Yobu 36
1 Ndipo Elihu anapitirira kuyankhula nati:
| ויסף אליהוא ויאמר |
2 “Mundilole pangʼono pokha ndipo ndikuonetsani kuti zilipo zambiri zoti ziyankhulidwe mʼmalo mwa Mulungu.
| כתר-לי זעיר ואחוך כי עוד לאלוה מלים |
3 Nzeru zanga ndimazitenga kutali; ndidzaonetsa kulungama kwa Mlengi wanga.
| אשא דעי למרחוק ולפעלי אתן-צדק |
4 Ndithudi mawu anga si abodza; wanzeru zangwiro ali ndi inu.
| כי-אמנם לא-שקר מלי תמים דעות עמך |
5 “Mulungu ndi wamphamvu, koma sanyoza anthu; Iye ndi wamphamvu, ndipo ndi wokhazikika pa cholinga chake.
| הן-אל כביר ולא ימאס כביר כח לב |
6 Salola oyipa kuti akhalebe ndi moyo koma amapereka ufulu kwa anthu osautsidwa.
| לא-יחיה רשע ומשפט עניים יתן |
7 Iye saleka kuyangʼanira anthu olungama; amawayika kuti alamulire pamodzi ndi mafumu ndipo amawalemekeza mpaka muyaya.
| לא-יגרע מצדיק עיניו ואת-מלכים לכסא וישיבם לנצח ויגבהו |
8 Koma ngati anthu amangidwa ndi unyolo, ndipo akondwa ndi zingwe zamasautso,
| ואם-אסורים בזקים ילכדון בחבלי-עני |
9 Iye amawafotokozera zomwe anachita, kuti iwo anachimwa modzikuza.
| ויגד להם פעלם ופשעיהם כי יתגברו |
10 Mulungu amawatsekula makutu kuti amve malangizo ake ndipo amawalamula kuti alape zoyipa zawo.
| ויגל אזנם למוסר ויאמר כי-ישובון מאון |
11 Ngati iwo amumvera ndi kumutumikira, adzatsiriza masiku a moyo wawo mwamtendere, adzatsiriza zaka zawo mosangalala.
| אם-ישמעו ויעבדו יכלו ימיהם בטוב ושניהם בנעימים |
12 Koma ngati samvera, adzaphedwa ndi lupanga ndipo adzafa osadziwa kanthu.
| ואם-לא ישמעו בשלח יעברו ויגועו בבלי-דעת |
13 “Anthu osapembedza amasunga mkwiyo mu mtima mwawo; akawalanga, safuwulira kwa Iye kupempha thandizo.
| וחנפי-לב ישימו אף לא ישועו כי אסרם |
14 Amafa akanali achinyamata, pakati pa amuna achiwerewere a kumalo azipembedzo.
| תמת בנער נפשם וחיתם בקדשים |
15 Koma ovutika, Iye amawapulumutsa pa mavuto awo; Mulungu amawayankhula mʼmasautso awowo.
| יחלץ עני בעניו ויגל בלחץ אזנם |
16 “Iye akukukopani inu kuti muchoke mʼmasautso, kuti mupite ku malo aakulu kumene kulibe chokutchingani, kumalo a mpumulo kumene kuli chakudya chabwino kwambiri.
| ואף הסיתך מפי-צר-- רחב לא-מוצק תחתיה ונחת שלחנך מלא דשן |
17 Koma tsopano inu mwapezeka wopalamula chifukwa cha kuyipa kwanu; chiweruzo ndi chilungamo chakugwerani.
| ודין-רשע מלאת דין ומשפט יתמכו |
18 Muchenjere kuti wina asakukopeni ndi chuma; musalole kuti chiphuphu chachikulu chikusocheretseni.
| כי-חמה פן-יסיתך בספק ורב-כפר אל-יטך |
19 Kodi chuma chanu kapena mphamvu zanu zonse zingakusungeni kotero kuti simungakhale pa masautso?
| היערך שועך לא בצר וכל מאמצי-כח |
20 Musalakalake kuti usiku ubwere, pakuti ndiyo nthawi imene anthu adzawonongeka.
| אל-תשאף הלילה-- לעלות עמים תחתם |
21 Muchenjere kuti musatembenukire ku uchimo, chifukwa uchimowo ndiwo unabweretsa kuzunzika kwanu.
| השמר אל-תפן אל-און כי-על-זה בחרת מעני |
22 “Taonani, Mulungu ndi wamkulu ndiponso ndi wamphamvu. Kodi ndi mphunzitsi uti amene angafanane naye?
| הן-אל ישגיב בכחו מי כמהו מורה |
23 Kodi ndani amene anamuwuzapo Mulungu zoti achite, kapena kumuwuza kuti, ‘Inu mwachita chinthu cholakwa?’
| מי-פקד עליו דרכו ומי-אמר פעלת עולה |
24 Kumbukirani kutamanda ntchito zake zimene anthu amaziyamika mʼnyimbo.
| זכר כי-תשגיא פעלו-- אשר שררו אנשים |
25 Anthu onse amaziona ntchitozo; anthuwo amaziona ali kutali.
| כל-אדם חזו-בו אנוש יביט מרחוק |
26 Ndithudi, Mulungu ndi wamkulu, sitimudziwa nʼpangʼono pomwe! Chiwerengero cha zaka zake nʼchosadziwika.
| הן-אל שגיא ולא נדע מספר שניו ולא-חקר |
27 “Mulungu ndiye amakweza timadontho tamadzi kuthambo, timene timasungunuka nʼkukhala mvula;
| כי יגרע נטפי-מים יזקו מטר לאדו |
28 mitambo imagwetsa mvulayo ndipo mvulayo imavumbwa pa anthu mokwanira.
| אשר-יזלו שחקים ירעפו עלי אדם רב |
29 Kodi ndani amene angadziwe momwe mitambo imayendera, momwe Iye amabangulira kuchokera kumalo ake?
| אף אם-יבין מפרשי-עב תשאות סכתו |
30 Taonani momwe amawalitsira zingʼaningʼani pa malo ake onse, zimafika ngakhale pansi pa nyanja.
| הן-פרש עליו אורו ושרשי הים כסה |
31 Umu ndi mmene Iye amalamulira mitundu ya anthu ndi kuwapatsa chakudya chochuluka.
| כי-בם ידין עמים יתן-אכל למכביר |
32 Amadzaza manja ake ndi zingʼaningʼani, ndipo amazilamulira kuti zigwe pamalo pamene Iye akufuna.
| על-כפים כסה-אור ויצו עליה במפגיע |
33 Mabingu ake amalengeza za kubwera kwa mvula yamkuntho; ngʼombe nazo zimalengeza za kubwera kwake.
| יגיד עליו רעו מקנה אף על-עולה |
