Yobu 7
1 “Kodi munthu sakhala ndi ntchito yowawa pa dziko lapansi? Kodi masiku ake sali ngati munthu waganyu?
| הלא-צבא לאנוש על- (עלי-) ארץ וכימי שכיר ימיו |
2 Monga ngati kapolo wolakalaka mthunzi wa nthawi yamadzulo, kapena ngati munthu waganyu woyembekezera malipiro ake,
| כעבד ישאף-צל וכשכיר יקוה פעלו |
3 choncho ine ndapatsidwa nthawi yongovutika pachabe, ndiponso usiku wamasautso wapatsidwa kwa ine.
| כן הנחלתי לי ירחי-שוא ולילות עמל מנו-לי |
4 Ndikamagona ndimaganiza kuti, ‘Kodi kucha liti?’ Usikuwo umatalika ndipo sindigona tulo mpaka mmawa.
| אם-שכבתי-- ואמרתי מתי אקום ומדד-ערב ושבעתי נדדים עדי-נשף |
5 Thupi langa ladzala mphutsi ndi zipsera, khungu langa langʼambika ndipo likutuluka mafinya.
| לבש בשרי רמה וגיש (וגוש) עפר עורי רגע וימאס |
6 “Masiku anga ndi othamanga kupambana makina wolukira nsalu, ndipo amatha wopanda chiyembekezo.
| ימי קלו מני-ארג ויכלו באפס תקוה |
7 Inu Mulungu kumbukirani kuti moyo wanga uli ngati mpweya; sindidzaonanso masiku achisangalalo.
| זכר כי-רוח חיי לא-תשוב עיני לראות טוב |
8 Amene akundiona tsopano akundiona; mudzandifunafuna koma sindidzapezekanso.
| לא-תשורני עין ראי עיניך בי ואינני |
9 Monga mtambo umazimirira ndi kukanganuka, momwemonso munthu amene walowa mʼmanda sabwerera. (Sheol h7585)
| כלה ענן וילך כן יורד שאול לא יעלה (Sheol h7585) |
10 Iye sadzabweranso ku nyumba kwake ndipo onse omudziwa adzamuyiwala.
| לא-ישוב עוד לביתו ולא-יכירנו עוד מקמו |
11 “Nʼchifukwa chake ine sindidzakhala chete; ndidzayankhula mopsinjika mtima, ndidzadandaula mowawidwa mtima.
| גם-אני לא אחשך-פי אדברה בצר רוחי אשיחה במר נפשי |
12 Kodi ine ndine nyanja kapena chirombo chamʼnyanja kuti inu mundiyikire alonda?
| הים-אני אם-תנין כי-תשים עלי משמר |
13 Pamene ndikuganiza kuti ndidzapeza chitonthozo pa bedi panga ndipo pogona panga padzachepetsa madandawulo anga,
| כי-אמרתי תנחמני ערשי ישא בשיחי משכבי |
14 ngakhale nthawi imeneyo mumandiopseza ndi maloto ndi kundichititsa mantha ndi masomphenya,
| וחתתני בחלמות ומחזינות תבעתני |
15 kotero kuti ndimalakalaka kudzikhweza kapena kufa, kupambana kupirira zowawa zimene ndikuzimva mʼthupi mwanga.
| ותבחר מחנק נפשי מות מעצמותי |
16 Ine ndatopa nawo moyo wanga; sindingakonde kukhala moyo nthawi zonse. Ndisiyeni ndekha pakuti moyo wanga ulibe tanthauzo.
| מאסתי לא-לעלם אחיה חדל ממני כי-הבל ימי |
17 “Kodi munthu nʼchiyani kuti muzimuganizira chotere, kuti muzisamala zochita zake,
| מה-אנוש כי תגדלנו וכי-תשית אליו לבך |
18 kuti muzimusanthula mmawa uliwonse ndi kumamuyesa nthawi yonse?
| ותפקדנו לבקרים לרגעים תבחננו |
19 Kodi simudzaleka kumandizonda kuti ndipezeko mpata wopumula?
| כמה לא-תשעה ממני לא-תרפני עד-בלעי רקי |
20 Ngati ine ndachimwa, ndachita chiyani kwa Inu, Inu wopenyetsetsa anthu? Chifukwa chiyani mwachititsa kuti ndikhale ngati choponyera chandamale chanu? Kodi ndasanduka katundu wolemera kwa Inu?
| חטאתי מה אפעל לך-- נצר האדם למה שמתני למפגע לך ואהיה עלי למשא |
21 Chifukwa chiyani simukundikhululukira zolakwa zanga ndi kundichotsera machimo anga? Pakuti posachedwa ndilowa mʼmanda; mudzandifunafuna ine koma simudzandionanso.”
| ומה לא-תשא פשעי-- ותעביר את-עוני כי-עתה לעפר אשכב ושחרתני ואינני |
