי-עניתי-- למען אלמד חקיך |
72 Lamulo lochokera mʼkamwa mwanu limandikomera kwambiri kuposa ndalama zambirimbiri za siliva ndi golide.
| טוב-לי תורת-פיך-- מאלפי זהב וכסף |
73 Manja anu anandilenga ndi kundiwumba; patseni nzeru zomvetsa zinthu kuti ndiphunzire malamulo anu.
| ידיך עשוני ויכוננוני הבינני ואלמדה מצותיך |
74 Iwo amene amakuopani akondwere akandiona, chifukwa chiyembekezo changa chili mʼmawu anu.
| יראיך יראוני וישמחו כי לדברך יחלתי |
75 Ine ndikudziwa, Inu Yehova, kuti malamulo anu ndi olungama ndipo mwandizunza chifukwa cha kukhulupirika kwanu.
| ידעתי יהוה כי-צדק משפטיך ואמונה עניתני |
76 Chikondi chanu chosasinthika chikhale chitonthozo changa, molingana ndi lonjezo lanu kwa mtumiki wanu.
| יהי-נא חסדך לנחמני-- כאמרתך לעבדך |
77 Chifundo chanu chindifikire kuti ndikhale ndi moyo, popeza malamulo anu ndiye chikondwerero changa.
| יבאוני רחמיך ואחיה כי-תורתך שעשעי |
78 Odzikuza achititsidwe manyazi chifukwa cha kundilakwira popanda chifukwa; koma ine ndidzalingalira malangizo anu.
| יבשו זדים כי-שקר עותוני אני אשיח בפקודיך |
79 Iwo amene amakuopani atembenukire kwa ine, iwo amene amamvetsetsa umboni wanu.
| ישובו לי יראיך וידעו (וידעי) עדתיך |
80 Mtima wanga ukhale wopanda cholakwa pa chiphunzitso chanu kuti ndisachititsidwe manyazi.
| יהי-לבי תמים בחקיך-- למען לא אבוש |
81 Moyo wanga wafowoka ndi kufunafuna chipulumutso chanu, koma chiyembekezo changa chili mʼmawu anu.
| כלתה לתשועתך נפשי לדברך יחלתי |
82 Maso anga alefuka pofunafuna lonjezo lanu; Ine ndikuti, “Kodi mudzanditonthoza liti?”
| כלו עיני לאמרתך-- לאמר מתי תנחמני |
83 Ngakhale ndili ngati thumba lachikopa la vinyo pa utsi sindiyiwala zophunzitsa zanu.
| כי-הייתי כנאד בקיטור-- חקיך לא שכחתי |
84 Kodi mtumiki wanu ayenera kudikira mpaka liti? Kodi mudzawalanga liti amene amandizunza?
| כמה ימי-עבדך מתי תעשה ברדפי משפט |
85 Anthu osalabadira za Mulungu, odzikuza amandikumbira dzenje motsutsana ndi malamulo anu.
| כרו-לי זדים שיחות-- אשר לא כתורתך |
86 Malamulo anu onse ndi odalirika; thandizeni, pakuti anthu akundizunza popanda chifukwa.
| כל-מצותיך אמונה שקר רדפוני עזרני |
87 Iwo anatsala pangʼono kundichotsa pa dziko lapansi koma sindinataye malangizo anu.
| כמעט כלוני בארץ ואני לא-עזבתי פקדיך |
88 Sungani moyo wanga molingana ndi chikondi chanu chosasinthika, ndipo ndidzamvera umboni wa pakamwa panu.
| כחסדך חיני ואשמרה עדות פיך |
89 Mawu anu Yehova ndi amuyaya; akhazikika kumwambako.
| לעולם יהוה-- דברך נצב בשמים |
