Masalimo 111

1 Tamandani Yehova. Ndidzathokoza Yehova ndi mtima wanga wonse mʼbwalo la anthu olungama mtima ndi pa msonkhano.

Praise Yahweh. I will give thanks to Yahweh with my whole heart in the assembly of the upright, in their gathering.

2 Ntchito za Yehova nʼzazikulu; onse amene amakondwera nazo amazilingalira.

The works of Yahweh are great, eagerly awaited by all those who desire them.

3 Zochita zake ndi za ulemerero ndi zaufumu, ndipo chilungamo chake ndi chosatha.

His work is majestic and glorious, and his righteousness endures forever.

4 Iye wachititsa kuti zodabwitsa zake zikumbukirike; Yehova ndi wokoma mtima ndi wachifundo.

He does wonderful things that will be remembered; Yahweh is gracious and merciful.

5 Amapereka chakudya kwa amene amamuopa Iye; amakumbukira pangano lake kwamuyaya.

He gives food to his faithful followers. He will always call to mind his covenant.

6 Waonetsa anthu ake mphamvu ya ntchito zake, kuwapatsa mayiko a anthu a mitundu ina.

He showed his powerful works to his people in giving them the inheritance of the nations.

7 Ntchito za manja ake ndi zokhulupirika ndi zolungama; malangizo ake onse ndi odalirika.

The works of his hands are trustworthy and just; all his instructions are reliable.

8 Malamulo ndi okhazikika ku nthawi za nthawi, ochitidwa mokhulupirika ndi molungama.

They are established forever, to be observed faithfully and properly.

9 Iyeyo amawombola anthu ake; anakhazikitsa pangano lake kwamuyaya dzina lake ndi loyera ndi loopsa.

He gave victory to his people; he ordained his covenant forever; holy and awesome is his name.

10 Kuopa Yehova ndicho chiyambi cha nzeru; onse amene amatsatira malangizo ake amamvetsa bwino zinthu. Iye ndi wotamandika mpaka muyaya.

To honor Yahweh is the beginning of wisdom; those who carry out his instructions have good understanding. His praise endures forever.