Yobu 4
1 Pamenepo Elifazi wa ku Temani anayankha kuti,
| ויען אליפז התימני ויאמר |
2 “Ngati wina atakuyankha, kodi ungakhumudwe? Koma ndani angakhale chete wosayankhula?
| הנסה דבר אליך תלאה ועצר במלין מי יוכל |
3 Taganiza momwe iwe walangizira anthu ambiri, momwe walimbitsira anthu ofowoka.
| הנה יסרת רבים וידים רפות תחזק |
4 Mawu ako analimbitsa anthu ofuna kugwa; unachirikiza anthu wotha mphamvu.
| כושל יקימון מליך וברכים כרעות תאמץ |
5 Koma tsopano mavuto akufikira ndipo wataya mtima, zakukhudza ndipo uli ndi mantha.
| כי עתה תבוא אליך ותלא תגע עדיך ותבהל |
6 Kodi kuopa Mulungu kwako sindiko kulimbika mtima kwako? Ndipo moyo wako wosalakwa ndiye chiyembekezo chako?
| הלא יראתך כסלתך תקותך ותם דרכיך |
7 “Ganiza bwino tsopano: Kodi munthu wosalakwa anawonongekapo nʼkale lonse? Nʼkuti kumene munthu wolungama mtima anaphedwa?
| זכר-נא--מי הוא נקי אבד ואיפה ישרים נכחדו |
8 Monga ndaonera ine, anthu amene amatipula zoyipa, ndi iwo amene amadzala mavuto, amakolola zomwezo.
| כאשר ראיתי חרשי און וזרעי עמל יקצרהו |
9 Iwo amaphedwa ndi mpweya wa Mulungu; amawonongeka ndi mpweya waukali wa mkwiyo wake.
| מנשמת אלוה יאבדו ומרוח אפו יכלו |
10 Mikango imabangula ndi kulira, komabe mano a mikango yamphamvu amathyoledwa.
| שאגת אריה וקול שחל ושני כפירים נתעו |
11 Mkango umafa chifukwa chosowa nyama, ndipo ana amkango amamwazikana.
| ליש אבד מבלי-טרף ובני לביא יתפרדו |
12 “Mawu anabwera kwa ine mwamseri, makutu anga anamva kunongʼona kwake.
| ואלי דבר יגנב ותקח אזני שמץ מנהו |
13 Mʼkati mwa maloto ochititsa mantha usiku, nthawi imene anthu amagona tulo tofa nato,
| בשעפים מחזינות לילה בנפל תרדמה על-אנשים |
14 ndinagwidwa ndi mantha, ndi kuyamba kunjenjemera ndipo mafupa anga onse anaweyeseka.
| פחד קראני ורעדה ורב עצמותי הפחיד |
15 Pamenepo mzimu unadutsa pamaso panga, ndipo ubweya wa pa thupi langa unayima kuti njoo.
| ורוח על-פני יחלף תסמר שערת בשרי |
16 Chinthucho chinayimirira koma sindinathe kuzindikira kuti chinali chiyani. Chinthu chinayima patsogolo panga, kunali zii ndipo ndinamva mawu akuti,
| יעמד ולא אכיר מראהו-- תמונה לנגד עיני דממה וקול אשמע |
17 ‘Kodi munthu angathe kukhala wolungama kupambana Mulungu? Kodi munthu angathe kukhala wangwiro kupambana Mlengi wake?
| האנוש מאלוה יצדק אם מעשהו יטהר-גבר |
18 Ngati Mulungu sakhulupirira atumiki ake omwe, ngati Iye amawapeza angelo ake ndi cholakwa,
| הן בעבדיו לא יאמין ובמלאכיו ישים תהלה |
19 nanga kuli bwanji ndi iwo amene amakhala mʼnyumba zadothi, amene maziko awo ndi fumbi, amene amathudzuka mosavuta ngati kadziwotche!
| אף שכני בתי-חמר--אשר-בעפר יסודם ידכאום לפני-עש |
20 Mmawa ali moyo, pofika madzulo afa; mwakachetechete, amawonongeka kwamuyaya.
| מבקר לערב יכתו מבלי משים לנצח יאבדו |
21 Kodi zonse zimene ali nazo sizimatheratu, kotero kuti amafa osadziwa nʼkanthu komwe?’
| הלא-נסע יתרם בם ימותו ולא בחכמה |