90 Kukhulupirika kwanu kumakhala mpaka ku mibado yonse; Inu munakhazikitsa dziko lapansi ndipo lilipobe.
| לדר ודר אמונתך כוננת ארץ ותעמד |
91 Malamulo anu alipobe mpaka lero lino, pakuti zinthu zonse zimatumikira Inu.
| למשפטיך עמדו היום כי הכל עבדיך |
92 Malamulo anu akanapanda kukhala chikondwerero changa, ndikanawonongeka mʼmasautso anga.
| לולי תורתך שעשעי-- אז אבדתי בעניי |
93 Ine sindidzayiwala konse malangizo anu, pakuti ndi malangizo anuwo munasunga moyo wanga.
| לעולם לא-אשכח פקודיך כי בם חייתני |
94 Ndine wanu, ndipulumutseni; pakuti ndasamala malangizo anu.
| לך-אני הושיעני כי פקודיך דרשתי |
95 Anthu oyipa akudikira kuti andiwononge, koma ndidzalingalira umboni wanu.
| לי קוו רשעים לאבדני עדתיך אתבונן |
96 Ndadziwa kuti zinthu zonse zili ndi malire, koma malamulo anu alibe malire konse.
| לכל-תכלה ראיתי קץ רחבה מצותך מאד |
97 Ndithu, ine ndimakonda malamulo anu! Ndimalingaliramo tsiku lonse.
| מה-אהבתי תורתך כל-היום היא שיחתי |
98 Malamulo anu amachititsa kuti ndikhale wanzeru kuposa adani anga, popeza malamulowo ali ndi ine nthawi zonse.
| מאיבי תחכמני מצותך כי לעולם היא-לי |
99 Ndimamvetsa zinthu kwambiri kuposa aphunzitsi anga onse popeza ndimalingalira umboni wanu.
| מכל-מלמדי השכלתי כי עדותיך שיחה לי |
100 Ndili ndi nzeru zochuluka zomvetsera zinthu kuposa anthu okalamba, popeza ndimamvera malangizo anu.
| מזקנים אתבונן כי פקודיך נצרתי |
101 Ndimaletsa miyendo yanga kuyenda mʼnjira iliyonse yoyipa kuti ndithe kumvera mawu anu.
| מכל-ארח רע כלאתי רגלי-- למען אשמר דברך |
102 Sindinapatuke kuchoka pa malamulo anu, pakuti Inu mwini munandiphunzitsa.
| ממשפטיך לא-סרתי כי-אתה הורתני |
103 Mawu anu ndi otsekemera ndikawalawa, otsekemera kuposa uchi mʼkamwa mwanga!
| מה-נמלצו לחכי אמרתך-- מדבש לפי |
104 Ndimapeza nzeru zodziwira zinthu kuchokera mʼmalangizo anu; kotero ndimadana ndi njira iliyonse yoyipa.
| מפקודיך אתבונן על כן שנאתי כל-ארח שקר |
105 Mawu anu ndi nyale ya kumapazi kwanga ndi kuwunika kwa pa njira yanga.
| נר-לרגלי דברך ואור לנתיבתי |
106 Ndalumbira ndipo ndatsimikiza, kuti ndidzatsatira malamulo anu olungama.
| נשבעתי ואקימה-- לשמר משפטי צדקך |
107 Ndazunzika kwambiri; Inu Yehova, sungani moyo wanga molingana ndi mawu anu.
| נעניתי עד-מאד יהוה חיני כדברך |
108 Inu Yehova, landirani matamando aufulu ochokera pakamwa panga, ndipo ndiphunzitseni malamulo anu.
| נדבות פי רצה-נא יהוה ומשפטיך למדני |
109 Ngakhale moyo wanga umakhala mʼzoopsa nthawi ndi nthawi, sindidzayiwala malamulo anu.
