Yobu 33
1 “Koma tsopano, inu abambo Yobu chonde mverani mawu anga; mutcherere khutu zonse zimene ndinene.
| ואולם שמע נא איוב מלי וכל דברי האזינה׃ |
2 Tsopano ndiyamba kuyankhula; mawu anga ali pa msonga ya lilime langa.
| הנה נא פתחתי פי דברה לשוני בחכי׃ |
3 Mawu anga akuchokera mu mtima wolungama; pakamwa panga pakuyankhula zoonadi zimene ndikuzidziwa.
| ישר לבי אמרי ודעת שפתי ברור מללו׃ |
4 Mzimu wa Mulungu wandiwumba, mpweya wa Wamphamvuzonse umandipatsa moyo.
| רוח אל עשתני ונשמת שדי תחיני׃ |
5 Mundiyankhe ngati mungathe; konzekani tsopano kuti munditsutse.
| אם תוכל השיבני ערכה לפני התיצבה׃ |
6 Ine ndili monga inu pamaso pa Mulungu; nanenso ndinachokera ku dothi.
| הן אני כפיך לאל מחמר קרצתי גם אני׃ |
7 Musachite mantha ndipo musandiope ayi, Ine sindikupanikizani kwambiri ayi.
| הנה אמתי לא תבעתך ואכפי עליך לא יכבד׃ |
8 “Koma inu mwayankhula ine ndikumva, ndamva mawu anuwo onena kuti,
| אך אמרת באזני וקול מלין אשמע׃ |
9 ‘Ndine wolungama mtima ndi wopanda tchimo; ndine woyera mtima ndipo ndilibe cholakwa.
| זך אני בלי פשע חף אנכי ולא עון לי׃ |
10 Komatu Mulungu wapeza zifukwa zoti anditsutsire nazo; Iye akundiyesa ngati mdani wake.
| הן תנואות עלי ימצא יחשבני לאויב לו׃ |
11 Iyeyo wamanga mapazi anga mʼzigologolo, akulonda mayendedwe anga onse.’
| ישם בסד רגלי ישמר כל ארחתי׃ |
12 “Koma ine ndi kuti kwa inu, inuyo simukukhoza pa zimenezi, pakuti Mulungu ndi wamkulu kupambana munthu.
| הן זאת לא צדקת אענך כי ירבה אלוה מאנוש׃ |
13 Chifukwa chiyani mukudandaula kwa Iye kuti sayankha mawu ena aliwonse a munthu?
| מדוע אליו ריבות כי כל דבריו לא יענה׃ |
14 Pajatu Mulungu amayankhula mwa njira zosiyanasiyana, ngakhale munthu sazindikira zimenezi.
| כי באחת ידבר אל ובשתים לא ישורנה׃ |
15 Mʼmaloto, mʼmasomphenya usiku, pamene anthu ali mʼtulo tofa nato pamene akungosinza chabe pa bedi,
| בחלום חזיון לילה בנפל תרדמה על אנשים בתנומות עלי משכב׃ |
16 amawanongʼoneza mʼmakutu ndi kuwaopseza ndi machenjezo ake,
| אז יגלה אזן אנשים ובמסרם יחתם׃ |
17 kumuchotsa munthu ku zoyipa, ndi kuthetseratu kunyada kwake,
| להסיר אדם מעשה וגוה מגבר יכסה׃ |
18 kumulanditsa munthu ku manda, kuti moyo wake usawonongeke ndi lupanga.
| יחשך נפשו מני שחת וחיתו מעבר בשלח׃ |
19 “Mwina Mulungu amalanga munthu ndi matenda ndi ululu ali pa bedi pake, nthawiyo thupi lake lonse limangophwanya,
| והוכח במכאוב על משכבו וריב עצמיו אתן׃ |
20 kuti asakhalenso ndi chilakolako cha chakudya, ndipo amanyansidwa ndi chakudya chabwino chomwe.
| וזהמתו חיתו לחם ונפשו מאכל תאוה׃ |
21 Thupi lake limawonda ndipo mafupa ake, omwe anali obisika, tsopano amaonekera poyera.
| יכל בשרו מראי ושפי עצמותיו לא ראו׃ |
22 Munthuyo amayandikira ku manda, moyo wake umayandikira kwa amene amabweretsa imfa.
| ותקרב לשחת נפשו וחיתו לממתים׃ |
23 “Koma patakhala mngelo ngati mthandizi, mmodzi mwa ambirimbiri oterewa, adzafotokoza zimene zili zoyenera,
| אם יש עליו מלאך מליץ אחד מני אלף להגיד לאדם ישרו׃ |
24 kudzamukomera mtima ndi kunena kuti, ‘Mupulumutseni kuti asapite ku manda; ine ndapeza cholowa mʼmalo mwa moyo wake,’
| ויחננו ויאמר פדעהו מרדת שחת מצאתי כפר׃ |
25 pamenepo thupi lake lidzasanduka lasee ngati la mwana; ndipo adzabwezeretsedwanso kukhala ngati mʼmasiku a unyamata wake.
| רטפש בשרו מנער ישוב לימי עלומיו׃ |
26 Akapemphera kwa Mulungu, iyeyo adzalandiridwa. Mulungu adzamulandira mwa chimwemwe ndipo adzamubwezeretsa pamalo ake oyamba.
| יעתר אל אלוה וירצהו וירא פניו בתרועה וישב לאנוש צדקתו׃ |
27 Ndipo adzabwera kwa anzake ndi kunena kuti, ‘Ndinachimwa ndipo sindinachite zolungama, koma sindinalangidwe koyenerana ndi kuchimwa kwanga.
| ישר על אנשים ויאמר חטאתי וישר העויתי ולא שוה לי׃ |
28 Iye anapulumutsa moyo wanga kuti usapite ku manda, ndipo ndidzakhala ndi moyo ndi kuonanso kuwala kwa dzuwa.’
| פדה נפשי מעבר בשחת וחיתי באור תראה׃ |
29 “Mulungu amachita zonsezi kwa munthu kawirikawiri,
| הן כל אלה יפעל אל פעמים שלוש עם גבר׃ |
30 kupulumutsa moyo wa munthuyo ku manda, kuti athe kuonanso kuwala kwa moyo.
| להשיב נפשו מני שחת לאור באור החיים׃ |
31 “Abambo Yobu, tcherani khutu ndipo mundimvere; khalani chete kuti ndiyankhule.
| הקשב איוב שמע לי החרש ואנכי אדבר׃ |
32 Ngati muli nʼchoti munene, ndiyankheni; yankhulani, pakuti ine ndikufuna mupezeke wolungama.
| אם יש מלין השיבני דבר כי חפצתי צדקך׃ |
33 Koma ngati sichoncho, mundimvere; khalani chete ndipo ine ndidzakuphunzitsani nzeru.”
| אם אין אתה שמע לי החרש ואאלפך חכמה׃ |
