Yobu 5
1 “Itana ngati ungathe, koma ndani adzakuyankhe? Kodi ndi kwa mngelo uti ungapezeko thandizo?
| קרא נא היש עונך ואל מי מקדשים תפנה׃ |
2 Mkwiyo umapha chitsiru, ndipo njiru imawononga wopusa.
| כי לאויל יהרג כעש ופתה תמית קנאה׃ |
3 Ine ndinaona chitsiru chitamera mizu, koma mwadzidzidzi nyumba yake inatembereredwa.
| אני ראיתי אויל משריש ואקוב נוהו פתאם׃ |
4 Ana ake alibe ndi chitetezo chomwe; amaponderezedwa mʼbwalo la milandu popanda owateteza.
| ירחקו בניו מישע וידכאו בשער ואין מציל׃ |
5 Anthu anjala amamudyera zokolola zake, amamutengera ndi za pa minga pomwe, ndipo anthu akhwinthi amafunkha chuma chake.
| אשר קצירו רעב יאכל ואל מצנים יקחהו ושאף צמים חילם׃ |
6 Pakuti masautso satuluka mʼfumbi, ndipo kuwukira sikuchokera mʼdothi.
| כי לא יצא מעפר און ומאדמה לא יצמח עמל׃ |
7 Komatu munthu amabadwira kuti azunzike monga momwe mbaliwali zimathethekera mlengalenga.
| כי אדם לעמל יולד ובני רשף יגביהו עוף׃ |
8 “Koma ndikanakhala ine, ndikanamudandawulira Mulungu; ndikanapereka mlandu wanga kwa Iye.
| אולם אני אדרש אל אל ואל אלהים אשים דברתי׃ |
9 Iye amachita zozizwitsa zimene sizimvetsetseka, zodabwitsa zimene sizingatheke kuwerengedwa.
| עשה גדלות ואין חקר נפלאות עד אין מספר׃ |
10 Iye amagwetsa mvula pa dziko lapansi, ndipo amathirira minda ya anthu.
| הנתן מטר על פני ארץ ושלח מים על פני חוצות׃ |
11 Iye amakweza anthu wamba, ndipo iwo amene akulira amawayika pa malo otetezedwa.
| לשום שפלים למרום וקדרים שגבו ישע׃ |
12 Iyeyo amalepheretsa chiwembu cha anthu ochenjera, kotero kuti cholinga chawo sichipindula kanthu.
| מפר מחשבות ערומים ולא תעשינה ידיהם תושיה׃ |
13 Iye amakola anthu ochenjera mu msampha wa kuchenjera kwawo, ndipo zolinga za atambwali amazithetsa msangamsanga.
| לכד חכמים בערמם ועצת נפתלים נמהרה׃ |
14 Mdima umawagwera nthawi yamasana; nthawi yamasana amayenda moyambasayambasa monga nthawi ya usiku.
| יומם יפגשו חשך וכלילה ימששו בצהרים׃ |
15 Mulungu amapulumutsa amphawi ku lupanga la mʼkamwa mwawo; amawapulumutsa mʼmanja mwa anthu amphamvu.
| וישע מחרב מפיהם ומיד חזק אביון׃ |
16 Choncho osauka ali ndi chiyembekezo, ndipo anthu opanda chilungamo amawatseka pakamwa.
| ותהי לדל תקוה ועלתה קפצה פיה׃ |
17 “Wodala munthu amene Mulungu amamudzudzula; nʼchifukwa chake usanyoze chilango cha Wamphamvuzonse.
| הנה אשרי אנוש יוכחנו אלוה ומוסר שדי אל תמאס׃ |
18 Pakuti Iye amavulaza koma amamanganso mabalawo; Iye amakantha munthu, komanso manja ake amachiritsa.
| כי הוא יכאיב ויחבש ימחץ וידו תרפינה׃ |
19 Pakuti adzakupulumutsa ku masautso nthawi ndi nthawi, mavuto angachuluke bwanji, sadzakukhudza ndi pangʼono pomwe.
| בשש צרות יצילך ובשבע לא יגע בך רע׃ |
20 Pa nthawi ya njala adzakulanditsa ku imfa, ndipo nthawi ya nkhondo adzakupulumutsa ku lupanga.
| ברעב פדך ממות ובמלחמה מידי חרב׃ |
21 Adzakuteteza kwa anthu osinjirira, ndipo palibe chifukwa chochitira mantha pamene chiwonongeko chafika.
| בשוט לשון תחבא ולא תירא משד כי יבוא׃ |
22 Uzidzaseka pa nthawi ya chiwonongeko ndi ya njala, ndipo palibe chifukwa chochitira mantha ndi zirombo za mʼdziko lapansi.
| לשד ולכפן תשחק ומחית הארץ אל תירא׃ |
23 Pakuti udzachita pangano ndi miyala ya mʼmunda mwako, ndipo nyama zakuthengo zidzakhala nawe mwamtendere.
| כי עם אבני השדה בריתך וחית השדה השלמה לך׃ |
24 Udzadziwa kuti nyumba yako ndi malo otetezedwa; udzawerengera katundu wako ndipo sudzapeza kanthu kamene kasowapo.
| וידעת כי שלום אהלך ופקדת נוך ולא תחטא׃ |
25 Udzadziwa kuti ana ako adzakhala ambiri, ndipo zidzukulu zako zidzakhala ngati udzu wa mʼdziko lapansi.
| וידעת כי רב זרעך וצאצאיך כעשב הארץ׃ |
26 Udzafika ku manda utakalamba, monga mitolo ya zokolola pa nyengo yake.
| תבוא בכלח אלי קבר כעלות גדיש בעתו׃ |
27 “Ife tafufuza zimenezi ndipo ndi zoona, choncho uzimvere ndi kuzitsata.”
| הנה זאת חקרנוה כן היא שמענה ואתה דע לך׃ |