| נפשי בכפי תמיד ותורתך לא שכחתי |
110 Anthu oyipa anditchera msampha, koma sindinasochere kuchoka pa malangizo anu.
| נתנו רשעים פח לי ומפקודיך לא תעיתי |
111 Umboni wanu ndiye cholowa changa kwamuyaya; Iwo ndiye chimwemwe cha mtima wanga.
| נחלתי עדותיך לעולם כי-ששון לבי המה |
112 Mtima wanga wakhazikika pa kusunga zophunzitsa zanu mpaka kumapeto kwenikweni.
| נטיתי לבי לעשות חקיך-- לעולם עקב |
113 Ndimadana ndi anthu apawiripawiri, koma ndimakonda malamulo anu.
| סעפים שנאתי ותורתך אהבתי |
114 Inu ndinu pothawirapo panga ndi chishango changa; chiyembekezo changa chili mʼmawu anu.
| סתרי ומגני אתה לדברך יחלתי |
115 Chokani kwa ine, inu anthu ochita zoyipa, kuti ndisunge malamulo a Mulungu wanga!
| סורו-ממני מרעים ואצרה מצות אלהי |
116 Mundichirikize molingana ndi lonjezo lanu, ndipo ndidzakhala ndi moyo; musalole kuti chiyembekezo changa chipite pachabe.
| סמכני כאמרתך ואחיה ואל-תבישני משברי |
117 Gwirizizeni, ndipo ndidzapulumutsidwa; nthawi zonse ndidzasamalira zophunzitsa zanu.
| סעדני ואושעה ואשעה בחקיך תמיד |
118 Inu mumakana onse amene amasochera kuchoka pa zophunzitsa zanu, pakuti chinyengo chawo ndi chopanda phindu.
| סלית כל-שוגים מחקיך כי-שקר תרמיתם |
119 Anthu onse oyipa a pa dziko lapansi mumawayesa ngati zinthu zakudzala; nʼchifukwa chake ndimakonda umboni wanu.
| סגים--השבת כל-רשעי-ארץ לכן אהבתי עדתיך |
120 Thupi langa limanjenjemera chifukwa cha kuopa Inu; ndimachita mantha ndi malamulo anu.
| סמר מפחדך בשרי וממשפטיך יראתי |
121 Ndachita zolungama ndi zabwino; musandisiye mʼmanja mwa ondizunza.
| עשיתי משפט וצדק בל-תניחני לעשקי |
122 Onetsetsani kuti mtumiki wanu akukhala bwino, musalole kuti anthu odzikuza andipondereze.
| ערב עבדך לטוב אל-יעשקני זדים |
123 Maso anga alefuka, kufunafuna chipulumutso chanu, kufunafuna lonjezo lanu lolungama.
| עיני כלו לישועתך ולאמרת צדקך |
124 Muchite naye mtumiki wanu molingana ndi chikondi chanu chosasinthika, ndipo mundiphunzitse malamulo anu.
| עשה עם-עבדך כחסדך וחקיך למדני |
125 Ine ndine mtumiki wanu; patseni mzimu wondizindikiritsa, kuti ndimvetsetse umboni wanu.
| עבדך-אני הבינני ואדעה עדתיך |
126 Yehova, ndi nthawi yoti muchitepo kanthu; malamulo anu akuswedwa.
| עת לעשות ליהוה-- הפרו תורתך |
127 Chifukwa choti ndimakonda malamulo anu kuposa golide, kuposa golide woyengeka bwino,
| על-כן אהבתי מצותיך-- מזהב ומפז |
128 ndiponso chifukwa choti ndimaona kuti malangizo anu onse ndi wowongoka, ndimadana ndi njira iliyonse yoyipa.
