Miyambo 31
1 Nawa mawu a mfumu Lemueli wa ku Massa amene anamuphunzitsa amayi ake:
| דברי למואל מלך-- משא אשר-יסרתו אמו |
2 Nʼchiyani mwana wanga? Nʼchiyani mwana wa mʼmimba mwanga? Nʼchiyani iwe mwana wanga amene ndinachita kupempha ndi malumbiro?
| מה-ברי ומה-בר-בטני ומה בר-נדרי |
3 Usapereke mphamvu yako kwa akazi. Usamayenda nawo amenewa popeza amawononga ngakhale mafumu.
| אל-תתן לנשים חילך ודרכיך למחות מלכין |
4 Iwe Lemueli si choyenera kwa mafumu, mafumu sayenera kumwa vinyo. Olamulira asamalakalake chakumwa choledzeretsa
| אל למלכים למואל--אל למלכים שתו-יין ולרוזנים או (אי) שכר |
5 kuopa kuti akamwa adzayiwala malamulo a dziko, nayamba kukhotetsa zinthu zoyenera anthu osauka.
| פן-ישתה וישכח מחקק וישנה דין כל-בני-עני |
6 Perekani chakumwa choledzeretsa kwa amene ali pafupi kufa, vinyo kwa amene ali pa mavuto woopsa;
| תנו-שכר לאובד ויין למרי נפש |
7 amwe kuti ayiwale umphawi wawo asakumbukirenso kuvutika kwawo.
| ישתה וישכח רישו ועמלו לא יזכר-עוד |
8 Yankhula mʼmalo mwa amene sangathe kudziyankhulira okha. Uwayankhulire anthu onse osiyidwa pa zonse zowayenera.
| פתח-פיך לאלם אל-דין כל-בני חלוף |
9 Yankhula ndi kuweruza mwachilungamo. Uwateteze amphawi ndi osauka.
| פתח-פיך שפט-צדק ודין עני ואביון |
10 Kodi mkazi wangwiro angathe kumupeza ndani? Ndi wokwera mtengo kuposa miyala yamtengowapatali.
| אשת-חיל מי ימצא ורחק מפנינים מכרה |
11 Mtima wa mwamuna wake umamukhulupirira ndipo mwamunayo sasowa phindu.
| בטח בה לב בעלה ושלל לא יחסר |
12 Masiku onse a moyo wake mkaziyo amachitira mwamuna wake zabwino zokhazokha osati zoyipa.
| גמלתהו טוב ולא-רע-- כל ימי חייה |
13 Iye amafunafuna ubweya ndi thonje; amagwira ntchito ndi manja ake mwaufulu.
| דרשה צמר ופשתים ותעש בחפץ כפיה |
14 Iye ali ngati sitima zapamadzi za anthu amalonda, amakatenga chakudya chake kutali.
| היתה כאניות סוחר ממרחק תביא לחמה |
15 Iye amadzuka kusanache kwenikweni; ndi kuyamba kukonzera a pa banja pake chakudya ndi kuwagawira ntchito atsikana ake antchito.
| ותקם בעוד לילה--ותתן טרף לביתה וחק לנערתיה |
16 Iye amalingalira za munda ndi kuwugula; ndi ndalama zimene wazipeza amalima munda wamphesa.
| זממה שדה ותקחהו מפרי כפיה נטע (נטעה) כרם |
17 Iye amavala zilimbe nagwira ntchito mwamphamvu ndi manja ake.
| חגרה בעוז מתניה ותאמץ זרועתיה |
18 Iye amaona kuti malonda ake ndi aphindu, choncho nyale yake sizima usiku wonse.
| טעמה כי-טוב סחרה לא-יכבה בליל (בלילה) נרה |
19 Iye amadzilukira thonje ndipo yekha amagwira chowombera nsalu.
| ידיה שלחה בכישור וכפיה תמכו פלך |
20 Iye amachitira chifundo anthu osauka ndipo amapereka chithandizo kwa anthu osowa.
| כפה פרשה לעני וידיה שלחה לאביון |
21 Iye saopa kuti banja lake lifa ndi kuzizira pa nyengo yachisanu; pakuti onse amakhala atavala zovala zofunda.
| לא-תירא לביתה משלג כי כל-ביתה לבש שנים |
22 Iye amadzipangira yekha zoyala pa bedi pake; amavala zovala zabafuta ndi zapepo.
| מרבדים עשתה-לה שש וארגמן לבושה |
23 Mwamuna wake ndi wodziwika pa chipata cha mzinda, ndipo amakhala pakati pa akuluakulu a mʼdzikomo.
| נודע בשערים בעלה בשבתו עם-זקני-ארץ |
24 Iye amasoka nsalu zabafuta nazigulitsa; amaperekanso mipango kwa anthu amalonda.
| סדין עשתה ותמכר וחגור נתנה לכנעני |
25 Mphamvu ndi ulemu zimakhala ngati chovala chake; ndipo amaseka osaopa zamʼtsogolo.
| עז-והדר לבושה ותשחק ליום אחרון |
26 Iye amayankhula mwanzeru, amaphunzitsa anthu mwachikondi.
| פיה פתחה בחכמה ותורת חסד על-לשונה |
27 Iye amayangʼanira makhalidwe a anthu a pa banja lake ndipo sachita ulesi ndi pangʼono pomwe.
| צופיה הילכות (הליכות) ביתה ולחם עצלות לא תאכל |
28 Ana ake amamunyadira ndipo amamutcha kuti wodala; ndipo mwamuna wake, amamuyamikira nʼkumati,
| קמו בניה ויאשרוה בעלה ויהללה |
29 “Pali akazi ambiri amene achita zinthu zopambana koma iwe umawaposa onsewa.”
| רבות בנות עשו חיל ואת עלית על-כלנה |
30 Nkhope yachikoka ndi yonyenga, ndipo kukongola nʼkosakhalitsa; koma mkazi amene amaopa Yehova ayenera kutamandidwa.
| שקר החן והבל היפי אשה יראת-יהוה היא תתהלל |
31 Mupatseni mphotho chifukwa cha zimene iye wachita ndipo ntchito zake zimutamande ku mabwalo.
| תנו-לה מפרי ידיה ויהללוה בשערים מעשיה |
