Masalimo 101

1 Salimo la Davide. Ndidzayimba za chikondi ndi chiweruzo chanu cholungama; kwa Inu Yehova ndidzayimba matamando.

A Psalm of David. I will sing of Your loving devotion and justice; to You, O LORD, I will sing praises.

2 Ndidzatsata njira yolungama; nanga mudzabwera liti kwa ine? Ndidzayenda mʼnyumba mwanga ndi mtima wosalakwa.

I will ponder the way that is blameless— when will You come to me? I will walk in my house with integrity of heart.

3 Sindidzayika chinthu chilichonse choyipa pamaso panga. Ine ndimadana ndi zochita za anthu opanda chikhulupiriro; iwo sadzadziphatika kwa ine.

I will set no worthless thing before my eyes. I hate the work of those who fall away; it shall not cling to me.

4 Anthu a mtima wokhota adzakhala kutali ndi ine; ine sindidzalola choyipa chilichonse kulowa mwa ine.

A perverse heart shall depart from me; I will know nothing of evil.

5 Aliyense wosinjirira mnansi wake mseri ameneyo ndidzamuletsa; aliyense amene ali ndi maso amwano ndi mtima wodzikuza, ameneyo sindidzamulekerera.

Whoever slanders his neighbor in secret, I will put to silence; the one with haughty eyes and a proud heart, I will not endure.

6 Maso anga adzakhala pa okhulupirika mʼdziko, kuti akhale pamodzi ndi ine; iye amene mayendedwe ake ndi wosalakwa adzanditumikira.

My eyes favor the faithful of the land, that they may dwell with me; he who walks in the way of integrity shall minister to me.

7 Aliyense wochita chinyengo sadzakhala mʼnyumba mwanga. Aliyense woyankhula mwachinyengo sadzayima pamaso panga.

No one who practices deceit shall dwell in my house; no one who tells lies shall stand in my presence.

8 Mmawa uliwonse ndidzatontholetsa anthu onse oyipa mʼdziko; ndidzachotsa aliyense wochita zoyipa mu mzinda wa Yehova.

Every morning I will remove all the wicked of the land, that I may cut off every evildoer from the city of the LORD.