| על-כן כל-פקודי כל ישרתי כל-ארח שקר שנאתי |
129 Maumboni anu ndi odabwitsa nʼchifukwa chake ndimawamvera.
| פלאות עדותיך על-כן נצרתם נפשי |
130 Mawu anu akamaphunzitsidwa amapereka kuwunika; ngakhale anthu wamba amamvetsetsa.
| פתח דבריך יאיר מבין פתיים |
131 Ndimatsekula pakamwa panga ndi kupuma wefuwefu, kufunafuna malamulo anu.
| פי-פערתי ואשאפה כי למצותיך יאבתי |
132 Tembenukirani kwa ine ndipo mundichitire chifundo, monga mumachitira nthawi zonse kwa iwo amene amakonda dzina lanu.
| פנה-אלי וחנני-- כמשפט לאהבי שמך |
133 Tsogolerani mayendedwe anga molingana ndi mawu anu; musalole kuti tchimo lizindilamulira.
| פעמי הכן באמרתך ואל-תשלט-בי כל-און |
134 Ndiwomboleni mʼdzanja la anthu ondizunza, kuti ndithe kumvera malangizo anu.
| פדני מעשק אדם ואשמרה פקודיך |
135 Nkhope yanu iwalire mtumiki wanu ndipo mundiphunzitse malamulo anu.
| פניך האר בעבדך ולמדני את-חקיך |
136 Mitsinje ya misozi ikuyenda kuchoka mʼmaso mwanga, chifukwa anthu sakumvera malamulo anu.
| פלגי-מים ירדו עיני-- על לא-שמרו תורתך |
137 Yehova ndinu wolungama, ndipo malamulo anu ndi abwino.
| צדיק אתה יהוה וישר משפטיך |
138 Maumboni amene munatipatsa ndi olungama; ndi odalirika ndithu.
| צוית צדק עדתיך ואמונה מאד |
139 Ndikusautsidwa kwambiri mʼkati mwanga chifukwa adani anu amanyalanyaza mawu anu.
| צמתתני קנאתי כי-שכחו דבריך צרי |
140 Mawu anu ndi woyera kwambiri nʼchifukwa chake mtumiki wanune ndimawakonda.
| צרופה אמרתך מאד ועבדך אהבה |
141 Ngakhale ndili wamngʼono ndi wonyozeka, sindiyiwala malangizo anu.
| צעיר אנכי ונבזה פקדיך לא שכחתי |
142 Chilungamo chanu nʼchamuyaya, ndipo malamulo anu nʼchoona.
| צדקתך צדק לעולם ותורתך אמת |
143 Mavuto ndi masautso zandigwera, koma ndimakondwera ndi malamulo anu.
| צר-ומצוק מצאוני מצותיך שעשעי |
144 Umboni wanu ndi wabwino nthawi zonse; patseni nzeru zomvetsa zinthu kuti ine ndikhale ndi moyo.
| צדק עדותיך לעולם הבינני ואחיה |
145 Ndimayitana ndi mtima wanga wonse; ndiyankheni Inu Yehova, ndipo ndidzamvera zophunzitsa zanu.
| קראתי בכל-לב ענני יהוה חקיך אצרה |
146 Ndikuyitana kwa Inu; pulumutseni ndipo ndidzasunga umboni wanu.
| קראתיך הושיעני ואשמרה עדתיך |
147 Ndimadzuka tambala asanalire kuti ndipemphe thandizo; chiyembekezo changa chili mʼmawu anu.
| קדמתי בנשף ואשועה לדבריך (לדברך) יחלתי |
148 Maso anga amakhala chipenyere nthawi yonse ya usiku, kuti ndithe kulingalira malonjezo anu.
| קדמו עיני אשמרות-- לשיח באמרתך |
149 Imvani mawu anga molingana ndi chikondi chanu chosasinthika; Yehova sungani moyo wanga, molingana ndi malamulo anu.
| קולי שמעה כחסדך יהוה כמשפטך חיני |
150 Iwo amene amakonza njira zoyipa andiyandikira, koma ali kutali ndi malamulo anu.
| קרבו רדפי זמה מתורתך רחקו |
151 Koma Inu Yehova muli pafupi, malamulo anu onse ndi woona.
| קרוב אתה יהוה וכל-מצותיך אמת |
152 Ndinaphunzira kalekale kuchokera mʼmaumboni anu kuti maumboni amene munakhazikitsawo ndi amuyaya.
| קדם ידעתי מעדתיך כי לעולם יסדתם |
153 Yangʼanani masautso anga ndipo mundipulumutse, pakuti sindinayiwale malamulo anu.
