Masalimo 103
1 Salimo la Davide. Tamanda Yehova, iwe moyo wanga; ndi zonse zamʼkati mwanga zitamande dzina lake loyera.
| לדוד ברכי נפשי את-יהוה וכל-קרבי את-שם קדשו |
2 Tamanda Yehova, iwe moyo wanga, ndipo usayiwale zabwino zake zonse.
| ברכי נפשי את-יהוה ואל-תשכחי כל-גמוליו |
3 Amene amakhululuka machimo ako onse ndi kuchiritsa nthenda zako zonse,
| הסלח לכל-עונכי הרפא לכל-תחלואיכי |
4 amene awombola moyo wako ku dzenje ndi kukuveka chikondi ndi chifundo chake ngati chipewa chaufumu,
| הגואל משחת חייכי המעטרכי חסד ורחמים |
5 amene akwaniritsa zokhumba zako ndi zinthu zabwino, kotero kuti umakhala wamphamvu zatsopano ngati mphungu.
| המשביע בטוב עדיך תתחדש כנשר נעוריכי |
6 Yehova amachita chilungamo ndipo amaweruza molungama onse opsinjika.
| עשה צדקות יהוה ומשפטים לכל-עשוקים |
7 Iye anadziwitsa Mose njira zake, ntchito zake kwa Aisraeli.
| יודיע דרכיו למשה לבני ישראל עלילותיו |
8 Yehova ndi wachifundo ndi wokoma mtima, wosakwiya msanga ndi wachikondi chochuluka.
| רחום וחנון יהוה ארך אפים ורב-חסד |
9 Iye sadzatsutsa nthawi zonse, kapena kusunga mkwiyo wake kwamuyaya;
| לא-לנצח יריב ולא לעולם יטור |
10 satichitira molingana ndi machimo athu, kapena kutibwezera molingana ndi mphulupulu zathu.
| לא כחטאינו עשה לנו ולא כעונתינו גמל עלינו |
11 Pakuti monga kumwamba kuli kutali ndi dziko lapansi, koteronso chikondi chake nʼchachikulu kwa iwo amene amamuopa;
| כי כגבה שמים על-הארץ-- גבר חסדו על-יראיו |
12 monga kummawa kutalikirana ndi kumadzulo, koteronso Iye watichotsera mphulupulu zathu kuti zikhale kutali nafe.
| כרחק מזרח ממערב-- הרחיק ממנו את-פשעינו |
13 Monga bambo amachitira chifundo ana ake, choncho Yehova ali ndi chifundo ndi iwo amene amamuopa;
| כרחם אב על-בנים-- רחם יהוה על-יראיו |
14 pakuti Iye amadziwa momwe tinawumbidwira, amakumbukira kuti ndife fumbi.
| כי-הוא ידע יצרנו זכור כי-עפר אנחנו |
15 Kunena za munthu, masiku ake ali ngati udzu, amaphuka ngati duwa la mʼmunda;
| אנוש כחציר ימיו כציץ השדה כן יציץ |
16 koma mphepo imawombapo ndipo silionekanso ndipo malo ake sakumbukirikanso.
| כי רוח עברה-בו ואיננו ולא-יכירנו עוד מקומו |
17 Koma kuchokera muyaya mpaka muyaya chikondi cha Yehova chili ndi iwo amene amamuopa, ndi chilungamo chake chili ndi ana a ana awo;
| וחסד יהוה מעולם ועד-עולם-- על-יראיו וצדקתו לבני בנים |
18 iwo amene amasunga pangano lake ndi kukumbukira kumvera malangizo ake.
| לשמרי בריתו ולזכרי פקדיו לעשותם |
19 Yehova wakhazikitsa mpando wake waufumu mmwamba ndipo ufumu wake umalamulira onse.
| יהוה--בשמים הכין כסאו ומלכותו בכל משלה |
20 Tamandani Yehova, inu angelo ake, amphamvu inu amene mumachita zimene amalamula, amene mumamvera mawu ake.
| ברכו יהוה מלאכיו גברי כח עשי דברו לשמע בקול דברו |
21 Tamandani Yehova, zolengedwa zonse zakumwamba, inu atumiki ake amene mumachita chifuniro chake.
| ברכו יהוה כל-צבאיו-- משרתיו עשי רצונו |
22 Tamandani Yehova, ntchito yake yonse kulikonse mu ulamuliro wake. Tamanda Yehova, iwe moyo wanga.
| ברכו יהוה כל-מעשיו-- בכל-מקמות ממשלתו ברכי נפשי את-יהוה |
