Masalimo 116

1 Ndimakonda Yehova pakuti Iyeyo amamva mawu anga; Iye amamva kulira kwanga kopempha chifundo.

I love Jehovah, for he hath heard my voice [and] my supplications;

2 Pakuti ananditchera khutu, ndidzayitana Iye masiku onse a moyo wanga.

For he hath inclined his ear unto me, and I will call upon him during [all] my days.

3 Zingwe za imfa zinandizinga, zoopsa za ku dziko la anthu akufa zinandigwera; ndinapeza mavuto ndi chisoni. (Sheol h7585)

The bands of death encompassed me, and the anguish of Sheol took hold of me; I found trouble and sorrow: (Sheol h7585)

4 Pamenepo ndinayitana dzina la Yehova: “Inu Yehova, pulumutseni!”

Then called I upon the name of Jehovah: I beseech thee, Jehovah, deliver my soul.

5 Yehova ndi wokoma mtima ndi wolungama Mulungu wathu ndi wodzaza ndi chifundo.

Gracious is Jehovah and righteous; and our God is merciful.

6 Yehova amateteza munthu wodzichepetsa mtima; pamene ndinali ndi chosowa chachikulu, Iye anandipulumutsa.

Jehovah keepeth the simple: I was brought low, and he saved me.

7 Pumula iwe moyo wanga, pakuti Yehova wakuchitira zokoma.

Return unto thy rest, O my soul; for Jehovah hath dealt bountifully with thee.

8 Pakuti Inu Yehova mwapulumutsa moyo wanga ku imfa, maso anga ku misozi, mapazi anga kuti angapunthwe,

For thou hast delivered my soul from death, mine eyes from tears, my feet from falling.

9 kuti ine ndiyende pamaso pa Yehova mʼdziko la anthu amoyo.

I will walk before Jehovah in the land of the living.

10 Ine ndinakhulupirira; choncho ndinati, “Ndasautsidwa kwambiri.”

I believed, therefore have I spoken. As for me, I was greatly afflicted.

11 Ndipo ndili mʼnkhawa yanga ndinati, “Anthu onse ndi abodza.”

I said in my haste, All men are liars.

12 Ndingamubwezere chiyani Yehova, chifukwa cha zokoma zake zonse zimene wandichitira?

What shall I render unto Jehovah, [for] all his benefits toward me?

13 Ndidzakweza chikho cha chipulumutso ndipo ndidzayitana dzina la Yehova.

I will take the cup of salvation, and call upon the name of Jehovah.

14 Ndidzakwaniritsa malonjezo anga kwa Yehova pamaso pa anthu ake onse.

I will perform my vows unto Jehovah, yea, before all his people.

15 Imfa ya anthu oyera mtima ndi yamtengowapatali pamaso pa Yehova.

Precious in the sight of Jehovah is the death of his saints.

16 Inu Yehova, zoonadi ndine mtumiki wanu: ndine mtumiki wanu, mwana wa mdzakazi wanu; Inu mwamasula maunyolo anga.

Yea, Jehovah! for I am thy servant; I am thy servant, the son of thy handmaid: thou hast loosed my bonds.

17 Ndidzapereka nsembe yachiyamiko kwa Inu ndipo ndidzayitanira pa dzina la Yehova.

I will offer to thee the sacrifice of thanksgiving, and will call upon the name of Jehovah.

18 Ndidzakwaniritsa malonjezo anga kwa Yehova pamaso pa anthu ake onse,

I will perform my vows unto Jehovah, yea, before all his people,

19 mʼmabwalo a nyumba ya Yehova, mʼkati mwako iwe Yerusalemu. Tamandani Yehova.

In the courts of Jehovah's house, in the midst of thee, O Jerusalem. Hallelujah!