Numeri 34
1 Yehova anawuza Mose kuti,
| וידבר יהוה אל משה לאמר׃ |
2 “Lamula Aisraeli ndipo uwawuze kuti, ‘Pamene mulowa mʼdziko la Kanaani, dziko lomwe lidzaperekedwa kwa inu ngati cholowa chanu, lidzakhale ndi malire awa:
| צו את בני ישראל ואמרת אלהם כי אתם באים אל הארץ כנען זאת הארץ אשר תפל לכם בנחלה ארץ כנען לגבלתיה׃ |
3 “‘Chigawo cha kummwera kwa dziko lanu chidzayambira ku chipululu cha Zini motsatana ndi malire a Edomu. Kummawa malire anu a kummwera adzayambira kummawa, kumathero a Nyanja ya Mchere.
| והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃ |
4 Malirewo adzapita kummwera ndipo adzakwera phiri la Akirabimu mpaka ku Zini. Mathero ake adzakhala kummwera kwa Kadesi-Baranea. Ndipo adzapitenso ku Hazari Adari mpaka kukafika ku Azimoni,
| ונסב לכם הגבול מנגב למעלה עקרבים ועבר צנה והיה תוצאתיו מנגב לקדש ברנע ויצא חצר אדר ועבר עצמנה׃ |
5 kumene malirewo adzakhote kuchokera ku Azimoni mpaka ku khwawa la ku Igupto ndi kukathera ku Nyanja Yayikulu.
| ונסב הגבול מעצמון נחלה מצרים והיו תוצאתיו הימה׃ |
6 “‘Malire anu a ku madzulo adzakhala ku gombe la Nyanja Yayikulu. Amenewo ndiwo adzakhale malire anu a ku madzulo.
| וגבול ים והיה לכם הים הגדול וגבול זה יהיה לכם גבול ים׃ |
7 “‘Malire anu a kumpoto, mzere wake uyambire ku Nyanja Yayikulu mpaka ku phiri la Hori
| וזה יהיה לכם גבול צפון מן הים הגדל תתאו לכם הר ההר׃ |
8 ndi kuchokera ku phiri la Hori mpaka ku Lebo Hamati. Malirewa apite ku Zedadi,
| מהר ההר תתאו לבא חמת והיו תוצאת הגבל צדדה׃ |
9 ndi kupitirira mpaka ku Ziforoni ndi kukathera ku Hazari-Enani. Awa ndiwo adzakhale malire anu a kumpoto.
| ויצא הגבל זפרנה והיו תוצאתיו חצר עינן זה יהיה לכם גבול צפון׃ |
10 “‘Za malire anu a kummawa, mulembe mzere kuchokera ku Hazari-Enani mpaka kukafika ku Sefamu.
| והתאויתם לכם לגבול קדמה מחצר עינן שפמה׃ |
11 Malirewo adzatsikire ku Sefamu mpaka ku Ribila cha kummawa kwa Aini ndi kupitirira mpaka ku matsitso a cha kummawa kwa Nyanja ya Kinereti.
| וירד הגבל משפם הרבלה מקדם לעין וירד הגבול ומחה על כתף ים כנרת קדמה׃ |
12 Tsono malirewo adzatsika motsatana ndi Yorodani ndi kukathera ku Nyanja ya Mchere. “‘Limeneli lidzakhala dziko lanu ndi malire ake mbali zonse.’”
| וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃ |
13 Ndipo Mose analamula Aisraeli kuti, “Limeneli ndi dziko limene mudzalilandira pochita maere kuti likhale cholowa chanu. Yehova analamula kuti liperekedwe ku mafuko asanu ndi anayi ndi theka,
| ויצו משה את בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה׃ |
14 chifukwa mabanja a fuko la Rubeni, fuko la Gadi, ndi theka la fuko la Manase analandiriratu cholowa chawo.
| כי לקחו מטה בני הראובני לבית אבתם ומטה בני הגדי לבית אבתם וחצי מטה מנשה לקחו נחלתם׃ |
15 Mafuko awiriwa pamodzi ndi theka la fuko la Manase analandiriratu cholowa chawo patsidya pa mtsinje wa Yorodani ku Yeriko cha kummawa kotulukira dzuwa.”
| שני המטות וחצי המטה לקחו נחלתם מעבר לירדן ירחו קדמה מזרחה׃ |
16 Yehova anawuza Mose kuti,
| וידבר יהוה אל משה לאמר׃ |
17 “Awa ndi mayina a anthu amene adzakugawireni dzikoli kuti likhale cholowa chanu: wansembe Eliezara ndi Yoswa mwana wa Nuni.
| אלה שמות האנשים אשר ינחלו לכם את הארץ אלעזר הכהן ויהושע בן נון׃ |
18 Musankhe mtsogoleri mmodzi kuchokera ku fuko lililonse kuti athandize kugawa dzikolo.
| ונשיא אחד נשיא אחד ממטה תקחו לנחל את הארץ׃ |
19 Mayina awo ndi awa: Kalebe mwana wa Yefune, wochokera ku fuko la Yuda,
| ואלה שמות האנשים למטה יהודה כלב בן יפנה׃ |
20 Semueli mwana wa Amihudi, wochokera ku fuko la Simeoni;
| ולמטה בני שמעון שמואל בן עמיהוד׃ |
21 Elidadi mwana wa Kisiloni, wochokera ku fuko la Benjamini;
| למטה בנימן אלידד בן כסלון׃ |
22 Buki mwana wa Yogili, mtsogoleri wochokera ku fuko la Dani;
| ולמטה בני דן נשיא בקי בן יגלי׃ |
23 Hanieli mwana wa Efodi, mtsogoleri wochokera ku fuko la Manase, mwana wa Yosefe;
| לבני יוסף למטה בני מנשה נשיא חניאל בן אפד׃ |
24 Kemueli mwana wa Sifitani, mtsogoleri wochokera ku fuko la Efereimu, mwana wa Yosefe.
| ולמטה בני אפרים נשיא קמואל בן שפטן׃ |
25 Elizafani mwana wa Parinaki, mtsogoleri wochokera ku fuko la Zebuloni;
| ולמטה בני זבולן נשיא אליצפן בן פרנך׃ |
26 Palitieli mwana wa Azani, mtsogoleri wochokera ku fuko la Isakara,
| ולמטה בני יששכר נשיא פלטיאל בן עזן׃ |
27 Ahihudi mwana wa Selomi, mtsogoleri wochokera ku fuko la Aseri;
| ולמטה בני אשר נשיא אחיהוד בן שלמי׃ |
28 Pedaheli mwana wa Amihudi, mtsogoleri wochokera ku fuko la Nafutali.”
| ולמטה בני נפתלי נשיא פדהאל בן עמיהוד׃ |
29 Awa ndiwo mayina a anthu amene Yehova analamula kuti agawe cholowa cha Aisraeli mʼdziko la Kanaani.
| אלה אשר צוה יהוה לנחל את בני ישראל בארץ כנען׃ |
