Yobu 27
1 Ndipo Yobu anapitiriza kuyankhula kwake:
| ויסף איוב שאת משלו ויאמר׃ |
2 “Ndithu pali Mulungu wamoyo, amene wakana kundiweruza molungama, Wamphamvuzonse, amene wawawitsa mtima wanga,
| חי אל הסיר משפטי ושדי המר נפשי׃ |
3 nthawi zonse pamene ndili ndi moyo, mpweya wa Mulungu uli mʼmphuno mwanga,
| כי כל עוד נשמתי בי ורוח אלוה באפי׃ |
4 pakamwa panga sipadzatuluka mawu oyipa, lilime langa silidzayankhula zachinyengo.
| אם תדברנה שפתי עולה ולשוני אם יהגה רמיה׃ |
5 Sindidzavomereza kuti inu mukunena zoona; mpaka imfa yanga, sindidzataya ungwiro wanga.
| חלילה לי אם אצדיק אתכם עד אגוע לא אסיר תמתי ממני׃ |
6 Ndidzasunga chilungamo changa ndipo sindidzalola kuti chindichokere; chikumbumtima changa sichidzanditsutsa nthawi yonse ya moyo wanga.
| בצדקתי החזקתי ולא ארפה לא יחרף לבבי מימי׃ |
7 “Mdani wanga akhale ngati woyipa, wondiwukira akhale ngati munthu wosalungama!
| יהי כרשע איבי ומתקוממי כעול׃ |
8 Nanga chiyembekezo cha munthu wosapembedza nʼchiyani pamene aphedwa, pamene Mulungu achotsa moyo wake?
| כי מה תקות חנף כי יבצע כי ישל אלוה נפשו׃ |
9 Kodi Mulungu amamva kulira kwake pamene zovuta zamugwera?
| הצעקתו ישמע אל כי תבוא עליו צרה׃ |
10 Kodi adzapeza chikondwerero mwa Wamphamvuzonse? Kodi adzapemphera kwa Mulungu nthawi zonse?
| אם על שדי יתענג יקרא אלוה בכל עת׃ |
11 “Ndidzakuphunzitsani za mphamvu ya Mulungu ndipo sindidzabisa njira za Wamphamvuzonse.
| אורה אתכם ביד אל אשר עם שדי לא אכחד׃ |
12 Inu mwadzionera nokha zonsezi. Nanga bwanji mukuyankhula zopanda pake?
| הן אתם כלכם חזיתם ולמה זה הבל תהבלו׃ |
13 “Pano pali chilango chimene Mulungu amasungira woyipa, cholowa chimene munthu wankhanza amalandira kuchokera kwa Wamphamvuzonse.
| זה חלק אדם רשע עם אל ונחלת עריצים משדי יקחו׃ |
14 Angakhale ana ake achuluke chotani adzaphedwa ndi lupanga ndipo zidzukulu zake zidzasowa zakudya.
| אם ירבו בניו למו חרב וצאצאיו לא ישבעו לחם׃ |
15 Amene adzatsalireko adzafa ndi mliri, ndipo akazi awo amasiye sadzawalira.
| שרידו במות יקברו ואלמנתיו לא תבכינה׃ |
16 Ngakhale aunjike siliva ngati fumbi, ndi kukundika zovala ngati mchenga,
| אם יצבר כעפר כסף וכחמר יכין מלבוש׃ |
17 zimene wasungazo wolungama ndiye adzavale, ndipo anthu osalakwa ndiwo adzagawane siliva wakeyo.
| יכין וצדיק ילבש וכסף נקי יחלק׃ |
18 Nyumba imene akuyimanga ili ngati mokhala kadziwotche, ili ngati msasa umene mlonda amamanga.
| בנה כעש ביתו וכסכה עשה נצר׃ |
19 Amapita kokagona ali wolemera koma kutha kwake nʼkomweko; akatsekula maso ake, chuma chake chonse chapita.
| עשיר ישכב ולא יאסף עיניו פקח ואיננו׃ |
20 Zoopsa zimamukokolola ngati madzi achigumula; mphepo yamkuntho imamunyamula usiku.
| תשיגהו כמים בלהות לילה גנבתו סופה׃ |
21 Mphepo ya kummawa imamuwulutsa ndipo iye saonekanso ndipo imamuchotsa pamalo pake.
| ישאהו קדים וילך וישערהו ממקמו׃ |
22 Imakuntha pa iye osamuchitira chisoni, pamene akuyesa kuthawa mphamvu zake mwaliwiro.
| וישלך עליו ולא יחמל מידו ברוח יברח׃ |
23 Mphepoyo imamuwomba ndithu ndipo kuchokera pamalo pake imamuopseza.”
| ישפק עלימו כפימו וישרק עליו ממקמו׃ |
