Masalimo 102
1 Pemphero la munthu wosautsidwa, pamene walefuka, nakhuthulira pamaso pa Yehova kulira kwakeko. Yehova imvani pemphero langa; kulira kwanga kopempha thandizo kufike kwa Inu.
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Musandibisire nkhope yanu pamene ndili pa msautso. Munditcherere khutu; pamene ndiyitana ndiyankheni msanga.
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Pakuti masiku anga akupita ngati utsi; mafupa anga akunyeka ngati nkhuni zoyaka.
| כי כלו בעשן ימי ועצמותי כמו קד נחרו׃ |
4 Mtima wanga wakanthidwa ndipo ukufota ngati udzu; ndipo ndimayiwala kudya chakudya changa.
| הוכה כעשב ויבש לבי כי שכחתי מאכל לחמי׃ |
5 Chifukwa cha kubuwula kwanga kofuwula ndatsala chikopa ndi mafupa okhaokha.
| מקול אנחתי דבקה עצמי לבשרי׃ |
6 Ndili ngati kadzidzi wa ku chipululu, monga kadzidzi pakati pa mabwinja.
| דמיתי לקאת מדבר הייתי ככוס חרבות׃ |
7 Ndimagona osapeza tulo; ndakhala ngati mbalame yokhala yokha pa denga.
| שקדתי ואהיה כצפור בודד על גג׃ |
8 Tsiku lonse adani anga amandichita chipongwe; iwo amene amandinyoza, amagwiritsa ntchito dzina langa ngati temberero.
| כל היום חרפוני אויבי מהוללי בי נשבעו׃ |
9 Pakuti ndimadya phulusa ngati chakudya changa ndi kusakaniza chakumwa changa ndi misozi
| כי אפר כלחם אכלתי ושקוי בבכי מסכתי׃ |
10 chifukwa cha ukali wanu waukulu, popeza Inu mwandinyamula ndi kunditayira kumbali.
| מפני זעמך וקצפך כי נשאתני ותשליכני׃ |
11 Masiku anga ali ngati mthunzi wa kumadzulo; Ine ndikufota ngati udzu.
| ימי כצל נטוי ואני כעשב איבש׃ |
12 Koma Inu Yehova, muli pa mpando wanu waufumu kwamuyaya; kudziwika kwanu ndi kokhazikika ku mibado yonse.
| ואתה יהוה לעולם תשב וזכרך לדר ודר׃ |
13 Inu mudzadzuka ndi kuchitira chifundo Ziyoni pakuti ndi nthawi yoti muonetse kukoma mtima kwanu pa iyeyo; nthawi yoyikika yafika.
| אתה תקום תרחם ציון כי עת לחננה כי בא מועד׃ |
14 Pakuti miyala yake ndi yokondedwa kwa atumiki anu; fumbi lake lokha limawachititsa kuti amve chisoni.
| כי רצו עבדיך את אבניה ואת עפרה יחננו׃ |
15 Mitundu ya anthu idzaopa dzina la Yehova, mafumu onse a dziko lapansi adzalemekeza ulemerero wanu.
| וייראו גוים את שם יהוה וכל מלכי הארץ את כבודך׃ |
16 Pakuti Yehova adzamanganso Ziyoni ndi kuonekera mu ulemerero wake.
| כי בנה יהוה ציון נראה בכבודו׃ |
17 Iye adzayankha pemphero la anthu otayika; sadzanyoza kupempha kwawo.
| פנה אל תפלת הערער ולא בזה את תפלתם׃ |
18 Zimenezi zilembedwe chifukwa cha mibado ya mʼtsogolo, kuti anthu amene sanabadwe adzatamande Yehova:
| תכתב זאת לדור אחרון ועם נברא יהלל יה׃ |
19 “Yehova anayangʼana pansi kuchokera ku malo ake opatulika mmwamba, kuchokera kumwamba anayangʼana dziko lapansi,
| כי השקיף ממרום קדשו יהוה משמים אל ארץ הביט׃ |
20 kuti amve kubuwula kwa anthu a mʼndende, kuti apulumutse amene anayenera kuphedwa.”
| לשמע אנקת אסיר לפתח בני תמותה׃ |
21 Kotero dzina la Yehova lidzalengezedwa mu Ziyoni ndi matamando ake mu Yerusalemu,
| לספר בציון שם יהוה ותהלתו בירושלם׃ |
22 pamene mitundu ya anthu ndi maufumu adzasonkhana kuti alambire Yehova.
| בהקבץ עמים יחדו וממלכות לעבד את יהוה׃ |
23 Iye anathyola mphamvu zanga pa nthawi ya moyo wanga; Iyeyo anafupikitsa masiku anga.
| ענה בדרך כחו קצר ימי׃ |
24 Choncho Ine ndinati: “Musandichotse, Inu Mulungu wanga, pakati pa masiku a moyo wanga; zaka zanu zimakhalabe pa mibado yonse.
| אמר אלי אל תעלני בחצי ימי בדור דורים שנותיך׃ |
25 Pachiyambi Inu munakhazikitsa maziko a dziko lapansi ndipo mayiko akumwamba ndi ntchito ya manja anu.
| לפנים הארץ יסדת ומעשה ידיך שמים׃ |
26 Izi zidzatha, koma Inu mudzakhalapo; zidzatha ngati chovala. Mudzazisintha ngati chovala ndipo zidzatayidwa.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Koma Inu simusintha, ndipo zaka zanu sizidzatha.
| ואתה הוא ושנותיך לא יתמו׃ |
28 Ana a atumiki anu adzakhala pamaso panu; zidzukulu zawo zidzakhazikika pamaso panu.”
| בני עבדיך ישכונו וזרעם לפניך יכון׃ |
