Miyambo 11
1 Muyeso wachinyengo Yehova umamunyansa, koma amakondwera ndi muyeso woyenera.
| מאזני מרמה תועבת יהוה ואבן שלמה רצונו |
2 Kunyada kukalowa, pamafikanso manyazi, koma pamene pali kudzichepetsa pameneponso pali nzeru.
| בא-זדון ויבא קלון ואת-צנועים חכמה |
3 Ungwiro wa anthu olungama umawatsogolera, koma anthu osakhulupirika amawonongeka ndi chinyengo chawo.
| תמת ישרים תנחם וסלף בגדים ושדם (ישדם) |
4 Chuma sichithandiza pa tsiku lawukali wa Mulungu, koma chilungamo chimapulumutsa ku imfa.
| לא-יועיל הון ביום עברה וצדקה תציל ממות |
5 Chilungamo cha anthu angwiro chimawongolera moyo wawo, koma ntchito zoyipa zimagwetsa mwini wake yemweyo.
| צדקת תמים תישר דרכו וברשעתו יפל רשע |
6 Chilungamo cha anthu oyera mtima chimawapulumutsa, koma anthu onyenga adzagwidwa ndi zilakolako zawo zomwe.
| צדקת ישרים תצילם ובהות בגדים ילכדו |
7 Pamene munthu woyipa wafa, chiyembekezo chake chimathanso. Chiyembekezo cha munthu wosalungama chimawonongeka.
| במות אדם רשע תאבד תקוה ותוחלת אונים אבדה |
8 Munthu wolungama amapulumutsidwa ku mavuto, koma mʼmalo mwake amagwa mʼmavutomo ndi anthu oyipa.
| צדיק מצרה נחלץ ויבא רשע תחתיו |
9 Munthu wosapembedza amawononga mnansi wake ndi pakamwa pake, koma munthu wolungama amapulumuka chifukwa cha kudziwa zinthu.
| בפה--חנף ישחת רעהו ובדעת צדיקים יחלצו |
10 Anthu olungama zinthu zikamawayendera bwino, mzinda wonse umakondwera, ndipo oyipa akamawonongeka anthu amafuwula mwachimwemwe.
| בטוב צדיקים תעלץ קריה ובאבד רשעים רנה |
11 Mzinda umakwezeka chifukwa cha madalitso a anthu oyera mtima, koma umawonongedwa chifukwa cha pakamwa pa anthu oyipa.
| בברכת ישרים תרום קרת ובפי רשעים תהרס |
12 Munthu wonyoza mnzake ndi wopanda nzeru, koma munthu wanzeru zomvetsa zinthu amakhala chete.
| בז-לרעהו חסר-לב ואיש תבונות יחריש |
13 Amene amanka nachita ukazitape amawulula zinsinsi; koma munthu wokhulupirika amasunga pakamwa pake.
| הולך רכיל מגלה-סוד ונאמן-רוח מכסה דבר |
14 Pakasoweka uphungu mtundu wa anthu umagwa; koma pakakhala aphungu ambiri pamakhalanso chipulumutso.
| באין תחבלות יפל-עם ותשועה ברב יועץ |
15 Woperekera mlendo chikole adzapeza mavuto, koma wodana ndi za chikole amakhala pa mtendere.
| רע-ירוע כי-ערב זר ושנא תקעים בוטח |
16 Mkazi wodekha amalandira ulemu, koma amuna ankhanza amangopata chuma.
| אשת-חן תתמך כבוד ועריצים יתמכו-עשר |
17 Munthu wachifundo amadzipindulira zabwino koma munthu wankhanza amadzibweretsera mavuto.
| גמל נפשו איש חסד ועכר שארו אכזרי |
18 Munthu woyipa amalandira malipiro wopanda phindu, koma wochita chilungamo amakolola mphotho yeniyeni.
| רשע--עשה פעלת-שקר וזרע צדקה שכר אמת |
19 Munthu wochita za chilungamo amapeza moyo, koma wothamangira zoyipa adzafa.
| כן-צדקה לחיים ומרדף רעה למותו |
20 Yehova amanyansidwa ndi anthu a mtima wokhotakhota koma amakondwera ndi anthu a makhalidwe angwiro.
| תועבת יהוה עקשי-לב ורצונו תמימי דרך |
21 Zoonadi, anthu oyipa adzalangidwa, koma anthu olungama adzapulumuka.
| יד ליד לא-ינקה רע וזרע צדיקים נמלט |
22 Monga imaonekera mphete yagolide ikakhala pa mphuno ya nkhumba, ndi momwenso amaonekera mkazi wokongola wamʼkamwa.
| נזם זהב באף חזיר-- אשה יפה וסרת טעם |
23 Zokhumba za anthu olungama zimathera pa zabwino zokhazokha, koma chiyembekezo cha anthu oyipa chimathera mu ukali wa Mulungu.
| תאות צדיקים אך-טוב תקות רשעים עברה |
24 Munthu wina amapatsako anzake zinthu mwaufulu nʼkumangolemererabe; wina amamana chomwe akanatha kupereka, koma kumanka nasawukabe.
| יש מפזר ונוסף עוד וחשך מישר אך-למחסור |
25 Munthu wopereka mowolowamanja adzalemera; iye amene amathandiza ena iyenso adzathandizidwa.
| נפש-ברכה תדשן ומרוה גם-הוא יורא |
26 Anthu amatemberera womana anzake chakudya, koma madalitso amakhala pamutu pa munthu amene amagulitsa chakudyacho.
| מנע בר יקבהו לאום וברכה לראש משביר |
27 Iye amene amafunafuna zabwino mwakhama amapeza zabwinozo, koma wofunafuna zoyipa zidzamupeza.
| שחר טוב יבקש רצון ודרש רעה תבואנו |
28 Aliyense amene amadalira chuma chake adzafota, koma wolungama adzaphukira ngati tsamba lobiriwira.
| בוטח בעשרו הוא יפול וכעלה צדיקים יפרחו |
29 Wovutitsa a mʼnyumba mwake adzalowa mʼmavuto, ndipo chitsiru chidzakhala kapolo wa munthu wa nzeru.
| עכר ביתו ינחל-רוח ועבד אויל לחכם-לב |
30 Chipatso cha ntchito zabwino ndi moyo, ndipo kusatsata malamulo kumawonongetsa moyo.
| פרי-צדיק עץ חיים ולקח נפשות חכם |
31 Ngati anthu olungama amalandira mphotho zawo pa dziko lapansi, kuli bwanji anthu osapembedza ndi ochimwa!
| הן צדיק בארץ ישלם אף כי-רשע וחוטא |