| ראה-עניי וחלצני כי-תורתך לא שכחתי |
154 Mundiyimirire pa mlandu wanga ndi kundiwombola; sungani moyo wanga molingana ndi lonjezo lanu.
| ריבה ריבי וגאלני לאמרתך חיני |
155 Chipulumutso chili kutali ndi anthu oyipa, pakuti iwowo safunafuna zophunzitsa zanu.
| רחוק מרשעים ישועה כי חקיך לא דרשו |
156 Chifundo chanu Yehova nʼchachikulu; sungani moyo wanga molingana ndi malamulo anu.
| רחמיך רבים יהוה כמשפטיך חיני |
157 Adani amene akundizunza ndi ambiri, koma ine sindinatembenuke kuchoka pa umboni wanu.
| רבים רדפי וצרי מעדותיך לא נטיתי |
158 Ndimawayangʼana monyansidwa anthu opanda chikhulupiriro, popeza samvera mawu anu.
| ראיתי בגדים ואתקוטטה-- אשר אמרתך לא שמרו |
159 Onani momwe ndimakondera malangizo anu; sungani moyo wanga, Inu Yehova, molingana ndi chikondi chanu chosanthika.
| ראה כי-פקודיך אהבתי יהוה כחסדך חיני |
160 Mawu anu onse ndi owona; malamulo anu onse olungama ndi amuyaya.
| ראש-דברך אמת ולעולם כל-משפט צדקך |
161 Olamulira amandizunza popanda chifukwa, koma mtima wanga umanjenjemera ndi mawu anu.
| שרים רדפוני חנם ומדבריך (ומדברך) פחד לבי |
162 Ine ndimakondwa ndi lonjezo lanu, ngati munthu amene wapeza chuma chambiri.
| שש אנכי על-אמרתך-- כמוצא שלל רב |
163 Ndimadana ndi chinyengo, kwambiri ndimanyansidwa nacho, koma ndimakonda malamulo anu.
| שקר שנאתי ואתעבה תורתך אהבתי |
164 Ndimakutamandani kasanu ndi kawiri pa tsiku pakuti malamulo anu ndi olungama.
| שבע ביום הללתיך-- על משפטי צדקך |
165 Amene amakonda malamulo anu ali ndi mtendere waukulu, ndipo palibe chimene chingawapunthwitse
| שלום רב לאהבי תורתך ואין-למו מכשול |
166 Ndikudikira chipulumutso chanu, Inu Yehova, ndipo ndimatsatira malamulo anu.
| שברתי לישועתך יהוה ומצותיך עשיתי |
167 Ndimamvera umboni wanu pakuti ndimawukonda kwambiri.
| שמרה נפשי עדתיך ואהבם מאד |
168 Ndimamvera malangizo anu ndi umboni wanu, pakuti njira zanga zonse ndi zodziwika pamaso panu.
| שמרתי פקודיך ועדתיך כי כל-דרכי נגדך |
169 Kulira kwanga kufike pamaso panu Yehova; patseni nzeru zomvetsa zinthu molingana ndi mawu anu.
| תקרב רנתי לפניך יהוה כדברך הבינני |
170 Kupempha kwanga kufike pamaso panu; pulumutseni molingana ndi lonjezo lanu.
| תבוא תחנתי לפניך כאמרתך הצילני |
171 Matamando asefukire pa milomo yanga, pakuti Inu mumandiphunzitsa malamulo anu.
| תבענה שפתי תהלה כי תלמדני חקיך |
172 Lilime langa liyimbe mawu anu, popeza malamulo anu onse ndi olungama.
| תען לשוני אמרתך כי כל-מצותיך צדק |
173 Dzanja lanu likhale lokonzeka kundithandiza pakuti ndasankha malangizo anu.
| תהי-ידך לעזרני כי פקודיך בחרתי |
174 Ndikufunitsitsa chipulumutso chanu Yehova, ndipo ndimakondwera ndi malamulo anu.
| תאבתי לישועתך יהוה ותורתך שעשעי |
175 Loleni kuti ndikhale ndi moyo kuti ndikutamandeni, ndipo malamulo anu andichirikize.
| תחי-נפשי ותהללך ומשפטך יעזרני |
176 Ndasochera ngati nkhosa yotayika, funafunani mtumiki wanu, pakuti sindinayiwale malamulo anu.
| תעיתי-- כשה אבד בקש עבדך כי מצותיך לא שכחתי |
