Miyambo 12
1 Munthu amene amakonda mwambo amakonda kudziwa zinthu, koma amene amadana ndi chidzudzulo ndi wopusa.
Whoever loves discipline loves knowledge, but he who hates correction is stupid.
2 Munthu wabwino amapeza kuyanja pamaso pa Yehova, koma Yehova amatsutsa munthu wochita chinyengo.
The good man obtains favor from the LORD, but the LORD condemns a man who devises evil.
3 Munthu sangakhazikike bwino pochita zoyipa, koma maziko a anthu olungama sadzatekeseka.
A man cannot be established through wickedness, but the righteous cannot be uprooted.
4 Mkazi wakhalidwe labwino ali ngati chipewa chaufumu kwa mwamuna wake, koma mkazi wochititsa manyazi ali ngati chilonda cha mafinya kwa mwamuna wake.
A wife of noble character is her husband’s crown, but she who causes shame is like decay in his bones.
5 Maganizo a anthu olungama ndi owongoka, koma malangizo a anthu oyipa ndi achinyengo.
The plans of the righteous are just, but the counsel of the wicked leads to deceit.
6 Mawu a anthu oyipa ndi ophetsa, koma mawu a anthu olungama amapulumutsa.
The words of the wicked lie in wait for blood, but the speech of the upright rescues them.
7 Anthu oyipa amagonjetsedwa ndipo amayiwalika, koma nyumba ya anthu olungama idzakhalabe.
The wicked are overthrown and perish, but the house of the righteous will stand.
8 Munthu amatamandidwa malinga ndi nzeru zake, koma anthu amitima yokhota amanyozedwa.
A man is praised according to his wisdom, but a twisted mind is despised.
9 Nʼkwabwino kukhala munthu wonyozeka koma wodzigwirira ntchito nʼkukhala ndi zonse zofunika, kuposa kukhala wodzikuza koma ulibe ndi chakudya chomwe.
Better to be lightly esteemed yet have a servant, than to be self-important but lack food.
10 Munthu wolungama amasamalira moyo wa ziweto zake, koma chifundo cha munthu woyipa ndi chakhanza.
A righteous man regards the life of his animal, but the tender mercies of the wicked are only cruelty.
11 Wolima mʼmunda mwake mwakhama adzakhala ndi chakudya chochuluka, koma wotsata zopanda pake alibe nzeru.
The one who works his land will have plenty of food, but whoever chases fantasies lacks judgment.
12 Munthu woyipa amalakalaka zofunkha za anthu oyipa, koma mizu ya anthu olungama imabereka zipatso.
The wicked desire the plunder of evil men, but the root of the righteous flourishes.
13 Munthu woyipa amakodwa mu msampha wa mayankhulidwe ake oyipa; koma munthu wolungama amatuluka mʼmavuto.
An evil man is trapped by his rebellious speech, but a righteous man escapes from trouble.
14 Munthu amakhala ndi zabwino zambiri chifukwa cha mawu ake ndipo ntchito zimene munthu agwira ndi manja ake zimamupindulira.
By fruitful speech a man is filled with good things, and the work of his hands returns to him.
15 Zochita za chitsiru mwini wakeyo amaziona ngati zabwino, koma munthu wanzeru amamvera malangizo.
The way of a fool is right in his own eyes, but a wise man listens to counsel.
16 Mkwiyo wa chitsiru umadziwika nthawi yomweyo, koma munthu wanzeru sasamala kunyozedwa.
A fool’s anger is known at once, but a prudent man overlooks an insult.
17 Woyankhula zoona amapereka umboni woona, koma mboni yabodza imafotokoza zonama.
He who speaks the truth declares what is right, but a false witness speaks deceit.
18 Munthu woyankhula mosasamala mawu ake amalasa ngati lupanga, koma mawu a munthu wanzeru amachiritsa.
Speaking rashly is like a piercing sword, but the tongue of the wise brings healing.
19 Mawu woona amakhala mpaka muyaya koma mawu abodza sakhalitsa.
Truthful lips endure forever, but a lying tongue lasts only a moment.
20 Mʼmitima ya anthu amene amakonza zoyipa muli chinyengo; koma anthu olimbikitsa za mtendere amakhala ndi chimwemwe.
Deceit is in the hearts of those who devise evil, but the counselors of peace have joy.
21 Palibe choyipa chimene chimagwera munthu wolungama, koma munthu woyipa mavuto samuthera.
No harm befalls the righteous, but the wicked are filled with trouble.
22 Pakamwa pa bodza pamamunyansa Yehova, koma amakondwera ndi anthu oyankhula zoona.
Lying lips are detestable to the LORD, but those who deal faithfully are His delight.
23 Munthu wochenjera amabisa nzeru zake, koma munthu wopusa amaonetsa uchitsiru wake poyera.
A shrewd man keeps his knowledge to himself, but a foolish heart proclaims its folly.
24 Ogwira ntchito mwakhama adzalamulira, koma aulesi adzakhala ngati kapolo.
The hand of the diligent will rule, but laziness ends in forced labor.
25 Nkhawa imakhala ngati katundu wolemera mu mtima mwa munthu, koma mawu abwino amamusangalatsa.
Anxiety weighs down the heart of a man, but a good word cheers it up.
26 Munthu wolungama amatsogolera mnansi wake, koma ntchito za anthu oyipa zimawasocheretsa.
A righteous man is cautious in friendship, but the ways of the wicked lead them astray.
27 Munthu waulesi sapeza chimene akufuna, koma munthu wakhama amapeza chuma chamtengo wapatali.
A lazy man does not roast his game, but a diligent man prizes his possession.
28 Mʼnjira yachilungamo muli moyo; koma njira ya munthu woyipa imafikitsa ku imfa.
There is life in the path of righteousness, but another path leads to death.
