Miyambo 16
1 Zolinga za mu mtima ndi za munthu, koma kwa Yehova ndiye kumachokera yankho.
| לאדם מערכי לב ומיהוה מענה לשון׃ |
2 Zochita zonse za munthu zimaoneka zabwino pamaso pake, koma Yehova ndiye amasanthula zolinga zako.
| כל דרכי איש זך בעיניו ותכן רוחות יהוה׃ |
3 Pereka ntchito zako zonse mʼmanja mwa Yehova, ndipo zolinga zako zidzachitikadi.
| גל אל יהוה מעשיך ויכנו מחשבתיך׃ |
4 Yehova amachita zonse ndi cholinga chake, ngakhale anthu oyipa kuti aone tsiku latsoka.
| כל פעל יהוה למענהו וגם רשע ליום רעה׃ |
5 Munthu aliyense wodzikuza amamunyansa Yehova. Koma dziwani izi: Iwo sadzakhala osalangidwa.
| תועבת יהוה כל גבה לב יד ליד לא ינקה׃ |
6 Chifukwa cha chikondi chosasinthika ndi kukhulupirika, munthu amakhululukidwa machimo ake; chifukwa cha kuopa Yehova munthu amapewa zoyipa.
| בחסד ואמת יכפר עון וביראת יהוה סור מרע׃ |
7 Pamene makhalidwe a munthu akondweretsa Yehova, ngakhale adani ake amakhala naye mwa mtendere.
| ברצות יהוה דרכי איש גם אויביו ישלם אתו׃ |
8 Kuli bwino kukhala ndi zinthu pangʼono zozipeza mwachilungamo, kusiyana ndi kukhala ndi zinthu zambiri zozipeza popanda chilungamo.
| טוב מעט בצדקה מרב תבואות בלא משפט׃ |
9 Mtima wa munthu umalingalira zochita, koma Yehova ndiye amakhazikitsa njira zake.
| לב אדם יחשב דרכו ויהוה יכין צעדו׃ |
10 Mawu a mfumu ali ngati mawu ochokera kwa Mulungu; ndipo pakamwa pake sipalakwa poweruza mlandu.
| קסם על שפתי מלך במשפט לא ימעל פיו׃ |
11 Miyeso ndi masikelo achilungamo zimachokera kwa Yehova; miyala yonse yoyesera ya mʼthumba anayipanga ndi Yehova.
| פלס ומאזני משפט ליהוה מעשהו כל אבני כיס׃ |
12 Kuchita zoyipa kumanyansa mafumu, pakuti chilungamo ndiye maziko a ufumu wake.
| תועבת מלכים עשות רשע כי בצדקה יכון כסא׃ |
13 Mawu owona amakondweretsa mfumu. Iyo imakonda munthu woyankhula choonadi.
| רצון מלכים שפתי צדק ודבר ישרים יאהב׃ |
14 Ukali wa mfumu ndi mthenga wa imfa, koma munthu wanzeru amawupepesa ukaliwo.
| חמת מלך מלאכי מות ואיש חכם יכפרנה׃ |
15 Kuwala kwa nkhope ya mfumu kumapatsa moyo; ndipo kukoma mtima kwake kuli ngati mitambo ya mvula nthawi ya chilimwe.
| באור פני מלך חיים ורצונו כעב מלקוש׃ |
16 Nʼkwabwino kwambiri kupeza nzeru kupambana golide. Kukhala womvetsa bwino zinthu nʼkwabwino kupambana ndi kukhala ndi siliva.
| קנה חכמה מה טוב מחרוץ וקנות בינה נבחר מכסף׃ |
17 Msewu wa munthu wowongoka mtima umapewa zoyipa; wopenyetsetsa kumene akupita amasunga moyo wake.
| מסלת ישרים סור מרע שמר נפשו נצר דרכו׃ |
18 Kunyada kumafikitsa ku chiwonongeko, ndipo munthu wodzikuza adzagwa.
| לפני שבר גאון ולפני כשלון גבה רוח׃ |
19 Nʼkwabwino kukhala ndi mtima wodzichepetsa pakati pa anthu oponderezedwa, kusiyana ndi kugawana zolanda ndi anthu onyada.
| טוב שפל רוח את עניים מחלק שלל את גאים׃ |
20 Munthu womvera malangizo zinthu zimamuyendera bwino, ndipo wodala ndi amene amadalira Yehova.
| משכיל על דבר ימצא טוב ובוטח ביהוה אשריו׃ |
21 A mtima wanzeru amatchedwa ozindikira zinthu, ndipo mawu ake okoma amawonjezera nzeru.
| לחכם לב יקרא נבון ומתק שפתים יסיף לקח׃ |
22 Kumvetsa zinthu ndi kasupe wa moyo kwa iwo amene ali nako, koma uchitsiru umabweretsa chilango kwa zitsiru.
| מקור חיים שכל בעליו ומוסר אולים אולת׃ |
23 Mtima wanzeru umathandiza munthu kuyankhula mwa nzeru, ndipo mawu ake amawonjezera nzeru.
| לב חכם ישכיל פיהו ועל שפתיו יסיף לקח׃ |
24 Mawu okometsera ali ngati chisa cha njuchi, amakoma mu mtima ndipo amalimbitsa thupi.
| צוף דבש אמרי נעם מתוק לנפש ומרפא לעצם׃ |
25 Pali njira ina yooneka ngati yowongoka kwa munthu koma kumatsiriziro kwake ndi imfa.
| יש דרך ישר לפני איש ואחריתה דרכי מות׃ |
26 Njala ya munthu wantchito imamuthandiza kulimbikira; njalayo imamukakamiza kuchitapo kanthu.
| נפש עמל עמלה לו כי אכף עליו פיהו׃ |
27 Munthu wopanda pake amakonzekera kuchita zoyipa ndipo mawu ake ali ngati moto wopsereza.
| איש בליעל כרה רעה ועל שפתיו כאש צרבת׃ |
28 Munthu woyipa mtima amayambitsa mikangano, ndipo miseche imalekanitsa anthu okondana kwambiri.
| איש תהפכות ישלח מדון ונרגן מפריד אלוף׃ |
29 Munthu wandewu amakopa mnansi wake, ndipo amamuyendetsa njira imene si yabwino.
| איש חמס יפתה רעהו והוליכו בדרך לא טוב׃ |
30 Amene amatsinzinira maso ake amalingalira zinthu zokhota; amene amachita msunamo amakonzeka kuchita zoyipa.
| עצה עיניו לחשב תהפכות קרץ שפתיו כלה רעה׃ |
31 Imvi zili ngati chipewa chaufumu chaulemerero; munthu amazipeza akakhala moyo wolungama.
| עטרת תפארת שיבה בדרך צדקה תמצא׃ |
32 Munthu wosapsa mtima msanga amaposa munthu wankhondo, munthu wowugwira mtima wake amaposa amene amalanda mzinda.
| טוב ארך אפים מגבור ומשל ברוחו מלכד עיר׃ |
33 Maere amaponyedwa pa mfunga, koma ndiye Yehova amene amalongosola zonse.
| בחיק יוטל את הגורל ומיהוה כל משפטו׃ |
